البطارية فصلت

[Dr_ahmedrady]

كنت مسافر و سايب العربية لفترة
ورجعت لقيت الوالد نزل اخد طلب من العربية و مقفلش العربية كويس
و بالتالى نور الصالون العربية فضل والع لحد منا جيت
يمكن اسبوع تقريبا

فلما جيت ادور العربية مدارتش
ده الريموت اساسا مكنش شغال

حاولت ادورها بطريقة الزق معرفتش ازاى و مكانش فى حد معايا عشان يزق

لقيت واحد ابن حلال حط كابلاته فدورلى العربية

لما العربية اشتغلت لقيت الساعة صفرت و بدات تعد من الاول
وكمان الكاسيت طلب باس طود كتبلى af

الاستفسارات الان::

ازاى ادور العربية بالزق؟؟
ايه طريقة توصيل الكابلات بطريقة سليمة؟؟
انا فهمت ان العربية عملت ريست لنفسها لما البطارية فضيت
ياترى فى حاجة تانى حصلها ريست غير الكاسيت و الساعة؟؟


بالنسبة للكاسيت كتبت 123 اشتغل كويس
وكمان بيقلب الموجات ف الراديو نمرة نمرة مش زوجى زى مالناس اشتكت بالرغم انى كتبت الباس عشوائى يعنى

ولو اى حد عنده نصائح بخصوص الموضوع ده يتفضل

[hpxp]

انا عملت حاجه زيك ويمكن العن كمان
كنت بنظف الفوانيس فمدور العربيه نص تدويرة ومولع العالي والواطي والفوج وجايب الفتيس مرشدرير ومشغل الانتظار غير كده نسيت نور الصالون والع بلمض القرايه
جيت ادور مقمتش اصلا ونور العداد كان بيلعب مع الانتظار دورتها كبلات دارات مجرد ما انت تمشي مشوار حلوختها حوالي 2كيلو رايح جاي يعني4 كيلو والدي بليل مشي حةالي 80 كيلو هترجع البطاريه زي الفل
الزق بلاش
الكبلات بقي يسيدي موجب مع موجب وسالب مع سالب وتدور ودنك دايس بنزين شويه

[drmagieed]

إشحن البطارية ... أو إمشي بالعربية مشوار حلو زي ما قالك hpxp

[A.Saad]

والعربيه واقفه تجيب التانى
ثم تدوس دبرياج
تبداً فى الزق مع ضغط الدبرياج
بعد ما تسرع شوية شيل رجلك من الدبرياج ودوس بنزين

[Dr_ahmedrady]

والعربيه واقفه تجيب التانى
ثم تدوس دبرياج
تبداً فى الزق مع ضغط الدبرياج
بعد ما تسرع شوية شيل رجلك من الدبرياج ودوس بنزين

من غير مادور الكونتاكت ؟؟

[Mangog]

لا طبعا لازم تدور انت بتدور بعد ما تشيل رجلك من على الديبرياج ة مابتدوسش بنزين الا لما العربية تبدا تقوم ... لكن انصحك تعالج المشكلة ومتعتمدش على الزق

[A.Saad]