تقرير عن تغيير ماستر الفرامل لاوبترا 2011

[Dr_ahmedrady]

انهاردة وانا ف منتهى انهماكى ف الشغل ( قاعدين بنحكى انا و زمايلى عالاحداث الجارية )
اتصل بيا رقم غريب غالبا كان زيرو اتناشر
انا : الووو
المتصل : معاك مهندس حمدى من منصور شيفروليه
قطعة الغيار وصلت يا فندم و ياريت حضرتك تشرفنا عشان نركبها
انا : قشطة جدا , اجى انهاردة؟؟
المتصل : بيس , مستنيك يا برنس
----------------------------------------
روحت التوكيل
قابلت المهندس حمدى
قالى يلا بينا نروح نجيب قطعة الغيار
قولت ف سرى اوبا هو هيضحك عليا و يدفعنى تمنها ولا ايه؟؟
روحنا معرض قطع الغيار
اتكلم مع الراجل هناك ف طلعله كرتونة فيها قرص كبير اسود
ركبنا و رجعنا على ورشتنا تانى
--------------------------------------
الاسطى ماهر ( تقريبا اشطر من المهندسين نفسهم )
فتح الكبوت
فك الماستر القديم و ركب الماستر الجديد
مع شوية زيت فرامل اتكبو عالارض
دبسنى ف علبة زيت فاكيم جديدة عشان يكمل الزيت الللى نقص
ظبط الفرامل
-------------------------------------
كنت اشتكيت من زنة من الفتيس لما الار بى ام بيعلى و بتتغير لما المس الفتيس تسكت او تزيد او تقل
قالك ده شوية وساخة على مجموعة التوصيل و هنضفها
خلانى قاعد انا جوة باخد ف الغيارات و هو دلق جوة الكبوت سايل معرفوش على مكان مشفتوش
وقالى اقعد غير و خد غياراتك كلها عشان ننضف المواضيع
اشطة
--------------------------------------
صور يا عم الرخصة و البطاقة و كتيب الضمان عشان الماستر اللى ركب
ماشى
ادفع 15 زيت فاكيم موبيل
ادفع 25 تنضيف مجموعة توصيل
ماشى برضه
------------------------------------
سلام

الدروس المستفادة

1- نسيت باقى عشرين جنيه عند البت اللى صورتلى الورق وروح اجيبه بالليل
2- الفرامل بقت تمام من حيث الارتفاع و الاستجابة و من حيث الصوت
كنت بشتكى من صوت حكة و قالو بسبب كسر فبرة السيرفو
http://www.nilemotors.net/Nile/257704-a.html
3- صوت الزنة مظهرش حتى الان بس برضه مستنى و متابع و نشوف هترسى على ايه
4- فرع قنا مفهوش قسم كهربا و بالتالى هما بيسمحو باى شغل كهربا بسيط برة التوكيل بشرط صنايعى كويس
يعنى اركب وحدات رفع او باركنج سنسورز او اغير الكاسيت او اى حاجة
قالى مدام كهربائى شاطر توكل على الله معندناش مانع ( طبعا ده تصريح غير رسمى يعنى ساعة الجد كل سنة وانت طيب )


الاستفسارات

1- ازاى اتاكد ان دورة الفرامل كويسة ( موضوع الهوا و الكلام اللى الناس بتشتكى منه ده )
2- هل فعلا صوت الزنة ممكن يكون بسبب شوية وساخة ف مجموعة التوصيل؟؟
3- ايه رايكم ف النقطة رقم 4 (الخاصة بتصريح الكهربا )
4- مكتوب على علبة الزيت الفاكيم ممنوع تساقط الزيت على طلاء السيارة , بس اثناء فك الماستر القديم وقع زيت كتير على كاوتشات جوة الكبوت و اكيد فى نقط جت على جسم السيارة من جوة
هل ده فيه مشاكل؟؟

[Dr_ahmedrady]

احب اشكر الاستاذ احمد المهدى shahen
لانه كان مهتم ومتابع معايا موضوع السيرفو و هو اللى جابلى معلومة ان قطعة الغيار وصلت من الكنترول قبل ما تظهر علنى

[A.Saad]

وقع زيت كتير على كاوتشات جوة الكبوت و اكيد فى نقط جت على جسم السيارة من جوة
هل ده فيه مشاكل؟؟

اغسله بالمياة
كاختبار عام للماستر
تابع مستوى الزيت
جرب العربية فى مكان فاضى على سرعات عالية وعادية
والعادية عدة مرات ورا بعض

[Dr/ P.K.Sh]

مبروك يا باشا

[shahen]

يا باشا العفو والحمد الله الامور تمت على خير وربنا يباركلك فى العربية وان شاء الله نتقابل يوم السبت لتغيير الزيت

[ahmedaglan]

الف مبروك يابرنس

[hpxp]

مبروك يا دوك

[Dr_ahmedrady]

الله يبارك فيكم اجمعين

[cruze]

أحنا كده يامصريين ناكرين للجميل حتى بعد ماأتحلت المشكلة برضو ا بندور على مشاكل تانى ودائما الأعتقاد أن اللى فى التوكيل نصابين

[M.Nabeeh]

متابع