الافيو و الشتاء

[AROR]

بعد عمل صيانة الافيو 50000ك فى منصور تم تغيير (طقم السيور) سير الدينمو و شداد الدينمو وسير الكاتينة وشداد سير الكاتينة وطلمبة المياة ظهر صوت احتكاك فى الصباح من عند السيور ويختفي بعد 5 دقائق لما العربية تسخن وهذا الصوت لم يكن موجود قبل تغيير طقم السيور واستمر الصوت لمدة شهرين ولما رجعنا لمنصور تانى بعد شهرين وبعد الفحص والمحص تم تغيير الطقم تانى ( تغيير سير الدينمو و شداد الدينمو وسير الكاتينة وشداد سير الكاتينة وطلمبة المياة) فى الضمان علشان قالوا ممكن البلى خشن وفيه عيب صناعة وضبطوا تركيب الوش الفيبر اللى مغطي سير الكاتينة علشان لو بيحك فى السير وبرضة استمر الصوت فى الصباح او عند برودة العربية ارجو هل حد يعرف هذا العيب من اية

[أشرف العدوي]

هو صوت زي ونة كدة
بتحصل و العربية باردة و لما بتسخن بتروح

[AROR]

شكرا على الاهتمام بس مش صوت ونة صوت خشونة وبعد 5 دقائق تروح وبعدين لما روحت تانى وغيروا طقم السيور للمرة التانية برضة ظهرت

[ahmedaglan]

هو الطبيعى لان العربية ف البرد بتبقي خشنة اول مدورها الصبح واول متعمل مشوار محترم كل حاجة بتتظبط لان العربية بتكون سخنة
بس انصحك انك ترجع ليهم تانى
وانصحك بفرع التجمع
وبالتوفيق

[AROR]

هو مش صوت الخشونة العادي بتاع الماتور الصبح وهو بارد
لا ده صوت خشونة من عند السيور وبعدين الصوت ده حصل بعد تغيير السيور ماكنش موجود قبل التغيير رغم ان التغيير مرتين للشك فى ان البلى يكون خشن

[أشرف العدوي]

لاء مش حقدر افتي
انا ما اعرفش

[zezozezozezo]

الموضوع دة حصل مع واحد صحبى وبصراحة راح لميكانيكى كويس بيسأل بس قالة السير بيبقى مشدود جامد لان لية ضبطة معينة والمهم رخاة شوية والصوت راح بس مش تجربتى انا دة كان قالى الموضوع دة واحد زميلى معاة لانوس انت تروح تانى ليهم فى التوكيل

[HeMa_LanCeR]

علي حسب اعتقدادي انه ممكن يكون من طرمبة الباور
قريب شوية وحاول تعرف الصوت منين بالظبط

[drmagieed]

المشكلة دي كانت عندي في ال 28 صوت خشانه والعربية باردة في أي وقت صبح بالليل يختفي بعد 5 دقائق مشي وكان من طرمبة الميه

[mmtronic]

بعد عمل صيانة الافيو 50000ك فى منصور تم تغيير (طقم السيور) سير الدينمو و شداد الدينمو وسير الكاتينة وشداد سير الكاتينة وطلمبة المياة ظهر صوت احتكاك فى الصباح من عند السيور ويختفي بعد 5 دقائق لما العربية تسخن وهذا الصوت لم يكن موجود قبل تغيير طقم السيور واستمر الصوت لمدة شهرين ولما رجعنا لمنصور تانى بعد شهرين وبعد الفحص والمحص تم تغيير الطقم تانى ( تغيير سير الدينمو و شداد الدينمو وسير الكاتينة وشداد سير الكاتينة وطلمبة المياة) فى الضمان علشان قالوا ممكن البلى خشن وفيه عيب صناعة وضبطوا تركيب الوش الفيبر اللى مغطي سير الكاتينة علشان لو بيحك فى السير وبرضة استمر الصوت فى الصباح او عند برودة العربية ارجو هل حد يعرف هذا العيب من اية

انا عملت نفس الصيانة و غبرت الى انت غيرتة كلة بس الى عندى انى حسيت ان الموتور صوتة اخشن شوية بس

الحاجة الغريبة ان السيور الى شالها من العربية عليها علامة دايو اما الى ركبها فهى سيور بدون ماركة مجرد مطبوع عليها
made in USA
بس بشكل معفن معتقدش انها امريكى ابدا اما سير الدينامو فكان بلجيكى او بلغارى مش فاكر و البلى و اشداد من غير علب( همة جداد و شكلهم باين انهم جداد ) و كنت مستغرب جدا و خصوصا الفينش بتاعهم مكنش ممتاززى ما بتشترى قطعة غيار اصلية و من الوكيل
شيىء غريب

[AROR]

هو المفروض قطع الغيار يبقى مكتوب عليهل gm اختصار لجنرال موتورز ويبقى مكتوب عليها made in koriaمش بليجكى

[ahmedaglan]

اكيد وانصحك تشتري كل قطعة غيار لاي عربية شيفورلية من منصووووور