ار بى ام الافيو

[Morieno]

الار بى ام يا رجالة الافيو

عاوز حل نهائى للحوار دا - انا زهقت من موضوع الار بى ام - مش عارف انقل للغيار الاقل غير لما انزل بالسرعة خاااااااااااالص لدرجة انى لازم احيانا اقف وانا فوق المطب عشان الار بى ام يهدا واعرف انقل للتانى او الاول

حد يدينى حل لو سمحتم عشان عشان الموضوع دا بقى مستفذ جدا

وشكرا لحسن تعاونكم

[waelmohamed201]

الموضوع ده حصل معايا ورحت لمقار نضفوا البوابة والحمد لله دلوقتى زى الفل

[Morieno]

يعنى هى بوابه بس - امال ايه موضوع الفبش دا؟؟؟
على فكره العربيه مانيوال 2008 عامله 55 الف كيلو

[waelmohamed201]

روح انت بس لمقار للمهندس تامر ولاغيه كده وهو إن شاء الله حيظبطهالك

[drmagieed]

الأغلب إن الأيدل كنترولر عند باظ وده ب 500 جنيه في التوكيل .... تنظيف البوابة مش الحل ... كما ممكن فيشة التي بي إس يكون فيها مشكلة وأنا زيك علي الحوار ده ولما بيعمل كدة بأقف علي جنب وخبطتين صغيرين علي الأيدل كنترولر كل شيئ يظبط وهكذا تأقلمت مع الوضع.

[mavric_1]

يا جماعة انا معايا افيو 2008 وكان عندي المشكلة دي , المشكلة دي خطيرة ومحدش يستهون بيها عشان بتفتح حاجات تانية في العربية وبتخلي الكنترولر يتهبل و العربية ترجرج و تقطع وكسرتلي مسمار قاعدة موتور من شدة الرجرجة

انا كنت عامل ابونيه عند توكيل منصور هنا في العامرية في اسكندرية, بروحلوا مرة كل شهر تقريبا بسبب المشكلة دي, مرتين عمللي re-programing ومرة دهن جل عازل على فيشة ال TPS ومرة غيرلي ال TPS وبرضوا بيرجع الموضوع اسوأ من الأول

لغايت من سنة كدة تقريبا رحت توكيل منصور في شارع 45 عندنا هنا, مهندس طلع معرفة وقاللي ان حل المشكلة في تغيير الفيشة اللي كانو بيحطوا عليها جل في العامرية دي, و غير الفيشة و لغايت دلوقت العربية العيب دا راح منها تماما, دا بغض النظر طبعا عن بقية عيوب الافيو المعروفة

[mohab2010]

مفيش فايدة 99.9 % بترجع تاني بعد شهر متحولش جربنا كل الطرق حاول تتاقلم علي هذا الوضع

[mahmoudkamal]

انا رحت التوكيل في الهرم و عملهالي بالكمبيوتر

[zezozezozezo]

يعنى اية الحل يا جماعة يعنى مفيش حل هل فعلا هى فيشة tpsطب الفيشة بكام علشان انا مش تبع التوكيل لان العربية كورى هل ينف اروح عادى وهيتكالف كام لان التوكيل غالى جدا واروح توكيل رابعة اللى فى مدينة نصر ولا اية

[drmagieed]

يعنى اية الحل يا جماعة يعنى مفيش حل هل فعلا هى فيشة tpsطب الفيشة بكام علشان انا مش تبع التوكيل لان العربية كورى هل ينف اروح عادى وهيتكالف كام لان التوكيل غالى جدا واروح توكيل رابعة اللى فى مدينة نصر ولا اية

الفيشة بالتركيب في التوكيل 120 جنية

[ahmedsrs]

ربنا معاك

[zezozezozezo]

يا جماعة طيب حد يقولنا فيشة tpsدى فين بالضبط يلعب فيها كدة يمكن تضبط تانى

[mohab2010]

انا غيرت 3 فيش في التوكيل والمشكلة باقية حتي لان
اقترح عليك عدم تموير السيارة لمسافة طويلة يعني من غيار لغيار علطول ولماتهدي خليها متعشقة لحين التهدية ثم النقل لغيار اخر اعلي او اقل ودة لة هدفين
1 بيقلل من استهلاك البنزين
2 ميديش فرصة لل rpm يعلا
وجرب وقلي اية رايك

[mavric_1]

انا غيرت 3 فيش في التوكيل والمشكلة باقية حتي لان
اقترح عليك عدم تموير السيارة لمسافة طويلة يعني من غيار لغيار علطول ولماتهدي خليها متعشقة لحين التهدية ثم النقل لغيار اخر اعلي او اقل ودة لة هدفين
1 بيقلل من استهلاك البنزين
2 ميديش فرصة لل rpm يعلا
وجرب وقلي اية رايك

انا كنت بعمل كدا فعلا قبل ما المشكلة تتحل وكنت كأني بكتم العربية, بس دى على المدى الطويل(حوالي سنة)خليى العربية تبرجل جامد او تنتش وهي ماشية لدرجة ان من عنف النتش و البرجلة كسرت مسمار قاعدة موتور!!!!


وبالنسبة للأستاذ اللي بيقول انه غير 3 فيش و لسة في مشكلة, يمكن لأني غيرت ال tps كله قبل كدة و بعدين غيرت الفيشة اتظبطت عندي والله اعلم

اما بالنسبة للظبت بالكومبيوتر فكل اللي بيعملة انه بيعمل reset for the ECU وده ممكن حضرتك تعمله بنفسك لو فصلت البطارية وسبتها حوالي 10 دقائق ووصلتها تاني المشكلة بتتحل فترة لكن بترجع تاني

[mohab2010]

انا كنت بعمل كدا فعلا قبل ما المشكلة تتحل وكنت كأني بكتم العربية, بس دى على المدى الطويل(حوالي سنة)خليى العربية تبرجل جامد او تنتش وهي ماشية لدرجة ان من عنف النتش و البرجلة كسرت مسمار قاعدة موتور!!!!


وبالنسبة للأستاذ اللي بيقول انه غير 3 فيش و لسة في مشكلة, يمكن لأني غيرت ال tps كله قبل كدة و بعدين غيرت الفيشة اتظبطت عندي والله اعلم

اما بالنسبة للظبت بالكومبيوتر فكل اللي بيعملة انه بيعمل reset for the ecu وده ممكن حضرتك تعمله بنفسك لو فصلت البطارية وسبتها حوالي 10 دقائق ووصلتها تاني المشكلة بتتحل فترة لكن بترجع تاني

ممكن حضرتك تقول لنا حليت المشكلة اذاي وعند مين بالتفصيل للاستفادة
مع خاص الشكر