بالصور ... ركبت دلايات العجل للاوبترا

[Hosam_Optrawy]

السلام عليكم

النهارده اشتريت دلايات الاوبترا مع انى عمر ما جه فى دماغى اشتريهم او اركبهم , فجأه خدت قرار اشتريهم واول ماروحت ركبتهم

تركيبهم سهل بيركبوا على الكارتيره اللى راكبه عادى بس خلى بالك اللى ورا مختلف عن اللى قدام

هاتفك 3 مسامير بمفتاح 7

بس استعمل مفتاح من النوع دا



بلاش تستعمل دا عشان ماتتعبش



دا مكان المسمارين وفى كمان مسمار تالت فى الكرتيره من تحت



بعد التركيب











هى مبتبقاش باينه اوى فى اللون الاسود بتبان على الفواتح




اه صحيح وجبت علامه شيفروليه اللى ورا اللى كانت مسروقه ادعولى ماتتسرقش تانى :)

[hpxp]

اقول ايه غير فنان
بس ياريت سعرهم كام ومنين كده يعني
ومجهود رائع
وملاحظ ان القسم رجع ينشط تاني لما حضرتك رجعت
كنت فينك من ايام العمده الله يرحمه

[abou-yahia]

مبروك
تصدق بيفرقوا في الشكل جدا

[legend_mohsen]

مبروك يا باشا......ياترى بكام ومنين وينفعوا للكروز ولا الكروز ليها حاجة لوحدها ؟

[hossam_elwani]

هو ده الشغل لله ينور وعلى فكره مهمين جدا فى الشتا ده والطين ... ودول اصلى ولا استثمارى.؟؟

[hafeztamer]

مبروك يا باشا ممكن السعر والمكان الشراء وتنفع لافيو

[fouaa]

مبرووووووك يا باشا

[Hosam_Optrawy]

اقول ايه غير فنان
بس ياريت سعرهم كام ومنين كده يعني
ومجهود رائع
وملاحظ ان القسم رجع ينشط تاني لما حضرتك رجعت
كنت فينك من ايام العمده الله يرحمه

الله يرحمه , نشاط العمده مايتعوضش بصراحه

انا بس نزلت مشوار قطع الغيار دا فعرفت شويه معلومات هما اللى عملوا النشاط وان شاء الله القسم يبقى احسن واحسن دايما

جبتهم من التوكيل فرع قطع الغيار ب 120 جنيه gm كورى أصلى , اكيد فى بره ارخص

مبروك
تصدق بيفرقوا في الشكل جدا

الله يبارك فيك ياكبير

مبروك يا باشا......ياترى بكام ومنين وينفعوا للكروز ولا الكروز ليها حاجة لوحدها ؟

الله يبارك فيك , من التوكيل ب 120 , واكيد فى نوع للكروز مخصوص واكيد موجود فى التوكيل برضه بس مسألتش

هو ده الشغل لله ينور وعلى فكره مهمين جدا فى الشتا ده والطين ... ودول اصلى ولا استثمارى.؟؟

اصلى

مبروك يا باشا ممكن السعر والمكان الشراء وتنفع لافيو

120 من التوكيل واكيد بتوع الافيو فى نفس الحدود دى , و أ/ اشرف العدوى كان قايل فى موضوع انه جايب طقم صينى من بره للافيو ب 50

مبرووووووك يا باشا

الله يبارك فيك

[engaass]

الف مبروك هما بصراحة مهمين جدا

[أشرف العدوي]

الف مبروك يا حسام
بتوع الأفيوبـ 50 جنيه صيني
و بـ 100 أصلي بس خارج التوكيل

[ahmedaglan]

الف مبرووووووووك ياحسوكات وعقبال الجنووووط وربنا يبركلك ف عربيتك

[blackbirate]

هو فين فرع قطع الغيار لو سمحت انا دايخ عليهم في المعادي اديلي شهر والف شكر

[Diaby]

الف مبروك ياباشا وتسلم ايدك على الشغل العالى ده
بالنسبة للعلامة اللى ورا جبتها بكام واصلى ولا تقليد والاصلى بكام برة التوكيل والتقليد برضو معلش حتعبك معايا اصل لما جبت العربية لقيت العلامة اللى ورا سودا الظاهر انها اتسرقت واتجابت صينى

[Hosam_Optrawy]

الف مبروك هما بصراحة مهمين جدا

الله يبارك فيك

الف مبروك يا حسام
بتوع الأفيوبـ 50 جنيه صيني
و بـ 100 أصلي بس خارج التوكيل

الله يبارك فيك , يعنى زى سعر بتوع الاوبترا تقريبا

الف مبرووووووووك ياحسوكات وعقبال الجنووووط وربنا يبركلك ف عربيتك

الله يبارك فيك يامعلم الجنوط ان شاء الله قريب بس الاقى اللى فى دماغى

هو فين فرع قطع الغيار لو سمحت انا دايخ عليهم في المعادي اديلي شهر والف شكر

فى 3 فروع لقطع الغيار , الاول فى فرع الهرم الرئيسى ودا فاتح لحد 10 بليل تقريبا مش متأكد , التانى فى المهندسين سور نادى الزمالك بعد النادى وتوكيل رينو بشويه هاتلاقيه وبيفتح لحد الساعه 5 , التالت فى مدينة نصر فرع الطيران

الف مبروك ياباشا وتسلم ايدك على الشغل العالى ده
بالنسبة للعلامة اللى ورا جبتها بكام واصلى ولا تقليد والاصلى بكام برة التوكيل والتقليد برضو معلش حتعبك معايا اصل لما جبت العربية لقيت العلامة اللى ورا سودا الظاهر انها اتسرقت واتجابت صينى

العلامه لما اتسرقت سألت عليها فى التوكيل من فتره ملقيتهاش فجبت الصينى ب 15 جنيه , بس بعدها بشويه لونها غير وبعدها نصها وقع غير ان المسمارين اللى فى العلامه من ورا كانوا بلاستيك سهل يتكسروا , فقررت انى اجيب الاصلى ب 100 جنيه , ناس قعدت تقوللى حرام كدا كدا هاتتسرق التانى انت بال 100 تجيب 7 علامات صينى ومحدش اصلا هايسرق الصينى , بس بصراحه الاصلى ليها احساس مختلف :)

[Usama Nagi]

مبروك يا حسام علي الدلايات و العلامة