سيرفو الفرامل

[Dr_ahmedrady]

انهاردة روحت للتوكيل تانى لانى مش مستريح لحكة الفرامل اللى عندى
و قولتلهم انا جيت قبل كدة و تم تزييت الفرامل بس الوضع زى ماهو

المرة دى اللى كشف عليها هو الفنى الصنايعى مش المهندس
نزل جمب الدواسات تحت و قعد يلعب فيها و طلع قالى :

فبرة السيرفو مكسورة و هى اللى عاملة الصوت ده

قولتلو : يا راجل مش كنت تقول كدة مالاول

طبعا انا لاعرف السيرفو ولا اعرف الفبرة ولا اعرف انا جيت ليه اساسا
قولتله و الحل؟؟

اخد البيانات و عمل استمارة و حركات و اخد نمرتى
قالى هنبعت للشركة ناخد منها موافقة اننا نغيرلك السيرفو
و هنستنى شوية لحد القطعة ما تجيلنا
قولتله قد ايه كدة قالى اسبوع او عشر ايام بالكتير
و حضرتك امشى بيها عادى مش هتاثر على اداء الفرامل خالص


قولتله ماشى دورت و روحت
بس السكة كلها عمال اسال نفسى

ايه هو السيرفو ده ؟؟ و ايه اللى كسر الفبرة بتاعته؟؟
ده العربية زيرو و مكملتش ال 5 تلاف
و هل فعلا كسر الفبرى يعمل صوت احتكاك؟ يعنى هل التشخيص سليم؟؟
و هل فعلا امان انى امشى بيها عادى كدة؟؟؟

طبعا انا مرضتش اقول ان صوت العربية عالى و مش عاجبنى لان نفس المهندس المرة اللى فاتت حطها عالجهاز و قالى كل حاجة سليمة وقالى طبيعى ان صوت الموتور يعلى بعد اول 3 الاف كيلو

ف قولت خلى صوت الموتور مرة تانى
كدة كدة التوكيل جمب الشغل وانا فاضى مش ورايا حاجة
يا انا يانتو يا بتوع منصور

[Dr/ P.K.Sh]

مية مية خليك وراهم على طول

[legend_mohsen]

سؤال محيرني (رغم اني عارف الإجابة) صوت الموتور يعلى في اول 1000 ولا اول 3000 لية !!!!!
اولا : المفروض انك بتلين الموتور يعني ولابتجري ولا بتحرق وال ر ب م تحت ال 3000 !!!!
تانيا : الموتور بيكون واخد الموافقة من المصنع في الكوالتي كنترول انو تمام .
ثالثا : هل بعد ال 3000 كيلو صوت الموتور هوا البيهدا ولا الواحد خد على الصوت (ودة اسموا صمم حرفي) ومبقاش يحس بفرق الصوت ؟!!!!