مساعدة في عربية شيفي أوبترا اوتوماتيك بالله عليكم

[smsm_nabawy]

السلام عليكم

يا جماعةف ي شيء عجيب اوي في عريبة صديقي

عربيته شيفروليه اوبترا أوتوماتيك
المشكلة أبتديت في زفة أبن عمه ،، مسك العربية حرق عليها جامد ،، و فرك و تخميس و غرز و كل ححححااااااجة !! و بعد كده في آخر الزفة ،، بيجيب D و بيطلع ،، العربية صوت موتورها بيعلى و مش بتتحرك !!

كأنه ممور بظظظظظظبط !!

لازم علشان تتحرك ،، يجيب 1 و يطلع بيه و بعد كده 2 و بعد ميمشي بيها يجيب D

رحنا لأكثر من واحد قال
عيب جير بوكس يتغير
التاني يقول دي كهرباء
الثالث يقول مش عارف !! مش تبعي !!

المهم انا مش عارف ولا أنا ولا هوا ولا أي واحد ده عيب ايه ؟؟ حد يكون عنده خبره بالموضوع ده ؟؟؟؟؟؟


النهارده العربية و هوا طالع بيها جاب D و شوية بنزين بساط الاول حبه حبه حبه لحد مامشيت !!

مش عارف أزاي ،، مع أنها في الطبيعي تدوس بنزين براحة ،، بالجامد .. هيا هيا النتيجة !! مفيش حركة

هل من يفيدنا ؟؟

[smsm_nabawy]

هوا الموضوع صعب أوي كده ،، قلقتوني.. الي يعرف حاجة و مش عايز يقولها علشان الصدمة ،، ميبخلش عيلنا !!

اصل العربية دي غالية عليا يا جدعاان =))

[HeMa_LanCeR]

طيب ممكن طلب تعمله
غير زيت الفتيس :)
بس في حاجه تعملها
اول ماتروح تغير الزيت والراجل بينزل الزيت فك الكابل السالب للبطارية
ولما يخلص ركبة تاني
وقبل ما تدور افتح كونتاكت 3 مرات ورا بعض
وبعدها دور واستني 5 دقايق وهات ال d وخليك عليه دقيقة وبعدها مور وبطل
ودور تاني وقولي ايه الأخبار :)

[smsm_nabawy]

هوا لسه مغير زيت قبل الزفففة بظبط !!

علشان يشتغل على نظافة !! بس حاضر حقوله ،، بس هوا عامةً علشان اكون فاهم بس،، الأجرائات دي الغرض منها أيه ؟؟ رسترة الحسساسات ؟

[HeMa_LanCeR]

معلش خلية يغير تاني

وفعلا احنا كده بنرستر الحساسات
ولو مجبش نتيجه يبقي يرستر من الجهاز

[smsm_nabawy]

طيب تمام ،، متشكر ليك أوي ،، حنعملها النهارده ان شاء الله :)

[ahmedaglan]

معالي الباشا خد بالك من الكلام استاذ ابراهيم يقصد زيت الفتيس مش زيت الموتور

[Ibrahim88]

الكلام دة لما حصل معايا قبل كدة كان جير و الله اعلم...لازم يروح لحد فاهم

[mido]

ما يروح التوكيل !

[Ibrahim88]

التوكيل فعلا اضمن خصوصا لو فى لعب فى الفتيس ابعد عن الميكانيكية اللى بتفتى و بتبوظ اكتر ما بتصلح

[HeMa_LanCeR]

احنا حاليا لسه بنحاول مش هنفتي في حاجة :)
التوكيل هيقوله فتيس :)
عموما خلينا نجرب بره الأول وبعدها نشوف هيعمل ايه

[smsm_nabawy]

ما يروح التوكيل !

المشكلة أنها خلييجي :((

و منعرفش توكيل الخليجي هنا في الأسكندرية !!!!!!!

[MIGOS]

هوا الموضوع صعب أوي كده ،، قلقتوني.. الي يعرف حاجة و مش عايز يقولها علشان الصدمة ،، ميبخلش عيلنا !!

اصل العربية دي غالية عليا يا جدعاان =))

مش ممكن تكون غاليه عليكوا تعملوا فيها كده
عموما التوكيل هوا برده منصور وأعوانه ومش هتفرق الخليجي من غيره طالما بره الضمان
ممكن تخلي التوكيل يشخص العيب وتصلحه بره

[smsm_nabawy]

لا هيا غالية عليا انا والله ،، بس مش عليه !!

وهو كان في زفة و بتاع فسخن !!معرفش ايه خلاه يعمل كده !! :((

بس اهو الي حصل !! :))
و متشكر ليك اوي ،، انا مكنتش أعرف أن منصور شغال في الخليجي عادي !!!
قلتله النهارده و اتفقنا نروح سوا بعد الأمتحانات