Tweet
أولا انا باعتذر على تأخرى فى كتابة الموضوع، انا عملت العزل من حوالى شهر بس للأسف كنت ناسى الصور على فلاشة فى القاهرة و كمان كانت فرصة انى اجرب العربية بعد العزل.
الموضوع باختصار ان كل مشاويرى تقريبا سفر و مع الجرى بيبقى عزل الصوت مش قد كده، المشكلة اللى زادت ان طرق شرم الشيخ من بعد النفق مسافات طويلة منه زى ما تكون متقشرة مش عارف ليه، فبقى الصوت اللى بييجى من تحت العربية مزعج جدا.
اللى شجعنى اعمل الموضوع ده زميل فى المنتدى كان عامل موضوع عن عزل النسيان صنى، و قررت اجرب، من غير تفكير و علشان تجربتى الممتازة معاهم رحت على جينز كار بعد الحجز بالتليفون مع أ/ أحمد مشعل، و كالعادة الراجل كان فى منتهى منتهى الزوق و الترحاب، و كان معجب بالموضوع علشان كنت اول عربية اوبترا اعمل الموضوع ده.
التركيب اخد حوالى ساعتين، الباشمهندس أحمد كان بيشرف بنفسه على كل التفاصيل لدرجة انه راح اختار اللباد بنفسه من المخزن علشان يجيب توب سميك.
الموضوع اتكلف 250 جنيه و النتيجة كانت كويسة جدا، انا كنت اخدت قراءات من برنامج قياس الديسبل على الموبايل و انا نازل من شرم و اخدت قراءات تانية و انا راجع و النتائج كانت:
- على سرعة 100 - 120 الضوضاء على مستوى الارضية انخفضت بنسبة 40%
- على سرعة 120 - 150 انخفضت بنسبة 34%
- على سرعة 150 - 170 انخفضت 27%
ده بالنسبة للارقام، بالنسبة للاحساس الشخصى فكلنا حسينا بفرق ملموس لدرجة انى شكيت ان الفرق علشان الهواء فى ضهر العربية فلفيت و مشيت عكسى حوالى 5 كم بس كانت النتيجة زى الارقام اللى فوق.
التجربة كانت مفيدة جدا و اقدر اقول بثقة انى انصح بيها للناس اللى بتسافر كتير، بالنسبة للقيادة فى القاهرة فانا ماقدرش احكم علشان ما اخدتش قراءات و صعب جدا فى دوشة البلد تحس بفرق.
صور التركيب
Pictures by hossamhassan1411 - Photobucket
الموضوع باختصار ان كل مشاويرى تقريبا سفر و مع الجرى بيبقى عزل الصوت مش قد كده، المشكلة اللى زادت ان طرق شرم الشيخ من بعد النفق مسافات طويلة منه زى ما تكون متقشرة مش عارف ليه، فبقى الصوت اللى بييجى من تحت العربية مزعج جدا.
اللى شجعنى اعمل الموضوع ده زميل فى المنتدى كان عامل موضوع عن عزل النسيان صنى، و قررت اجرب، من غير تفكير و علشان تجربتى الممتازة معاهم رحت على جينز كار بعد الحجز بالتليفون مع أ/ أحمد مشعل، و كالعادة الراجل كان فى منتهى منتهى الزوق و الترحاب، و كان معجب بالموضوع علشان كنت اول عربية اوبترا اعمل الموضوع ده.
التركيب اخد حوالى ساعتين، الباشمهندس أحمد كان بيشرف بنفسه على كل التفاصيل لدرجة انه راح اختار اللباد بنفسه من المخزن علشان يجيب توب سميك.
الموضوع اتكلف 250 جنيه و النتيجة كانت كويسة جدا، انا كنت اخدت قراءات من برنامج قياس الديسبل على الموبايل و انا نازل من شرم و اخدت قراءات تانية و انا راجع و النتائج كانت:
- على سرعة 100 - 120 الضوضاء على مستوى الارضية انخفضت بنسبة 40%
- على سرعة 120 - 150 انخفضت بنسبة 34%
- على سرعة 150 - 170 انخفضت 27%
ده بالنسبة للارقام، بالنسبة للاحساس الشخصى فكلنا حسينا بفرق ملموس لدرجة انى شكيت ان الفرق علشان الهواء فى ضهر العربية فلفيت و مشيت عكسى حوالى 5 كم بس كانت النتيجة زى الارقام اللى فوق.
التجربة كانت مفيدة جدا و اقدر اقول بثقة انى انصح بيها للناس اللى بتسافر كتير، بالنسبة للقيادة فى القاهرة فانا ماقدرش احكم علشان ما اخدتش قراءات و صعب جدا فى دوشة البلد تحس بفرق.
صور التركيب
Pictures by hossamhassan1411 - Photobucket
Comment