سؤال عن الفرامل

[Hkawetsh]

* * * * * * * * * *

ممنوع كتابة اللغة العربية بالأحرف الانجليزية ومن لم يتوفر لدية لوحة مفاتيح أو نظام تشغيل يدعم اللغة العربية فعلية استخدام أحد المواقع التي تقوم بتحويل الأحرف الانجليزية إلى أحرف عربية

م 4أ

[Bassem Raafat]

ما أروع هذا المنتدى !!

عند كتابة موضوع أو مشاركه بالفرانكو يتم الحذف وتحذير العضو ... لأن هذا بالطبع يخالف قوانين المنتدى .. !!

يا ريت نراجع قوانين المنتدى كويس قوى ونرحم قسم ( أحوال الشارع المصرى ) من نشر الفتنه والكراهيه والحروب البارده بين أفكار الأعضاء ، لأنه أصبح ساحة معركه وليست ساحه للنقاش الفعال ، فالكل يهاجم الكل !!

ب- بالنسبة للمواضيع ذات الصبغة السياسية:
فبالرغم من ان سياسة المنتدى تقوم على المساهمة فى إصلاح المجتمع ، فيما يعطى مساحة لانتقاد سلبيات المجتمع وسلبيات الأداء الحكومى فيما يخص الخدمات الموجهة لأفراد المجتمع، إلا ان المنتدى يلتزم بشكل صارم بعدم توجيه اى انتقادات سياسية خارج مجال السيارات لأى شخصية موجودة فى السلطة حاليا سواء تم تعريف هذة الشخصية بالإسم أو بالتلميح المباشر، كما يلتزم المنتدى بعدم توجيه اية اهانات او سخرية سواء كان ذلك فيما يخص السيارات او فيما لا يختص بها، لأفراد موجودين فى السلطة فى الوقت الحالى، سواء تم تعريفهم بالإسم او التلميح المباشر ،كما يلتزم المنتدى بعدم ترويج ايه افكار لحزب سياسى ما او جماعة سياسية معينة او تنديد بالسلطة نظرا لخروج ذلك عن اختصاص المنتدى .

ج- بالنسبة للمواضيع الدينية:
تفعيلا للدور الإجتماعى لهذا المنتدى فإنه يسمح بكتابة اية مواضيح دينية موجهة فى إطار نشر الأخلاق الحسنة وتصحيح معاملات المجتمع ،وذلك فى المنتدى الإجتماعى فقط، كما يسمح بنشر ايه فتاوى تتعلق بالسيارات فقط (تقسيط، تامين، تعويض إلخ) مع ذكر مصدر الفتوى بشكل واضح.

منع تماما نشـر الأتى من المواضيع الدينية :

• نشـر أى فتوى غير خاصة بمجـــال السيـــارات و ذلك لعدم إختصاص المنتــدى.
• نشـر أى معلومات عقائدية تناقش صميـم عقيـدة معينـة و ذلك لعدم إختصاص المنتــدى .
• النيل من أي عقيدة دينية سماوية .

لك الله يا مصر .

[abou-yahia]

تبقه وجهه نظر
اكيد راي يحترم
اضم صوتي لصوتك
وشكرا

[drmagieed]

علي الأقل كان لازم إللي حذف الموضوع يكتبة باللغة العربية ... إحتراما للعضو الكريم وحقة في السؤال فهو يسأل عن الفرامل وده موضوع مهم قد يمثل قد حياه أو موت

[hpxp]

بسطيه
ممكن نحطبه حاجه وتطلع هي الي عوزها انشاء الله
سوالك عن الزحف بنسيه 70 % وده توقعي صح ولا غلط
لو الزحف جبلك فرتدين بردجيستون قدام وريح دماغك
ابعنلي علي الخاص وانا هفهمك

[Hkawetsh]

طب بمناسبة ان القانون فى الموقع : ممنوع كتابة اللغة العربية ب الاحرف الانجليزية و الموضوع بتاعى اتحذف على طول من غير تفاهم . حد منكوا يا ADMINS يفهمنى الرابط ده شغال اكتر من شهر و مفيش حد فيكو اتكلم http://www.nilemotors.net/Nile/28671...-wala-la2.html. انا مش فارق اسال و مش عايز معلومة . بس يوم ا اطبق نظام اعمل بى صح . ولا ايه ؟؟؟؟؟؟ و العضو اسمه sasa saudi . لو فرضنا انه ممكن يكون سعودى يبقى اكيد بيعرف عربى .
انا هفضل وراكو لحد ما اشوف منكم رد عليا عشان ده مش اسلوب نهائى . كنتم على الاقل سبتو السؤال و تبعتو تنبيه .

[Hkawetsh]

و ادى رابط اخر و متحذفش الكلام و يبقى اعمه اللى ميشوفش 2 كومنت ورا بعض على طول ب الحجم ده.

http://www.nilemotors.net/Nile/255448-2011-1600-a-3.html

[مراقب المنتدى]

اذا قمت بارسال تقرير مشاركة من الموضوعات المخالفة
كان سيتم حذفها على الفور

[Hkawetsh]

يعنى فى حد دخل عندى و عمل report انى كاتب ب المنظر ده تقصد ؟

[Hkawetsh]

ده كده بصراحة مع احترامى الشديد لهذا الانسان الا انه اثبت انه شخصية معلش يعنى تافهة لاسباب كتير . و ان كان واحد عمل report على الموضوع بتاعى , اومال حضرتك يا مراقب بتعمل اه مع احترامى الشديييييييد جدا لك . انا مش بهاجم على حضرتك انما بتهكم على الطريقة و المنظر اللى اتعمل فى اللموضوع بتاعى . يعنى عشان المعلومة او السؤال مكتوبة بطريقة مش عجبه الانسان اللى report عليا اروح ماسح الموضوع مهمن كانت درجة افادته او اهميته !!!!!!! . عجبا على ناس ب المنظر ده .
النظام و القانون المحترم فى المرة الاولى يبعت تحذير . و المرة الثانية تحذير اخير مع حذف و المرة الثالثة و الاخيرة لك الحق فى الغاء الحساب و المشترك . انا مش بدخل فى شغلك لكن طالما فى ناس بتساعدك , يبقى انا كمان اسعدك ب حاجة مفيدة مش تافهة .

[Hosam_Optrawy]

السلام عليكم استاذ Hkawetsh

حضرتك كتبت المشاركه بتاريخ 30/10 بالفرانكو اراب , ولما حد شافها عمل تقرير مشاركه للاشراف عشان دى حاجه مخالفه لقواعد المنتدى , انا مش فاكر لان الموضوع من فتره كبيره بس الشخص دا غالبا انا ( اللى حضرتك وصفته بالتافه !!! ) لا يافندم دى مش تفاهه انا دورى كمنسق للقسم انى لما اشوف اى حاجه مخالفه للقواعد او محتاجه تعديل او حذف ببعت تقرير مشاركه والاشراف هو اللى بيتصرف , ودور برضه اى عضو عادى مش منسق انه لما يشوف اى حاجه مخالفه للقواعد يعمل تقرير مشاركه

حضرتك جاى بعد 7 شهور ونص وزعلان , لو كنت حضرتك متابع للموضوع اللى عملته كنت فى يوميها او تانى يوم دخلت كتبت المشاركه بالعربى تانى وخلصت المشكله

حضرتك خالفت قاعده واضحه من قوانين المنتدى اللى كلنا ماشيين عليه

ستعامل المشاركات المكتوبة باللغة العربية عن طريق الأحرف الانجليزية أو العكس بالحذف الفوري دون تنبيه مسبق للعضو بذلك، وعند تكرار المخالفة سيتم تطبيق عقوبة "تحذير" ثم "إنذار" في حال الإصرار المخالف على المخالفة

ارجو ان حضرتك تكون تفهمت الموقف

منسق القسم

[Hkawetsh]

يا استاذى العزيز اوكرر تقدمى بالاسف لك . انا واحد من الناس اللى بيدخل كل فين و فين على الموقع و مش مواظب عشان انا مش فاضى اوى يعنى و واضح من الفترات اللى برد على حضرتك فيها ( فترات متبعدة عن بعض مش مداوم على الموقع ) . و بعدين انا اعترفت ب الخطأ و قولت اه انا كتب ب المنظر ده . و مؤخرا لما شوفت ان فى موضيع محدش جاب سيرتها خالص ولا حذفت , دمى فار عشان لما اقول ماشى ده واحد بس اللى كان كاتب و القى فى اقسام كتيرة الفرانكو اراب و موضوعى انا اللى اتحذف , دى حاجة بالنسبة لى تحرق الدم .
و اكرر تانى اسفى لك بوصفك ( تافه ) لان مضمون كلام و وصف حضرتك فى الاول كان بيوحى ان فى واحد داخل يشوف معلومة و لما شفها مكتوبة كده قالك اعمل تقرير . انا معاك انك مش هتقدر تحكم كل اللى بيتكتب ازاى و فين بس اللى انا شيفو ان اللى انا كتبتو بالفرانكو معداش و كتير عدا دا حاجة مش تمام.

[Hkawetsh]

و احترامى الاول و الاخير و الدائم للقانون .

[Hosam_Optrawy]

يا استاذى العزيز اوكرر تقدمى بالاسف لك . انا واحد من الناس اللى بيدخل كل فين و فين على الموقع و مش مواظب عشان انا مش فاضى اوى يعنى و واضح من الفترات اللى برد على حضرتك فيها ( فترات متبعدة عن بعض مش مداوم على الموقع ) . و بعدين انا اعترفت ب الخطأ و قولت اه انا كتب ب المنظر ده . و مؤخرا لما شوفت ان فى موضيع محدش جاب سيرتها خالص ولا حذفت , دمى فار عشان لما اقول ماشى ده واحد بس اللى كان كاتب و القى فى اقسام كتيرة الفرانكو اراب و موضوعى انا اللى اتحذف , دى حاجة بالنسبة لى تحرق الدم .
و اكرر تانى اسفى لك بوصفك ( تافه ) لان مضمون كلام و وصف حضرتك فى الاول كان بيوحى ان فى واحد داخل يشوف معلومة و لما شفها مكتوبة كده قالك اعمل تقرير . انا معاك انك مش هتقدر تحكم كل اللى بيتكتب ازاى و فين بس اللى انا شيفو ان اللى انا كتبتو بالفرانكو معداش و كتير عدا دا حاجة مش تمام.

حصل خير , انا مقصدش انك لازم تبقى مداوم على المنتدى , انا اقصد بما انك لسه كاتب موضوع بتستفسر عن حاجه يبقى اكيد هاتتابعه يوميها او تانى يوم بالكتير عشان تشوف الرد مش بعدها ب 6 شهور !! , اما بخصوص المواضيع التانيه اللى فيها فرانكو اكيد محدش ان المشرفين خد باله منها او محدش عمل بيها تقرير , لو كان حد عمل تقرير كانت اتحذفت

[Hkawetsh]

اكرر اسفى و اعتزارى لحضرتك و اخجل من عصبيتى اللى بتدفعنى لقول كلام ملوش لزمة . تفهمت الموقف و شكرا لسعة صدر حضرتك .