ساعدوني في استهلاك البنزين

[نينو]

ازيكم يا رجالة انا معايا اوبترا 2007 عاملة 70000 كيلو المهم العربية اتوماتيك و مغيرلها كل حاجة فلاتو و منظف بوابات و كلو تمام و السحب زي الفل المشكلة عندي في البنزين العربية انا بقولها تقريبا بتاخد 50 لتر لانها مش بسيبها تفضي اوي المهم انا بحسبلها الاستهلاك لقيت ان التفويلة بتعمل معايا 160 كيلو بس و الله العظيم هجنن و مش عارف من اية بالرغم من ان سواقتي هادية اوي ومفيش اي حاجة في السواقة مش طبيعية بس بلاحظ حاجة مهمة اوي ان العربية من الشكمان بيطلع دخنة سوده جامدة اوي علي طول و مع الجري
نفسي اعرف اعمل اية بالرغم من اني مغير البوجيهات و كل حاجة تمام بس الدخنة دي من اية و ممكن يكون ليها سبب معلش طولت عليكم بس تعبت من كتر البنزين ده انا بفول كل 5 ايام ب 100 جنية تقريبا ياريت تساعدوني

[hadres]

طبعا استهلاك كبير حاول توديها لحد متخصص وانشاء الله توصل لحل

[zezozezozezo]

طب ممكن تقلو يعنى بتسحب بنزين كام كيلو فى اللتر

[zezozezozezo]

اقولك على حاجة حصلت معاية ايام الانوس كانت بتأخر فى الدوارة فطبعا طلع العيب من الرشاشات المهم جيبتا ستيراد وغيرتم الاستهلاك زاد جدا يعنى كانت بتسحب 140 فى الصفيحة والمهم روحت اتكالمت معاة بصراحة غيرهم ولقيت الاستلاك بقى 160 كيلو فى الصفيحة كل دة داخل البلد والرشاشات القديمة كانت متوسط ليها كان 220كيلو فى الصفيحة فكد ممكن يكون من الرشاشات

[hpxp]

الي متذكره 120 كيلو في الصفيحه علي الطوالي
عامتا حط منظف رشاشات وجرب
شوف بوجيهاتك
فلتر الهوا
ضغط الكاوتش
-_______________
مبدائيا انفخ فلتر الهوا وحط منظف البنزين واحرق البنزين ده بسرعه بعد كده غير البوجيهات وادعبلي
اوعي تحط المنظف علي البوجيهات الجديده

[egyptiandiver]

ولا يهمك محلولة إن شاء الله - حصل معايا في اللانوس إن السحب باءة ميت و إستهلاك البنزين باءة حاجة غباوة - السبب يا سيدي عندي كان في الارضي! أيوا الوصلة بتاعة أرضي الكهربا في العربية كانت مهربة! إتركبت عدل و كلو زبط و رجعت الدنيا مزيكة و ذي الفل يعني - أخوك أحمد سامي

[cruze]

الحل واحد من اتنين ياما فى مشكلة فى خرطوم حساس الماب اللى راكب فى المانيفولد او حساس الشكمان تالف

[نينو]

ياريت تقولي ياباشا ازاي اتاكد ان من الحساسات و فين اماكنهم بالضبط و ازاي اختبرهم و اعرف ان العيب منهم معلش انا طولت عليكم بس بجد تعبت من كتر البنزين ده مع العلم ان لمبة التشيك مش منورة خالص ومش مسجلة اي عيب في الحساسات فلو من حساس الشكمان ازاي افكة و اتاكد منة او ازاي انظفهم و شكرا ليكم

[نينو]

ياريت تقولولي اعمل اية لاني بجد تعبت من كتر استهلاك البنزين ومش عارف فين الحل واتاكد ازاي ان العيب من الحساسات و شكرا

[fox3d]

بالنسبة للحساسات و الكشف عليهم لازم كمبيوتر الاعطال فى اى مركز صيانة وتاكد من الكاوتش ايوه الكاوتش لانه بيفرق فى استهلاك البنزين اذا كان الهواء مش مضبوط (بيفرق بغباء )

[نينو]

انهردة يا جماعة انا سالت ميكانيكي علي حكاية البنزين دي قالي احتمال كبير يكون رشاشات او حساس الشكمان المهم انا عاوز اعرف ازاي اتاكد ان الرشاشات بايظة و ببتتعرف ازاي او حساس الشكمان مع العلم ان السحب مظبوط ومفيش اي مشكلة في الدوراة اتاكد بس ازاي من الحساس او الرشاش و شكرا

[beshomilan]

معلش انا هطلب منك طلب صغير ممكن يحللك المشكله دى كلها وده حصل ليا قبل كده وكنت نفس حيرتك
ممكن لما تكون راكن العربيه مده طويله ابقى انزل وبص تحتيها من ورا عشان يمكن يكون التانك مخروم وبينقط
ربنا يوفقك

[M.Nabeeh]

متابع

[zidaneelwaly]

فيه منظف اسمه اس تي بي دا منظف لدوره البنزين بيتحط مع تفويل العربيه ممكن بردو يكون حل للموضوع ده بس دا بيتحط كل 10000 كيلو مع تغيير الزيت

[cruze]

قولى يا حضرت هل السيارة عند بداية اداراتها وهى باردة يكون المحرك غير منتظم وهل توجد تنتيش (تقطيع ) فى السيارة أثناء السير وتحس أن السيارة ثقيلة فى السحب أذا كانت كذلك فهذا بسبب حساس الشكمان قم بتغييره على الفور

ضعف ضغط الهواء فى الكاوتش لايسبب زيادة أستهلاك البنزين بهذه الحالة اللتى ذكرها السائل والكشف على الحساسات يكون بجهاز كشف الأعطال فى اى مركز خدمة او ورشة كبيرة بها جهاز كشف