صيانة ال 15000 وتجربتى لزيت فالفولين

[ahmedaglan]

تم بفضل الله صيانة ال 15000 في منصور التجمع
وتم تغيير الزيت لفالفولين
5w30
وملاحظاتى للزيت
الموتور اصبح صوتة اهدى واداءة جيد ودة لانى كنت بحط موبيل وان واداء الموتور وصوتة كانو ظهرين بشكل ملحوظ
وانا انصح بشدة استخدام زيت فالفولين
وللعلم في كاتلوج الاوبترا مذكور انك تستخدم زيت 5w30 وفي الجو الحر تستخدم 10w40
مش زي زيت موبيل وان وهو 5w50
ودة للعلم
اما عن ما حدث ف الصيانة فتم تغيير الزيت والفلتر وتربيط العفشة وتنظيف فلتر الهواء وتنظيف فلتر البنزين وتنظيف بوابات البنزين وتنظيف فلتر التكييف
وتم دفع 276جنية
ودة طبعا كتير بس الحمد الله علي كل حال وللضرورة احكام

[Hosam_Optrawy]

مبروك الصيانه ياباشا

[ahmedaglan]

مبروك الصيانه ياباشا

الله يبارك فيك يامعالي الباشا واتمنى اشوفك ف المقابلة الجاية ان شاء الله

[sh3sh3]

الف مبروووووووووووووك ياباشا وعقبال صانة ال100000000 بس ياريت حضرتك تقولي جبت الزيت بكاااام وبيعمل معاك كم كيلو عشان انا بصراحة قربت اعمل صيانة ال35 ومحتار بين الفالفولين ولا كاستروول

[abou-yahia]

الف مبروووووووووووووك ياباشا وعقبال صانة ال100000000 بس ياريت حضرتك تقولي جبت الزيت بكاااام وبيعمل معاك كم كيلو عشان انا بصراحة قربت اعمل صيانة ال35 ومحتار بين الفالفولين ولا كاستروول

سعره 300 جنيه 5w-30
لاكن انصحك بايه ده اختيارك
فالفولين علامه محترمه
عن نفسي انصحك تجربه خصوصا اني حاطط كاسترول وناوي اغير ليه قريبا
وشكرا

[Hosam_Optrawy]

الله يبارك فيك يامعالي الباشا واتمنى اشوفك ف المقابلة الجاية ان شاء الله

بإذن الله اتشرف بمعرفتك ربنا يسهل اما انزل اجازه ان شاء الله

[mhmdalsaadany]

الف مليون مبروك يا ابو حميد وعقبال ال500000 كم

[drmagieed]

تم بفضل الله صيانة ال 15000 في منصور التجمع
وتم تغيير الزيت لفالفولين
5w30
وملاحظاتى للزيت
الموتور اصبح صوتة اهدى واداءة جيد ودة لانى كنت بحط موبيل وان واداء الموتور وصوتة كانو ظهرين بشكل ملحوظ
وانا انصح بشدة استخدام زيت فالفولين
وللعلم في كاتلوج الاوبترا مذكور انك تستخدم زيت 5w30 وفي الجو الحر تستخدم 10w40
مش زي زيت موبيل وان وهو 5w50
ودة للعلم
اما عن ما حدث ف الصيانة فتم تغيير الزيت والفلتر وتربيط العفشة وتنظيف فلتر الهواء وتنظيف فلتر البنزين وتنظيف بوابات البنزين وتنظيف فلتر التكييف
وتم دفع 276جنية
ودة طبعا كتير بس الحمد الله علي كل حال وللضرورة احكام

ألف مبروك يا باشا ... هو إستفسار:
1- ممكن الحاجات إللي إنت عملتها (تنظيف فلاتر وبوابات) تكون هي السبب في هدوء وأداء الماتور؟
2- فعلا مكتوب في الكتالوج زيت 5w-30 ولكن أعتقد إن الكتالوجات إللي بتيجي مع العربيات للطرازات الأمريكي والكندي إللي مواتيرها مختلفه تماما عن مواتير الدايو إللي راكبه في عربيتنا ... علشان كدة أعتقد إنك محتاج في الصيف بالذات زيت ذو لزوجه أعلي تصل إلي 50 ... هل هذا اكلام سليم؟
3- أنا من المنصورة وعايز أشتري الزيت وأغيره بنفسي ... فهل بيتباع في محلات الزيت الكبري والبنزينات ولا لاء.
وأسف علي الإطالة ... وألف مبروك مرة تانية.

[mhmdalsaadany]

احمد هو ينفع انا اجيب الزيت من بره واروح بيه الصيانه هيرضوا يغيروا ولا هيقولوا مينفعش او على مسئوليتك والكلام دا ولا هو موجود عندهم زي مةبيل عادي ولا ايه النظام

[sh3sh3]

انا سألت ف الرحاااااب على فالفووولين عامل 290
وال كاستروووول 300 ؟؟؟؟؟
اللي اعرفة ان كاسترول ب 260 في الحدوووود دي فمش عارف دة السعر ولا الراجل دة غالي؟؟؟؟

[ahmedaglan]

الف مبروووووووووووووك ياباشا وعقبال صانة ال100000000 بس ياريت حضرتك تقولي جبت الزيت بكاااام وبيعمل معاك كم كيلو عشان انا بصراحة قربت اعمل صيانة ال35 ومحتار بين الفالفولين ولا كاستروول

الله يبارك ف حضرتك
والزيت انا جبتة ب 300 جنية 5w30 واتصلت بيهم وهما جبهولي وفعلا زيت يستحق التجربة ومش هتندم
وبالتوفيق

[ahmedaglan]

بإذن الله اتشرف بمعرفتك ربنا يسهل اما انزل اجازه ان شاء الله

ياباشا ترجع بالسلامة ان شاء الله ونعملك مقابلة مخصوص والشرف لينا طبعا

[ahmedaglan]

الف مليون مبروك يا ابو حميد وعقبال ال500000 كم

الله يبارك فيك يابو ادهم
وبجد نفسي اشوفك بس انا زعلان منك علشان مبتسألش

[ahmedaglan]

ألف مبروك يا باشا ... هو إستفسار:
1- ممكن الحاجات إللي إنت عملتها (تنظيف فلاتر وبوابات) تكون هي السبب في هدوء وأداء الماتور؟
الله يبارك ف حضرتك وبخصوص التنظيف انا عملت الموضوع دة الصيانة الي فاتت وكان صوت الموتور زى مهو بس الفرق كان ملحوظ لما غيرت الزيت لفالفولين
2- فعلا مكتوب في الكتالوج زيت 5w-30 ولكن أعتقد إن الكتالوجات إللي بتيجي مع العربيات للطرازات الأمريكي والكندي إللي مواتيرها مختلفه تماما عن مواتير الدايو إللي راكبه في عربيتنا ... علشان كدة أعتقد إنك محتاج في الصيف بالذات زيت ذو لزوجه أعلي تصل إلي 50 ... هل هذا اكلام سليم؟
هو ف الكتالوج مكتوب ان ف الاجواء الحارة تستخدم 10w40
3- أنا من المنصورة وعايز أشتري الزيت وأغيره بنفسي ... فهل بيتباع في محلات الزيت الكبري والبنزينات ولا لاء.
هو متوفر حاليا في الشركة بس واعتقد ان هما بيوصلو للمحافظات فحضرتك تقدر تتصل بيهم علي 19728 وتسألهم اذا كانو يقدرو يبعتهولك وربنا يكرم
وأسف علي الإطالة ... وألف مبروك مرة تانية.

لا ياباشا انا اتحت امرك في اي استفسار والله يبارك ف حضرتك

[ahmedaglan]

احمد هو ينفع انا اجيب الزيت من بره واروح بيه الصيانه هيرضوا يغيروا ولا هيقولوا مينفعش او على مسئوليتك والكلام دا ولا هو موجود عندهم زي مةبيل عادي ولا ايه النظام

حبيبي ايوة ينفع
اتصل بيهم علي 19728 واديهم العنوان وهما هيجبهولك وتخدو معاك الصيانة وهيغيرو عادى مفيش مشاكل وهيفرق معاك اوى وعلي مسؤليتى يابرنس وانت عارف ان احنا الي شيفينو غلط لازم نعملو
هههههههههه