ضروري وحوش كروز

[fouady]

أنا عاوز أسأل سؤال مهم علشان هيفرق مع ناس كتير , ليه العربية الكروز بتتبع عملة كيلوات قليلا يعني كونتكت كار عليه بتع 20 عربية واغلبهمو كيلوات قليلا هل ده ليه سر .. للاهمية !؟

[legend_mohsen]

طبعا لازم تعرف ان عداد الكروز بقرأ بالميل و بالكيلو و كل الحلوين العارضين تلاقيهم عملينوا بالميل علشان يبقى الرقم صغير حيث ان 1 ميل = 1.6 كيلو يعني قدو مرة ونصف يعنى ال 000 30 كيلو = 18750 ميل و هكذا وانا كنت بدور على كروز ولقيت 90% من الناس عملة كدة و ممكن تحول العداد من الميل للكيلو من دراع النور هتلاقي زرار menu و بس على الشاشة الى في الطابلوة بس انا مش فاكر بعد كده ....هجربلك في العربية عندي و افتكرلك
شوف الفيديو دة

http://www.youtube.com/watch?v=w-UoBNUJUgc&feature=results_main&playnext=1&list=PL2129C218B1DB20EC

الفيديو دة مش نفس الإمكانيات لان دة التوب لين و لكن هوا هوا في كل شيء ماعدا ضغط الكوتش و كلام صغير كدة

[mido]

علشان الناس بعد ما تشترى بتحس العربيه مش بتجرى قوى او بتحرق فا بيتخنقوا و يبيعوا العربيه
او عربيات موديل 2009 او 2010 كان فيه حاجات فيها عيوب

[fouady]

يعني رايكم يشتري ولا لأ وموضوع الميل ده هاخد بالي منه لما أشوفها إن شاء الله

[legend_mohsen]

لو عربية نظيفة يشتري على طووووووووووووووووووووووووووووول :] بس لو بيحب يدوس و يجري و بيحب إحساس العربية الرشيقة يبقى مش هتنفعة و هيكره العربية و اليوم الى إشتراها فية

[fouady]

طيب هي بطة لأنهي درجة يعني يعني زي إيه كده مثلا ونعمة وصوتها واطي ولا لأ وهي فعلا فتيسها 7 نقلات

[legend_mohsen]

مش بطة بطة بس زي الاوكتافيا الأولاني و التاني يدوبك تشرب كوباية الشاي و تعمل كام تلفون على بال متكون هيا جمعت للستين مثلا ( طبعا ببالغ) بس هيا بتاخد حوالي 12 ثانية للوصول لل 100 بس بعد كدة معاك لل 200 زي الفل و ده بسبب ان الترك كارف بتاع الفويل ماب تقريبا مستقيم فبتفضل بنفس الترك لأخر الماتور و صوتها مش ناعم زيها زي الألماني لان هيا أصلا اوبل ماتور جنيرال موتورز و فتيس اوبل استرا 6 نقلات اودام وواحدة ورا وعفشة اوبل فيكترا 2008-2010 من قدام و اوبل أسترا سيدان 2008-2010 من ورا و نفس الشاسية كمان و طبعا الكلام ده كلوا تصميم ألماني و تصنيع كلو كوري

[dr_darsh]

بالنسبة لموضوع الكيلوهات القليل اعتقد لأن العربية موديل حديث يعنى أول موديلاتها فى مصر 2010 ... بس وانا بأدور عليها شفت عربيات كتيرة كانت ماشيه من 9000كم الى 40000 كم على حسب الاستخدام ...
هى عربية كويسة جدا يعيبها فعلا من وجهة نظرى قطر دورانها بعيد جدا (10م تقريبا) بجد بأحس بالموضوع ده فى ال u-turn الضيقة ده العيب الأساسى ... اما بالنسبة للسحب العربية مش سيئه للدرجه ودى بتختلف حسب استخدام الفرد نفسه هى مش عربية شد وسحب والكلام ده ..لكن سحبها معقول جدا ..... وبصراحه أهم ممييزاتها الثبات ماشاء الله عليها مش زى الألمانى طبعا بس قريبه له الى حد كبير وافضل من اليابانى بمراحل وطبعا الكورى...

[mido]

احسن ميزه فيها العفشه المريحه و الشكل الحلو ومش عربيه تشد بيها او تطلع من اى عربيه بس هى على الدائرى و فى المطبات حلوه و مريحه بس سعات بتحك لو مطلعتش بالراحه بس منصحش حد يجيبها مستعمله علشان متتضمنش ممكن تكون فيها اى حاجه متبانش الا فى الاستخدام

[harmhanz]

بالنسبة لموضوع الكيلوات عادى مش حتصدق لو قولتلك العربية معايا بقالها سنه ونص ما عملتش غير 14000كيلو بس طبعا كله حيستغرب بس ده بسبب انى ما باركبهاش كتير لانى مش محتاجها فى شغلى قوى ومش فاضيلها وعلى فكرة انا غيرتها من ميل لكيلو

[mhmdalsaadany]

فعلا مش شرط يكون في سر انا كمان معايا العربيه بقالها سنتين وعملت بيها 17000 كم ونصهم سفر فقط لا غير

[CalvinKlein]

حد يعرفنى ازاى تغيير من الميل للكيلو عشان فترات الصيانة بتاعتها

[dr_darsh]

حضرتك بتدوس على زرار ال menu وبعدين بتختار unit وبعدين Unit 3 دى بالكيلو مش ميل وحضرتك هتلاقى اختيار تانى وهو ال Lang وده اختصار اللغة وفى منها الإنجليزى والفرنسى