صاج الاوبترا ومشاكله المتعددة

[takatiko2011]

السلام عليكم طبعا اللى معاه اوبترا عارف مشاكل ضعف الصاج بتاعها و خصوصا الكبوت و السقف انا معايا اوبترا 2010 و الكبوت بصراحة شكلة يزعل اغلبه نقر و حاولت قبل كده اوديها للسمكرى و فعلا ردلى الحاجات اللى فى الكبوت على البارد احسن شوية بس برده شكلة منرفزنى سيبك من السقف ابسط و مش باين اوى فكونت عايز اسئل حضراتكم سؤال هل ممكن نحط على الكبوت بس الكاربون فيبر ده اللى بيتحط ساعات بشوف ناس عملاه كابوت بس او شنطة بس و لا ممكن يبقى فى حل تانى طبعا غير سمكرة و رش الكابوت لانه حتى لو اتعمل اكيد حيرجع تانى يعمل نقر كده و معلشى طولت عليكم

[Hosam_Optrawy]

الحقيقه معنديش فكره عن الكاربون فيبر

ومعرفش حل غير انك تكبر دماغك لانك لو سمكرته هايطبق تانى برضه

[takatiko2011]

بس المشكلة ان شكله مش حلو خالص بس عندك حق حايرجع تانى يطبق بس ياريت لو حد عنده فكرة عن اللى اسمه الكاربون فيبر يقولى و يبقى حد بيعمله فى اسكندرية لو سمحتوا

[takatiko2011]

ايه يا جماعة رايكم معانا

[takatiko2011]

مافيش حد يقولنا رايه يا جماعة فى الموضوع ده

[ahmedaglan]

والله ياباشا هو موضوع الكاربون فايبر حل كويس بس مش هتسلم من اللجان

[hpxp]

+الكاربون فايبر بياكل الورنيش يعني اللون هيبعت وانا شايف عربيتان شكلهم يزعل اوي اوي لانهم هيرشوا سقف وكبوت وناس تانيه سقف وشنطه علشان حطوا الكربون وشالوة

[takatiko2011]

طيب مافيش حل حتى لو الواحد سمكره انه مايرجعشى تانى اصل بصراحة شكله ينرفز

[ahmedaglan]

لا ياباشا يتسمكر عادى جدا بس عند واحد محترف

[takatiko2011]

طيب يا بشا ما انا حاسمكره حايرجع تانى المشكلة ان الصاج ذات نفسه ضعيف عارف لو ضامن انه مش حايرجع يطبق تانى من اى حاجة بسيطة كونت عاملته

[ahmedaglan]

والله ياباشا الاصلح انك تعملة وتحط العربية ف جراج

[takatiko2011]

تمام وشكرا على الرد يا باشا

[windofchange]

او تجيب كبوت استعمال الخارج نفس اللون ممكن تكون خامته اقوي من المصري انزل لف علي بتوع استعمال الخارج بالحرفيين وغيرها وشوف كده بالتوفيق

[takatiko2011]

بس ده فيلم تانى مش عارف انا شايف ان لو مافيش علاج للموضوع ده غير مكلف يبقى بلاش منه احسن انا بقول لو يعنى حاجة بسيطة ممكن تتعمل تحسن شكله بس مش لدرجة ان اغير الكابوت

[takatiko2011]

غالبا كده يا رجاله نويت اسمكر و ارش الكابوت عشان شكله خنقنى