فتيس و تكييف الاوبترا

[allam001]

السلام عليكم.. يا جماعه انا معايا اوبترا 2007 اوتوماتيك و كنت جايبها مستعمله.. وديتها انهردا التوكيل عشان اعمل عليها فحص .. المهم التوكيل ( منصور اللى جنب الحرفيين) عمل فحص شامل و قاللى العربيه مغيرتش زيت الفتيس من ساعت ماكانت زيرو و هيا دلوقتى عامله 132000 كم و زيت الفتيس كان المفروض يتغيير عند 40000 او 60000 بالكتير اوى..لو اتغيير دلوقتى هيبقى فى خطوره و ممكن الفتيس يفوت و يحتاج عمره فتيس ... لان على حسب كلامه الزيت بعد الفتره الطويله دى مش نظيف طبعا و الشوائب اللى فيه عامله sealing ولما تتنظف ممكن الفتيس يفوت.. الكلام ده صح ولا غلط و المفروض دلوقتى مغيروش ولا اعمل ايه؟

و التكييف مشغلتوش من شهر 9 تقريبا لانى كنت مسافر بس كان ساعتها شغال كويس.. انهردا قولت اجربه شغال بس بيطلع صوت عالى اوى من قدام.. قالولى التكيف محتاج كومبريسور و سربنتينه و طبعا اكيد عندكو فكره عن اسعار الحاجات دى.. ياريت حد يقوللى على حد كويس بيفهم يكشف على التكييف يمكن يتصلح بدل مغيرلو الكومبريسور و السربنتينه و خرطوم التكييف..

و حاجه كمان معلش.. نتيجه الفحص ان العربيه محتاجه تغيير غطاء تاكيهات.. هو ايه اللى يبين ان فيه مشكله فى غطاء التاكيهات .. لان انا حاسس الناس دى عاوزه تعمل شغل و خلاص.

انا اسف انى طولت عليكم بس ياريت تيفيدونى

[نينو]

اسال علي الحاجات دي في الفرحين ولو عاوز مكان انا لسة جايب من عندو حاجات للاوبترا بتاعتي و هما كمان عندهم ورشة متخصصة للاوبترا يعني بيع و صيانة و كلو ابعتيلي علخاص و اقولك المكان و الاسم

[abou-yahia]

السلام عليكم.. يا جماعه انا معايا اوبترا 2007 اوتوماتيك و كنت جايبها مستعمله.. وديتها انهردا التوكيل عشان اعمل عليها فحص .. المهم التوكيل ( منصور اللى جنب الحرفيين) عمل فحص شامل و قاللى العربيه مغيرتش زيت الفتيس من ساعت ماكانت زيرو و هيا دلوقتى عامله 132000 كم و زيت الفتيس كان المفروض يتغيير عند 40000 او 60000 بالكتير اوى..لو اتغيير دلوقتى هيبقى فى خطوره و ممكن الفتيس يفوت و يحتاج عمره فتيس ... لان على حسب كلامه الزيت بعد الفتره الطويله دى مش نظيف طبعا و الشوائب اللى فيه عامله sealing ولما تتنظف ممكن الفتيس يفوت.. الكلام ده صح ولا غلط و المفروض دلوقتى مغيروش ولا اعمل ايه؟

بص فيه قواعد عامه بتقول ايه

بتقول انه الاستمرار في عدم تغيير الزيت لمده اطول اكيد حيسبب اضرار مؤكده وحيؤثر بلسلب مش علي الفتيس فقط ولاكن علي اداء السياره بوجه عام اقلها معدلات استهلاك الوقود .

انصحك بتغييره فورا

روح بنزينه موبيل وخليه يسحب الزيت بمكنه الشفط وحط مكانه زيت موبيل AFT 320 مفترض انها تاخد 3 لتر .
امش عليهم شويه حوالي 1000كم وبعدين كلم فالفولين وخليهم يغيرولك الزيت المره ديه بنفس الطريقه بس زياده انه يفتح الطبه من تحت عشان ينزل كله .

وان شاء الله كله حيبقه تمام

و التكييف مشغلتوش من شهر 9 تقريبا لانى كنت مسافر بس كان ساعتها شغال كويس.. انهردا قولت اجربه شغال بس بيطلع صوت عالى اوى من قدام.. قالولى التكيف محتاج كومبريسور و سربنتينه و طبعا اكيد عندكو فكره عن اسعار الحاجات دى.. ياريت حد يقوللى على حد كويس بيفهم يكشف على التكييف يمكن يتصلح بدل مغيرلو الكومبريسور و السربنتينه و خرطوم التكييف..

فيه توكيل تككييف ساندن في شارع النصر في المعادي ناس محترمه جرب تروحلهم يكشفوا عليه وبعدين نشوف ايه اللي يتعمل بعد كده يا تشتري كومبريسور جديد وتقريبا هما احسن نوع في مصر يا تشتري استيراد .

و حاجه كمان معلش.. نتيجه الفحص ان العربيه محتاجه تغيير غطاء تاكيهات.. هو ايه اللى يبين ان فيه مشكله فى غطاء التاكيهات .. لان انا حاسس الناس دى عاوزه تعمل شغل و خلاص.

جوان غطاء التاكيهات عادي بيتغير ومفيش منه قلق وتعرف انه محتاج لما بتلاقي تعريق زيت ولما يزيد يبقه يتغير , وهو فعلا من بيحتاج يتغير منم فتره للتانيه .


انا اسف انى طولت عليكم بس ياريت تيفيدونى

[allam001]

الف شكر يا abou-yahia على ردك .. بش اشمعنى ابدأ بتغير زيت الفتيس ل ِaft 320 الاول بعدين اروح لفالفولين .. و هل فالفولين هو الزيت الاصلى بتاع فتيس الاوبترا الاوتوماتيك ولا ده فى رأيك يعتبر اكتر نوع مناسب و ياريت تقوللى اغيير زيت الموتور لنوع ايه بردو .فى ناس بتنصح بالتغيير للزيت التخليقى بس انا سمعت انه بيعلى صوت الموتور.. تنصح بزيت ايه مع العلم ان العربيه ماشيه 133000كم و اللى خدتها منه كان بيحط موبل 1 .. بالنسبه لغطاء التاكيهات , فغطاء التاكيهات كله عاوز يتغير مش الجوان بس على حسب كلامهم.. معلش انا بسأل على تفاصيل ضغيره شويه عشان انا لسه جديد فى قصه صيانه العربيات دى

[MIGOS]

إياك ثم إياك ثم إياك من ياسين منصور اللي حنب الحرفيين وحاول تتابع مواضبع الساده أعضاء المنتدى عن هذا المكان اللعين
روح لفرع التجمع الخامس أفضل بكتيييير
وإن كان موضوع الزيوت يتحل في أي بنزينه أفضل كما تفضل واقترح الساده الأعضاء
بالنسبه للتكييف روح للمطراوي أمام قسم شرطة مصر الجديده بميدان الجامع من الآخر حقاني وبيلخص من غير ما يجعلص المسائل

[abou-yahia]

الف شكر يا abou-yahia على ردك .. بش اشمعنى ابدأ بتغير زيت الفتيس ل ِaft 320 الاول بعدين اروح لفالفولين .. و هل فالفولين هو الزيت الاصلى بتاع فتيس الاوبترا الاوتوماتيك ولا ده فى رأيك يعتبر اكتر نوع مناسب

لا كل الحكايه انا عايز اغسل الفتيسوه وبعدين موبيل ده احسن حاجه فيه 320 لاكن فالفولين هوه الوحيد التخليقي في مصر عشان كده نصحت بيه كحاجه تستمر عليها .

و ياريت تقوللى اغيير زيت الموتور لنوع ايه بردو .فى ناس بتنصح بالتغيير للزيت التخليقى بس انا سمعت انه بيعلى صوت الموتور.. تنصح بزيت ايه مع العلم ان العربيه ماشيه 133000كم و اللى خدتها منه كان بيحط موبل 1 .

الاعضاء هنا مجربين فالفولين وبيشكروا فيه كتير وانا انصح بيه , لاكن انا حاطط ليكولي مولي وبرضك ذي الفل وحبقه ادي فيد باك عنه في نهايه قبل تغييره .حط 5w-40 افضل شئ .

. بالنسبه لغطاء التاكيهات , فغطاء التاكيهات كله عاوز يتغير مش الجوان بس على حسب كلامهم.. معلش انا بسأل على تفاصيل ضغيره شويه عشان انا لسه جديد فى قصه صيانه العربيات دى

ماليش خبره في قصه تغيير الغطاء بلكامل انصحك تستشير حد قبل ما تكلف نفسك
وبلتوفيق

[abou-yahia]

إياك ثم إياك ثم إياك من ياسين منصور اللي حنب الحرفيين وحاول تتابع مواضبع الساده أعضاء المنتدى عن هذا المكان اللعين
روح لفرع التجمع الخامس أفضل بكتيييير
وإن كان موضوع الزيوت يتحل في أي بنزينه أفضل كما تفضل واقترح الساده الأعضاء
بالنسبه للتكييف روح للمطراوي أمام قسم شرطة مصر الجديده بميدان الجامع من الآخر حقاني وبيلخص من غير ما يجعلص المسائل

فعلا فرع التجمع فرع كويس جدا واعضاء كتير مرتاحين فيه
لعده عوامل اهما من وجهه نظري استطاعه العضو انه يشرف بنفسه علي سير اجرائات الصيانه والتوكيد عليها .
لاكن يعيبه انه مش بيساعد في الاعطال الكبيره

ذي مثلا الاسبوع الماضي باسم كان عنده مشكله في علبه الدركسيون كان فيها تسريب خفيف وحولوه علي فرع الهرم لتغييرها .
وفعلا راح وغيرهاله من غير ولاكلمه

وشكرا

[elpasha1]

اسال علي الحاجات دي في الفرحين ولو عاوز مكان انا لسة جايب من عندو حاجات للاوبترا بتاعتي و هما كمان عندهم ورشة متخصصة للاوبترا يعني بيع و صيانة و كلو ابعتيلي علخاص و اقولك المكان و الاسم

ما انت ممكن تقول المكان على الملء حتى يستفيد منة جميع الاعضاء

[نينو]

يعني لو قولت مش يبقي اعلان علعموم لو عاوز اي حاجة في الشيفرولية عاما قولي و ابعتلك نمرتهم عالخاص

[HeMa_LanCeR]

يعني لو قولت مش يبقي اعلان علعموم لو عاوز اي حاجة في الشيفرولية عاما قولي و ابعتلك نمرتهم عالخاص

طيب ممكن تسالهم علي غطاء التاكيهات بكام؟

[kh_elshiemy]

اسال علي الحاجات دي في الفرحين ولو عاوز مكان انا لسة جايب من عندو حاجات للاوبترا بتاعتي و هما كمان عندهم ورشة متخصصة للاوبترا يعني بيع و صيانة و كلو ابعتيلي علخاص و اقولك المكان و الاسم

ياريت تقولنا علشان الاستفادة للجميع....وبعدين انا شايف من جميع المشاركات ان المنتدي مش ممانع بدال للمنفعة العامة