لمالكي الكروز !! هل المعلومات الآتية صحيحة !!!!

[legend_mohsen]

يا جماعة انا لسا شاري كروز مستعملة الحمدلله ماشية 27000 والحمدلله مبسوط بيها بس بدور على النت على معلومات و الكلام دة عن العربية لقيت منصور كاتب شوية حجات كدة في اللنك دة http://www.gmarabia.com/......._data...tml?cntryCd=KW
ان في حجات زي زيت الفتيس مثلا مبيتغيرش و يفضل طول العمر ممكن حد يفيدني ويقولي الكلام دة ( الفي الجداول التي في الويب سيت ) صح ولا لا !!

[hpxp]

انا مقرتيش بس انا معايا اوبترا المفروض الزيت بتاع الاوتو يتغير علي 30 الف ولما سبته لل 50
كان الزيت نازل اسود وتقيييييييييييييييييله ولما غيرته العربيه زبطط تاني

[Hosam_Optrawy]

ازاى يكون مبيتغيرش اكيد بيتغير زى اى فتيس اوتوماتيك

والف مبروك على العربيه ربنا يباركلك فيها

[bakkarahmed]

مكتوب في كتيب الضمان انه بيتغير علي ستين الف كيلو

[legend_mohsen]

والله عارف انو بيتغير بس في نوع من الزيوت الهيدرولك فعلا بيعيش العمر كلة دون ان يفقد خواصة وعلشان كدة قلت اسالكوا......ياريت تشوفوا الويب سيت و تشوفوا ال أنا بقولوا .
حاجة تانية...الفرامل مش عجباني !! و التيل جديد وانا معنديش abs بس لما بدوس فرامل بحس زي ماتكون الفرامل بتقطع تمسك في حتة وتسيب في حتة و كدة لحد ماتقف و لودست جامد للأخر بتقف كويس ....بس انا كان معايا نيوأكسنت 2010 الدوسة من أقل حاجة بتكلبش في الفرامل .!!!!!!!

[meso76]

لو المعلومات دى موجودة فى الكتالوج يبقى صح ... فى عربيات كتير زيت الفتيس لا يتطلب تغيير (lifetime) زى الميجان و الباسات

[legend_mohsen]

المعلومات دي موجودة في الويب سيت بتاع شيفورلية......بس في الكويت فا المشكلة هل الكلام دة في مصر بردوا ّّّّّ

[matrix3030]

مش معنى ان الزيت نازل اسود يبقى الزيت مش كويس او انه انتهى مفعوله ده اعتقاد خاطئ لان من احد اسباب اللون الاسود او الغامق للزيت تأكسد الزيت على الرغم من وجود اضافات في الزيت تسمى anti-oxidization ولكن ممكن تكون حصل لها نوع من انواع de-gradation لهذه الاضافة وذلك نتيجه احد السببين اما ضعف الاضافة او عمرها الافتراضي انتهى

وظيفة الزيت :
1 عمل lubrication او تزيت للاجزاء الداخلية للمحرك للحماية من التأكل و ذلك بتقليل الاحتكاك
2 عمل تبريد للمحرك و هذه وظيفة فرعيه لوجود دورة تبريد
3 المحافظة على نظافة الاجزاء الداخلية للمحرك وبالتالي طبيعي ان الزيت يكون غامق او اسود لوجود عوالق به لانه ينظف المحرك من الداخل لذلك كل زيت له رقم يسمى sedimentation number الذي يحدد قدرة الزيت على تحمل عوالق ذات حجم معين واذا زاد حجم العوالق عن حد معين يحدث لها ترسيب في قاع خزان الزيت (الكارتيره)

وياريت اللي يقول انه لما نزل الزيت لقى لزوجته اصبحت اقل ؟؟؟ يا ريت بالمرة يقول بيقيس اللزوجة ازاي وفين ؟؟؟؟
الواحد مش بيحط عسل في العربية علشان بعد فترة يجي يغيرة فيلاقيه ميه ويقعد يلعب فيه بأديه ويجي يقول اللزوجة بقت قليلة دى كلام غير علمي او هندسي

وبناء عليه في اسباب كتير ومش معنى انه نازل اسود بعد الفترة التي تم تصميمه عليها ومش معنى اللون الاسود للزيت وحش لأ ده معنى انه أدي وظيفت خلال هذه الفترة على اكمل وجه وجاء وقت استبداله

[Dr/ P.K.Sh]

انا غيرت زيت الافيو الاتوماتيك على 82000 كم و ما حسيتش بفرق كبير