فرامل الاوبترا و سمعات الاوبترا

[Nike2212]

يا جماعة ارجو الافادة فى الموضوع داة و ارجو كلام صحيح و مؤكد .... انا انشاء اللة ناوى على الاوبترا بس بجمع كل العلومات عنها بس فادلى كام حاجا بسيطة اخيرة اعرفها ...انا كذا حاد وقفتوا فى الشارع معاه اوبترا و كذا حاد اشتاكالى من الفرامل بتاعتها انها مش جامد و بتاخود وقت فى الفرملة و لاذم اكون دايس جامد اوى على الفرامل عشان تفرمل كويس....هل دا صحيح ؟؟؟ ارجوكم الافادة ؟؟

و يريت لو حد يقولى برده على سمعات و كاسيت الاوبترا الصوت حلو ولا اية ؟؟؟؟

ارجو السرعة اجوكم فى الرد عشان واللهى انا ناوى اشترى فى خلال اسبوعين , ثلاثة بالكتير .....

[mina_ramsis]

الفرامل عندى زى الفل بس اعتقد ان مشكله الفرامل ديه كان فيه ناس فعلا بتشتكى منها فى موديل 2005 او 2006
بالنسبة للكاسيت فهو الكاسيت الاصلى بتاع العربية يعنى مش متركب فى مصر

[aif]

ان برضه بأأكد كلام هوكو
الفرامل عندي زي الفل وقوية جدا والكاسيت رائع

[okasha]

الفرامل كويسه والكاسيت برضو لكن درجة علوه مش جامده قوى واعتقد كمان لو كانوا مركبين تويترات زياده كان الصوت يكون احلى "رأي شخصى"
وشكرا

[aif]

اواعتقد كمان لو كانوا مركبين تويترات زياده كان الصوت يكون احلى "رأي شخصى"
وشكرا

هو برغم ان الكاسيت رائع لكن السماعات فعلا مش قوية أوي... هي كافية جدا بالنسبة لي لأني مش باحب الصوت العالي ... لكن اللي محتاج سماعات اقوي من كدة ممكن يركب سماعات اضافية بسهولة ...او يغير الاصليين بسماعات أقوي ...
علي فكرة السماعات الخلفية في الابواب مش في الرف الخلفي

[dinow]

و انا بأكد على كلام كل الاعضاء اللى سبقونى فرامل و طقم صوت زى الفل و كمان لو عايز احسن أداء صوت من فتحة auxillary الصوت فى الوضع ده بيبقى ممتاز احسن من الشرايط بمراحل

[aif]

عايز احسن أداء صوت من فتحة auxillary الصوت فى الوضع ده بيبقى ممتاز احسن من الشرايط بمراحل

يا ريت حضرتك توضح اكتر ... يعني اشغلها ازاي بالظبط ؟؟؟؟؟

[yasermahgob]

ارجو من الأخوة الأفاضل اللى اشتروا سيارة اوبترا موديل 2008 يردوا على فى هذه المشكلة وهى اننى بسمع صوت فى الموتور عند بداية التسخين خاصة عندما تكون السيارة فى الجراج هذا الصوت يشبه الى حد كبير صوت النقمرة اللى موجودة فى السيارات التى تعمل بالسولار مع العلم بأن هذا الصوت يزول عندما يسخن الموتور وعلى فكرة انا سمعت نفس الصوت فى عربيات موجودة فى المعارض هل هذا فى تصميم الموتور وهو شىء عادى ولا فيه مشكلة ارجو الإفادة

[mina_ramsis]

يا ريت حضرتك توضح اكتر ... يعني اشغلها ازاي بالظبط ؟؟؟؟؟

اللى هيا وصله ال aux اللى بتشغل عليها الام بى ثرى او الاى بود
انا عن نفسى بشغل الموبايل عليها و الصوت نقى جدا فعلا

[karimalaa]

ال aux عبارة عن مدخل audio in: 3.5mm jack و يمكن تشغيلها في الأوبترا عن طريق الضغط على زر TAPE/AUX لمدة ثانيتين.أما بالنسبة لصوت الموتور الصبح فده حتلاحظه في الأماكن المغلقة و ده صوت عادي عشان العربية ببتكون لسه ما سخنتش وبتكون باردة فبتكون البساتم احتكاكها ناشف لكن لما تسخن حتبقى عادي جدا والصوت حيروح و أنصحك ما تمشيش بالعربية والصوت ده موجود(أي قبل ما صوت الموتور يهدأ,أو قبل أن ما يعدي مؤشر الحرارة علامة الC) عشان ده حيزيد من احتكاك البساتم فتتأكل(قبل أن تأخذ وضعها الطبيعي) و ده يقلل من عمر الموتور و يزيد الشوائب في زيت المحرك الناتجة عن الاحتكاك.

[dinow]

بالنسبة ل Aux زى ما الاخ وضح بالظبط و كمان لما بتوصل الموبايل بتبقى carkit ماحصلتش
و بالنسبة للصوت اعتقد ان ده زى سخان بيسخن الموتور بسرعة

[yasermahgob]

شكرا لك يأخ كريم على سرعة استجابتك بس برده حضرتك جاوبت بصفة عامة ولكن هذا الصوت اللى فى الموتور بتاع الأوبترا ماسمعتوهوش فى اى عربية اخرى جديدة اشمعنى ده فى الأوبترا بس انا كنت عاوز اطمن على ان هذا الصوت هو حالة عادية فى مواتير الأوبترا ولااعنى بان الصوت المقصود هو صوت الموتور وهو عالى فى حالة التسخين ولكن هو صوت يشبة تماما صوت مواتير السيارات التويوتا الميكروباص التى تعمل بالسولار يظهر مع صوت الموتور عندما يهدأ الـ Rpm وينزل عند العشرة الف لفة وعندما يسخن الموتور وتتحرك السيارة يختفى تماما انا عاوز اطمن الصوت ده فى كل السيارات الأوبترا ولا ايه

[karimalaa]

شكرا لك يأخ كريم على سرعة استجابتك بس برده حضرتك جاوبت بصفة عامة ولكن هذا الصوت اللى فى الموتور بتاع الأوبترا ماسمعتوهوش فى اى عربية اخرى جديدة اشمعنى ده فى الأوبترا بس انا كنت عاوز اطمن على ان هذا الصوت هو حالة عادية فى مواتير الأوبترا ولااعنى بان الصوت المقصود هو صوت الموتور وهو عالى فى حالة التسخين ولكن هو صوت يشبة تماما صوت مواتير السيارات التويوتا الميكروباص التى تعمل بالسولار يظهر مع صوت الموتور عندما يهدأ الـ Rpm وينزل عند العشرة الف لفة وعندما يسخن الموتور وتتحرك السيارة يختفى تماما انا عاوز اطمن الصوت ده فى كل السيارات الأوبترا ولا ايه

معرفش الصراحة والله اصلي مجربتش ادورها في مكان مغلق بس بدورها على الساعة 7 الصبح كده بيبقى صوت الموتور عادي مش طبيعي لكن حكايت صوت الموتور بتاع الtoyota hi ace ده بيبقى صوت البلية اللي في الميكروباص
ببس معرفش اللي عندك ده ايه و ماظنش ان الأوبترا فيها بلية.معلش مش عايز أفتي و أقول حاجة مش متأكد منها.
يا ريت حد يفيدنا لو متأكد.

[fahd_628]

صوت تكتكة كدة يبقى عادى و انا بسمعة فى الجيتز بتاعت خالتى و بعد ما بتسخن الصوت بيختفى بس بصراحة مش عارف دة صوت اية

[yasermahgob]

ياجماعة ياريت حد يفدنا فى هذا الموضوع وياريت يكون عندة جراج ويلاحظ صوت الموتور صباحا هل يوجد صوت تكتكة بسيطة عند السلنسية لأن هذا الصوت لايظهر إلإ بوضوح فى الجراجات والأماكن المغلقة والسيارة باردة فقط ياريت حد يفدنا