كماليات الكروز فين ؟

[mido]

حد يعرف مكان بيبيع كماليات الكروز ؟ الحاجات النيكل مثلا ؟ السيويلر ؟
انا كده هجيب الحاجات من على النت

[Ahmedsa33]

متابع بأهتمام
بالنسبة للأوكر و الحتة اللى فوق النمرة متوفرين كتييير جدا و اكيد هتلاقيهم فى التوفيقية سعر الاوكر 45 جنية
و الحتة اللى فوق النمرة 60 جنية دووول انا مركبهم و اى خدمة

[mido]

تمام طب النيكل اللى على الباب ؟ اللى على الشبابيك

[dr_darsh]

انا كنت بأركب ستارة خلفية عند على رضا اللى فى مدينة نصر
وهناك قالى انه عند السبويلر الأصلى بتاعها وب 600 جنيه وبيجى بلون العربية بس انا مش شفته هو قالى فى المخزن وقالى كمان انه عنده طقم النواكل بتاع العربية بس مش عارف اسعار ولا عارف بيتكون من ايه لأنى مش مهتم بموضوع النواكل

[mido]

600 كتير قوى بس لو جبته من الصين هيوقف بنفس السعر

[dr_darsh]

600 كتير قوى بس لو جبته من الصين هيوقف بنفس السعر

فعلا كتير جدا علشان كده انا مش رضبت اشوفه بس هو ورانى هناك بتاع المازدا 3 وبجد الخامة كويس ووزنه خفيف جدا والدهان نضيف على كلامه انه أصلى والدهان بيجى بنفس لون العربية والله أعلم

[mido]

هو صينى برده فى النهايه

[mhmdalsaadany]

بص ياباشا انا قبل كدا سئلت على طقم النواكل اللى زي الباسات اللى على البيبان كان ب 450 وتقريبا كان معاه الفوانيس كمان على ما اذكر بس مش متأكد من موضوع الفوانيس لاني مكنتش عايزهم بس بصراحه برده نواكل البيبان كانت تحفه والاسبويلر كان ب 500 تقريبا عند بدر الدين في المطبعه هرم

[mido]

بص ياباشا انا قبل كدا سئلت على طقم النواكل اللى زي الباسات اللى على البيبان كان ب 450 وتقريبا كان معاه الفوانيس كمان على ما اذكر بس مش متأكد من موضوع الفوانيس لاني مكنتش عايزهم بس بصراحه برده نواكل البيبان كانت تحفه والاسبويلر كان ب 500 تقريبا عند بدر الدين في المطبعه هرم

هى المطبعه دى فين فى الهرم ؟ لو هاجى من ميدان الرمايه

[mhmdalsaadany]

بص يا باشا حضرتك عارف مسرح الزعيم هيكون على شمالك وانت جاي من الرمايه هتفضل ماشي بعديه حوالي محطتين اتوبيس وبعدين هتلاقي كايرو مول وقدامه يوترن هتلف منه وترجه ناحيه الرمايه تاني هتفضل ماشي وتسيب اول شارع وتخش التاني هتلاقيه شارع عريض اوي وفي في النص جزيره وزرع كتير هتلاقي هنالك اكتر من عشرين محل كماليات

[mido]

بص يا باشا حضرتك عارف مسرح الزعيم هيكون على شمالك وانت جاي من الرمايه هتفضل ماشي بعديه حوالي محطتين اتوبيس وبعدين هتلاقي كايرو مول وقدامه يوترن هتلف منه وترجه ناحيه الرمايه تاني هتفضل ماشي وتسيب اول شارع وتخش التاني هتلاقيه شارع عريض اوي وفي في النص جزيره وزرع كتير هتلاقي هنالك اكتر من عشرين محل كماليات

هايل الف شكر:)

[mhmdalsaadany]

اي خدمه يا باشا وانا تحت امرك في اي شئ