غيرت زيت الفتيس Valvoline فى البيت :)

[Hosam_Optrawy]

السلام عليكم

بقالى فتره عايز أغير زيت الفتيس لانى عامل 37 الف ومغيرتوش فى ال 30 ومكنتش عارف بصراحه اعمل ايه احجز ميعاد مخصوص فى التوكيل ولا اغيره بره

المهم شوفت اعلان فالفولين فى المنتدى والخدمة اللى عاملينها توصيل الزيت وتغييره كمان لو عايز مجانا هاتدفع تمن الزيت بس

توكلت على الله واتصلت اول امبارح الاربعاء وحجزت ميعاد النهارده الجمعه بعد الصلاه

جالى شاب ومعاه الحاجه وغيرلى الزيت وبصراحه الشغل فيه ضمير واحترافيه وذوق ومعتقدتش لو كنت رحت التوكيل كان هايتغير بالاهتمام دا طبعا فى التوكيل اى حاجه واقلب

النوع المتوافق مع فتيس الاوبترا اسمه MaxLife ATF العلبه لونها احمر فيها 1 لتر ب 70 جنيه , العربيه خدت 3 لتر وشويه حوالى 3.2 وباقى العلبه الرابعه تنفع لو عايز تزود زيت الباور هو هو

ومش عايز اقولوكو على منظر الزيت وهو نازل من العربيه اسود جدا بدرجة فظيعه الراجل اللى غيره بيقولى المفروض مينزلش اسود كدا المفروض ينزل احمر زى الجديد

المهم دفعت تمن 4 علب 280 وبرضه كنت طالب مية تبريد عشان كانت ناقصه عندى طلعت غاليه شويه ب 175 بس مش مشكله اهى تنفع والعبوه 5 لتر

وادانى ظرف فيه كارت عضويه مؤقت والكارت الاساسى هايوصلنى بالبريد عشان بعد كدا هايعملى 5 % خصم على كل تغييره وكمان فى الظرف معطر وستيكر عربية فالفولين شوية حركات كدا

انصح اى حد عدى ال 30 الف يغير الزيت سواء فالفولين فى البيت او فى بنزينه او التوكيل المهم تغيره حفاظا عالفتيس

وشكرا

[ecybrarian]

100 100 +1

[abou-yahia]

تمام كده

زيت الباور تقريبا ثلاث ارباع اللتر يعني بقيه 4 لتر

[hafeztamer]

هو زيت الفتيس هو هو الباور

[sh3sh3]

الف الف مبروووووووووووووك ياباشا وربنا يارب يباركلك فيييية انا كنت عاوز اسال هو زيت الفتيس في الكتالوووج بتاع الابوترا لييييها زيت فتيس معين او بمعنى لزوحة معينة زي زيت المحرك ولا اي زيت ؟؟؟؟؟

[Hosam_Optrawy]

هو زيت الفتيس هو هو الباور

ايوه زيت الفتيس الاوتوماتيك هو هو الباور

الف الف مبروووووووووووووك ياباشا وربنا يارب يباركلك فيييية انا كنت عاوز اسال هو زيت الفتيس في الكتالوووج بتاع الابوترا لييييها زيت فتيس معين او بمعنى لزوحة معينة زي زيت المحرك ولا اي زيت ؟؟؟؟؟

الله يبارك فيك ياباشا متشكر

كل عربيه وليها الزيت المناسب للفتيس بتاعها , بالنسبه للاوبترا ممكن تجيب اى ماركه تعجبك بس يكون مكتوب على العلبه اى حاجه من دول

JWS 3309 او FLUID III G او DEXRON® II D او DEXRON® III

الفالفولين اللى جبته مكتوب عليه ال jws

[Dr/ P.K.Sh]

مبروك على التغيير

[ls1090]

مبروك على التغير
هل تم التغير عن طريق الشفط ولا الطبة

[Dr'AhmZZong]

ألف مبروك يا حسام بيه على الزيت .. أتمنى العربية تكون افضل

[walidzakzok]

بس حاجة غريبة جدا ان الزيت القديم ينزل اسود

[dark_smoky]

مبروك يا حسام علي تغيير الزيت ، انا احتمال اعمل الموضوع ده قريب لأني دلوقتي 38000 و لسه ماغيرتش ، المهم أداء الفتيس عامل ايه دلوقتي ، و علي فكرة انا سمعت ان maxlife III هو الوحيد اللي تخليقي يعني بيتهيألي ممكن يقعد اكتر من 30000 ك ، ده حتي الكيلو ب 70 جنيه يعني لازم يقعد :)

[dark_smoky]

صحيح يا حسام ... هل عملية التغيير مجرد انه فك الطبة و نزل القديم و بعدين حط الجديد و خلاص ؟ اصل في معلومة بتقول ان لازم تجيب كل الغيارات و العربية دايرة و الزيت بينزل علشان تتأكد ان اكبر كمية من الزيت القديم نزلت ... منكم نستفيد.

[ahmedaglan]

حبيبي الف مبروك وربنا يبركلك ف عربيتك

[Usama Nagi]

الف مبروك يا حسام

بس انا اعرف ان فتيس الأوبترا الأوتوماتيك 6 لتر او اقل شوية ازاي غيرلك بس 3.25 لتر

من الكتالوج 5.77 ± 0.2l

[Kareem.ElAraby]

انا سألت أخر مره علي زيت الفتيس قالولي مفيش لسه الخدمه ده !
ممكن تكون لسه جديده
عن تجربه في أكسنت و ريو و امبريزا الزيت ده ما بيهزرشي و عالي الجوده أوي