مشكلة في تكييف العربية

[khaloooda]

عندي مشكلة في تكييف العربية
اوبترا 2010
كنت عملت بيها حادثة وصلحتها وغيرت في التكييف حاجة صغيرة اسمها الكلتش وشحنت فريون
اشتغل كام يوم وبعد كده فصل
الاقي السخن شغال والبارد لأ

يا تري ممكن يكون العيب منين
واذا كان المواسير فيها فريون يبقي فين العيب
واعرف ازاي ان كان الكمبروسور سليم ولا لأ
وانه شغال ولا لأ
وايه هي حساسات التكييف واعرف منين ان كلن فيها حاجة بايظة ولا لأ

افيدووووووووني
انا صلحت التكييف ده مرتين من ساعة الحادثة وخلاص تعبت

[medo500]

ياباشا طالما البارد مش شغال يبقي اكيد فيه تسريب في مواسير الفريون ولما الفريون بينقص عن الحد المسموح بيه الحساس بتاع التكييف بيفصل الكباس شوف حد متخصص في التكييف يكبس المواسير هواء ويسيبها فترة ويشوف لو الضغط نقص يدور علي مكان التسريب في الماسورة او البلف وبيتلحم مكان التسريب وعلي ما اعتقد ان الكمبروسر سليم علشان لو فيه حاجة مكانش اشتغل من الاول وان شاء الله يبقي تمام