عضو جديد فى نادى الافيو

[flymido]

السلام عليكم اولا
مبروك عليكم عضو جديد فى نادى الافيو انا
مبدئيا انا لسه جايب العربيه انهاردة هى م 2009 عامله 20 الف كيلو حالتها جيده جدا ماعدا بعض الحاكات والخرابيش اللى ملهاش لازمه كده فى اجزاء متفرقه من العربيه وهى فبريكه بالكامل
عايز اسال اولا سعرها المناسب كام عشان حاسس جبتها زياده شويتين

ثانيا النصايح بقى اللى احافظ بيها على العربيه وكمان ومواعيد الصيانات
وافضل بنزين 90 ولا 92 ولا مش فارق بينهم
وافضل زيت ايه واغيرة كل قد ايه
متبخلوش بقى يا جماعه :D

[Hosam_Optrawy]

مبروك ربنا يباركلك فيها ويكفيك شرها

الصيانه كل 5 الاف او 4 شهور

البنزين يفضل 92

[flymido]

شكرا اخى الكريم
بس ايه اخبار السعر لانى حاسس اتظبط اوى فيه وبصراحه مش قادر احدد

[Hosam_Optrawy]

هى مانيوال ولا اوتوماتيك

عموما انا بحثت فى المنتدى لقيت ان عربيه زى بتاعتك نفس الموديل والكيلومتر لو مانيوال هاف اوبشنز ومش محتاجه مصاريف ومفيهاش خدش وصيانة توكيل تعمل حوالى 60 الف والله اعلم

[flymido]

انا 62 الف عموما الحمد لله المهم ان حالت العربيه كويسه ومش هتحتاج مصاريف
بتاعتى هاف اوبشن بس مركبلها 4 ازاز كهرباء وسنتر وانذار

[memo823000]

اولا مبروك عليك وربنا يباركلك فيها
بس نصيحه من اخ ابقى اسئل هنا فى المنتدى او ناس ثقه وكتير لما تيجى تشترى عربيه او اى قرار مصيرى
يعنى مثلا شوفت كذا عربيه فى موقع كونتاكت كارز و فبريكه معروض افيو هاتشباك 2009 وعامله فى رنج 32 او 35 الف كيلو بالكتير بنفس سعر عربيتك والمواصفات ايه ملهاش حل
اتوماتيك شبه عصاية الكروز بس 4 سرعات
كورى 100%
1500 سى سى
ايرباج للسائق
كوتش هانكوك كورى مقاس 15 بوصه وكمان الاستبن زيه (ثبات حتى سرعة 160 وبقلب جامد وكمان فراملها كفائتها ممتازه)
مرايات كهرباء
فوانيس شبوره قدام وورا
امكانية التحكم فى النور الامامى فوق وتحت
تعديل حزام الامان اعلى واسفل - سنتر لوك من غير انذار ولا ريموت

طبعا انا مشقصدى اندمك والله ولاكن اقصد تاخد بالك لما تيجى تغير بعد كدا ان شاء الله
وانت برده احسنت الاختيار فى الافيو لان بصراحه من ميزاتها انتشار ورخص قطع الغيار - اعطال الميكانيكا قليلة سواء موتور او فتيس بصراحه بيتحملو جامد ماشاء الله
موضوع سمعتها السيئه انساه خالص ولو ظهرت حاجه انت بس اعرضها عالينا فى المنتدى وان شاء الله تلاقى الحل (طبعا المنتدى هنا مش ابو العوريف يعنى بس بصراحه كل واحد وليه تجاربه وكل واحد بيعرض تجربته ومشبيبخل باى حاجه)
يعنى انا كنت مييييييييييييح بمعنى كلمت مييييييييح دلوقتى ولله الحمد اخذت خبره كويسه بحيث ان ميضحكش عليا ومبقاش تايه ومازلت بتعلم وبسال برده
والله المستعان

[flymido]

عند حق بس انا سالت طبعا وكتيرر كمان
بس عايز اقلك الهاتش باك فى الافيو مشكله لان صعب اعاده بعها وقطع غيارها مش متوفره وغاليه وكمان سعرها مبالغ فى على حجمها عشان كده محققتش نجاح فى مصر

[memo823000]

عند حق بس انا سالت طبعا وكتيرر كمان
بس عايز اقلك الهاتش باك فى الافيو مشكله لان صعب اعاده بعها وقطع غيارها مش متوفره وغاليه وكمان سعرها مبالغ فى على حجمها عشان كده محققتش نجاح فى مصر

اولا عندك حق فى موضوع صعوبة اعادة البيع بس لما يجى واحد يشترى عربيه افيو اتوماتيك ويلاقى ان فيه افيو سيدان اتوماتيك تقفيل مصرى ويلاقى افيو هاتشباك اتوماتيك تقفيل كورى وفيها اوبشن زياده زى الايرباج والكوتش الاعرض وفوانيس الشبورة وبنفس السعر
وعلى فكره الافيو الهاتشباك هياهيا الافيو السيدان فى فى الحجم من بره ومن جوه ماعدا الشنطه طبعا وكمان قطع الغيار والموتور وكل حاجه ونفس التبلوه بالمللى ماعدا الفتيس الاتوماتيك والبودى الخارجى من رفارف وفوانيس وشبكه وكبوت واللذى منه والحاجات دى موجوده استيراد فى الحرفيين وموجوده فى التوكيل واسعارها متوسطه ومفهاش مشكلة الحمد لله
موضوع عدم انتشارها لان منصور بيه حظو انو جاب دفعة واحدة فى 2009 وكانت بتتباع ب 81 الف وبعد كدا سعرها ضرب فى العلالى فطبعا مجبهاش تانى ونزل مكانها الافيو الهاتش باك المانيوال وكان سعرها 73 الف وتخيل شال منها ايه
الايرباج
الفتيس الاتوماتيك
المرايات الكهرباء
الفوانيس الشبوره امامى وخلفى
الكوتش بقى زى السيدان مقاس 14 بدل 15
يعنى بقت قرعة

وخد عندك هو طبعا جاب حوالى دفعتين وبعد كدا غليت برده فراح جايب مكانها الاسبارك الجديدة ب 72 الف جنيه وموصفاتها ايه بقى
موتور 1200 سى سى
مرايات مانيوال
مفيش فوانيس شبورة
ولا نيكل على الشبكه
يادوب ال4 زجاج كهرباء والكاسيت سى دى

تخيل انت الفرق بقى
انا مشعارف احنا هنفضل مستعبدين لحد امتى يارب فك الكرب ياارحم الراحمين

[flymido]

تمام اوى المهم انها لم تنتشر انتشار الاسبارك
وانت عارف السوق المصرى العربيه المنتشره حتى لو كانت زفت وسىء للغايه كده زى الفرنا بس بقت سياره الشعب المصرى . معلش تخلف

[eng_sherif_00]

بصراحة الافية الهاتش باك اللى بيتكلم عليها الاستاذ ميمو جامدة جدا وهيه انضف افيو نزلت بس كان نفسى ينزل زيها فى السيدان بنف الكماليات الروعة دى منك لله يامنصوررررررررررررررررررر

[memo823000]

بصراحة الافية الهاتش باك اللى بيتكلم عليها الاستاذ ميمو جامدة جدا وهيه انضف افيو نزلت بس كان نفسى ينزل زيها فى السيدان بنف الكماليات الروعة دى منك لله يامنصوررررررررررررررررررر

والله ياهندسه انا مشبحب اشكر فى العربيه دى بالذات عشان محدش يقول دى عشان عربيتوا ومتحيزلها وكدا بس والله مبقول غير الحقيقه والله على مااقول شهيد
بس بصراحه العربيه دى سبحان الله جت معايا بالصدفه اقسم بالله انا واخويه وبعد كدا اكتشفت انها عربيه ماشاء الله كويسه وبقيت مستغرب ليه منصور معملش كدا فى السيدان فطبعا عرفت انها كانت دفعة فى 2009 ومنزلتش تانى عشان غليت فمشهتمشى فى مصر وكمان كل الاتوماتيك السيدان اللى متقفل فى مصر ناقص ايرباج وجنوطه 14 وكمان كوتش صينى مش كورى عرفت عشان ياعينى عارف ان الشعب المصرى بيعشق السيدان وعشان يكسب زيااااااااده اللى ان شاء الله ربنا مشهيباركله ولا هو ولا كل التوكيلات اللى مصين دم الشعب الغلبان

وانا والله كنت الاول حاجز اتنين سيدان مانيوال كورى لونهم احمر كانت الواحده ب 80 الف وكنت اول مره اشترى عربيه وكنت مشفاهم اى حاجه مجرد انها سيدان وكانت الافيو الهاتشباك واقفه جنبها يادوب بصيت عليها من بره كدا كان معروض حوالى 4 عربيات ولا سالت دى مانيوال ولا اتوماتيك ولا كام سى سى ولا اى حاجه حجزت السيدان وروحت وطبعا عرفت اخويه واخويه قالى ياااه ياعم دى شكلها وحش وكمان مكناش نعرف عيوبها اللى كانت موجوده الار بى ام والعفشه العاليه والحاجات دى المهم قولتله بقولك ايه حلوه وخلاص واهى عربيه ترحمنا من قرف المواصلات والله لو 128 موافق المهم خلاص اتفقنا وبعدين فى نفس اليوم الساعه 11 بالليل وصاحب اخويه بيقوله متيجى تركبها كدا فى المعرض يمكن تحبها واضغط على نفسك معلش

المهم اول مدخل المعرض كان فى الصاله المكيفه للمعرض معروض 2 افيو واحده سيدان والتانيه الهاتشباك والهاتشباك شدته فراح فاتح وراكب وبيسال الراجل دى ايه دى دى شكلها حلو قوى دى افيو برده قالو اه اسمها افيو5
فااخويه قالوه دى كورى ولا مصرى فالراجل قاله كورى
دى كام سى سى فالراجل قاله 1500 سى سى
فاخويه انبسط وقالو يعنى زى السيدان
فاخويه لقى الفتيس اتوماتيك
قالو وبكام دى قالو ب 81 الف
ففتح الشنطه لقاها بالنسبه لاخويه مناسبه جدا والراجل قالوه دى كمان الكنبه بتتنى يعنى تقدر تقلبها نص نقل
اخويه جالو زهوووووووول دى كانت فين من زمان دى يعنى افيو شيفورليه ونفس قطع غيار السيدان يعنى مفيش خوف وكمان كورى و1500 سى سى واتوماتيك وكمااااااان 81 الف دى ايه الحلاوة دى وراح مكلمنى وقالى بص انا هغير السيدان ولقيت العربيه اللى انا عايزها واتوماتيك ونفس تقفيل وموتور السيدان قولتله ايه قالى الافيو الهاتشباك (كانت ازرق سبورت) المهم قولتله منا شوفتها بس انت عارف يااخويه احنا عمليين ومشبتوع الهاتشباك والدلع ده
قالى بص انت حر انا مشهاخد غير دى وكامت ابوك وابوك وافق وانا قولت خلاص هخلينى فى السيدان بس بينى وبينكوا رجعت فى كلامى عشان الاتوماتيك فقط لاغير واخدت العربيه والله وانا مشمقتنع بيها ولا اعرف اى امكانيات وبعد مستلمت ومشيت شويه فبدات اقارن بين الافيو السيدان المصرى والكورى سواء مانيوال او اتوماتيك وبين الهاتشباك سواء برده مانيوال او اتوماتيك وبدات اعرف ميزات العربيه دى واقول لاخويه وطبعا الحمد لله على توفيق ربنا واخويه ماشاء الله عامل بيها 110 الف كيلو والحمد لله مفهاش اى حاجه بفضل الله تعالى

وعلى فكره بشوف معروض منها فى كونتاكت كارز او فبريكه وعامله حوالى 35 الف كيلو وفيه 50 الف كيلو وكدا وعاميلن 62 او 65 الف جنيه يعنى انا شايفها اسعار ممتازه بس لو هيا طبعا حالتها كويسه وفبريكه بره وجوه

والله المستعان

[eng_sherif_00]

ربنا يبارك لكم فيهم ويحفظهم والحمدلله انا معا السيدان الكورى وراضى عنها تماما بس ناقصها الكماليات والاتوماتيك

[flymido]

ربنا يباركلكم فى الافيو الهاتش بالك
بس انا كنت راكب هاتش باكك كانت عربيتى الاولى سكودا فليشيا
فحبيت اغير لسيدان فقط وراضى عنها تماما هى الافيو بس ناقصها كماليات وحل لمشكله العافشه بتاعتها وتضرب الهيونداى ساعتها.