Tweet
المفروض اني استلم عربيتي الاوبترا ان شاء الله خلال الشهر دا ( ادعولي ) المهم انا كنت قريت ان في اول 1000 كيلو المفروض ماجريش بالعربية او مازودش عن 90 كم/س ,, طب لو زودت هيحصل ايه اصل انا من جنوب سيناء بالتحديد طور سيناء والمسافه من القاهرة حوالي 450 كيلو وهستلم من القاهرة ف صعب جدا امشي بالسرعه دي طول المسافة دي ارجو الافادة
-
[SIZE="3"][FONT="Arial Black"] Mohamed Gamal (محمد جمال)[/FONT][/SIZE] -
الف مبروك مقدما وتستلم على خير ان شاء الله
ممكن تمشى لحد 120 لان على السرعه دى ال Rpm بيبقى اقل من 3 بحاجه بسيطه
المهم بما انك هاتمشى مسافه طويله بلاش تفضل ثابت على سرعه فتره طويله , يعنى طول السكه خليك 100 - 120 وبعدين انزل 100 يعنى غير فى سرعتك
ماتدوسش فرامل مفاجئه , ماتكبسش بنزين جامد او تعمل كيك داون
ابقى ظبط ضغط الهوا بتاع الكاوتش عشان بيبقى عالى , اظبط على 30 ويستحسن تحط نيتروجين[aldl]http://s17.postimg.org/ygne2hebj/F2000045710.jpg[/aldl] -
اهم حاجة بردوا انك ما تزودشي ال rpm عن 3000 لفة او رقم تلاتة في العداد
يفضل بردوا عدم استخدام التكييف اول 1000 كيلو علشان ما يبقاش حمل علي الموتور و يزود ال rpm
بس دا ما يمنعشي انك تجرب التكييف اول ما تستلمها للأطمئنان عليه
و بردوا الباقي اللي وضحه حسام مهم
و ربنا يباركلك فيها[SIZE=3][B]م/أسامه ناجي[/B][/SIZE][SIZE=5][B][FONT=Comic Sans MS][COLOR=navy][COLOR=black]
[/COLOR][/COLOR][/FONT][/B][/SIZE][URL="http://www.nilemotors.net/Nile/175941-a.html"]
[/URL]
bluemaneg سابقاComment
-
الف شكر بجد يارجاله ودا اللي كنت مستنيه منكم طبعا والله يبارك فيكم و العربيه مانيول ان شاء الله لاني اعتقد الكيك داون دا ف الاوتو بس ربنا يسهل واكتبلكوا تقرير اول ما استلم ان شاء الله[SIZE="3"][FONT="Arial Black"] Mohamed Gamal (محمد جمال)[/FONT][/SIZE]Comment
-
معلش انا كنت فاكر انها اوتوماتيك , يبقى زى ماقالك اسامه متعديش 3 Rpm ومتحرقش على الغياراتالمشاركة الأصلية كتبت بواسطة BMW30 مشاهدة المشاركة
بالتوفيق[aldl]http://s17.postimg.org/ygne2hebj/F2000045710.jpg[/aldl]Comment
-
الف شكر ياحسام ع الاهتمام وان شاء الله اراعي النصايح دي[SIZE="3"][FONT="Arial Black"] Mohamed Gamal (محمد جمال)[/FONT][/SIZE]Comment
-
اولا الف مبروك يامعالي الباشا
ثانيا اتأكد وانت بتستلم ان اللباد بتاع الكبوت موجود
افتح الكبوت وبص هتلاقي في لباد جلد شوفو موجود ولا لا
ومفيش حاجة اقولها بعد حسام واسامة
وبالتوفيق وربنا يحفظهالك ويحفظك منهاComment
-
احمد بيك الف شكر ياباشا ع ردك والله بفرح لما بلاقي ردك فموضوعي دايما بتضيفلي جديد انت وكل رجالة اوبترا ياريت ياباش تديني شوية معلومات عن الاستلام اكتر وايه الحاجات اللي اتاكد منها
اخوك محمد[SIZE="3"][FONT="Arial Black"] Mohamed Gamal (محمد جمال)[/FONT][/SIZE]Comment
-
المشاركة الأصلية كتبت بواسطة bmw30 مشاهدة المشاركة
طبعا انا بشكرك جدا لزوقك
وطبعا اول حاجة تعملها انك متبقاش فرحان اوى ومتلهوج وانت بتستلم
ثانيا تاخد معاك اسطونة فيها قران علشان تشغلها ف العربية اول حاجة
ثالثا حضرتك تلف حولين العربية وتبص عليها كويس جدا وتسمى الله وتفتح الباب وتبص علي عداد الكيلو متر شوفو عامل كام
وتفتح الشنطة وتشوف الاستبن ومفتاح العجل
وبعد كدا تدخل العربية وتشغل الكاسيت وتجربة وانت بتفحص دور العربية وسبها ديراة شوية وبعد كدا شغل التكييف وشوف كفأتة وتجرب الازاز الكهرباء الاربع ابواب وتمر علي باب باب وتجرب الزراير كلها وتجرب المرايات الكهرباء وتفتح الانوار كلها والانتظار وتنزل تبص عليهم وركز مع صوت المكنة شوف كدا فيها صوت غير مؤلوف ولالا للطمئنينة بس
وبعد متطمن ان كلة تمام تسأل علي الكتالوج وكتيب الضمان
وتشوف هتستلمهم امتى
واول متركب وتأخد وضع القيادة تقول
اللهم انى اسألك خيرها وخير ما صنعت لااجلة واعوذ بك من شرها وشر ما صنعت لااجلة
وبعد كدا تقول
دعاء الركوب سبحان الذي سخر لنا هذا وما كنا لة مقرنيين وان الي ربنا لمنقلبون
وبعد كدا تقول الاية دى
بسم الله الرحمن الرحيم
وما قدرو الله حق قدرة والارض جميعا قبضتة يوم القيامة والسماوات مطويات بيمينة سبحانة وتعالي عما يشركون
صدق الله العظيم
وبعد كدا تقول وانت بتتحرك
بسم الله توكلت علي الله ولا حولا ولا قوة الا بالله
اللهم انى استودعتك دينى ونفسي وسياراتى
وبعد كدا تتوكل علي الله وتخرج علي اول بنزينة وتفول 92
وتاخد طريقك في امان الله
وياريت تطبع الي انا قولتهولك وتاخد الورقه معاك لان هيسقط منك حاجات كتير
وبالتوفيق يامحمد باشا والف مبروك وربنا يكرمك بيها ويجعلها فتحة الخير عليك بأذن اللهComment
-
المشاركة الأصلية كتبت بواسطة ahmedaglan مشاهدة المشاركة
الف شكر يا استاذ احمد والله الواحد بيستفيد جدا من نصايحك ياريت لو تعرف في عروض كويسة نزلت علي الاوبترا في معرض الاهرام ولا لا ياريت تقولي بعد اذنك ياباشا[SIZE="3"][FONT="Arial Black"] Mohamed Gamal (محمد جمال)[/FONT][/SIZE]Comment
-
المشاركة الأصلية كتبت بواسطة bmw30 مشاهدة المشاركة
العفو علي اية احنا اخوات اما بخصوص المعرض فأنا كنت هناك امبارح
والمانيوال كان سعرها 96000 والاوتو ب 103000
والاسعار غليت مش رخصت
فأنا انصحك تجبها من اي معرض نضيف وليكن من عند ياسين ودة انضف واحد ممكن تجيب من عندو اي ماركة شيفورليةComment
-
في معرض البنك رشحهولي ( بنك ناصر ) بالتحديد واحد صاحبي شغال فالبنك كان عامل تخفيض 2000 جنية ع موديل 2012 وجبت منه عرض الاسعار بس المشكله اللي ظهرت بقي ان الحاج والدي راسه والف سيف انه يجيب الاكسنت rb وانا برضه مصمم اننا نجيب اوبترا لاني مقتنع بيها فدا اللي ماخر موضوع اننا نستلم مع ان الاجراءات خلصانه[SIZE="3"][FONT="Arial Black"] Mohamed Gamal (محمد جمال)[/FONT][/SIZE]Comment
-
بالتوفيق ان شاء الله صلى استخاره واللى فيه الخير يعمله ربناالمشاركة الأصلية كتبت بواسطة bmw30 مشاهدة المشاركة
والاكسنت برضه حلوه والاتنين سعرهم قريب هاحاول اقولك بعض نقط الاختلاف بينهم جايز تساعدك
الاكسنت : تصميم حديث وشكل احدث من بره وجوه - موتور اقوى من اوبترا - لو هاتجيبها اوتوماتيك يبقى تتميز برضه بان فتيسها ستبترونيك
الاوبترا : موتور حلو برضه - اوسع من جوه واكبر حجما عموما - شنطه اوسع - تعليق خلفى منفصل - فرامل خلفيه دسكات - اعلى عن الارض - انذار وريموت اصلى - جنوط 15 بكاوتش 195[aldl]http://s17.postimg.org/ygne2hebj/F2000045710.jpg[/aldl]Comment
-
تعالي قول للحاج بقي هههههههههههههه والله العربيه مش داخله دماغي خالص ومن جوه ضهر الكراسي اللي قدام بتاعتها بلاستيك حاجه مستفزه جدا وكمان المسند اللي بينزل من الجنب فكرسي السواق دا حاسس اني قاعد فصالون بيتنا ههههههههه وكمان الاوبترا بتاعة واحد صاحبي تحت رجلي ع طول وبنجري بيها كتير فوق ال 160 و ساعات 180 والعربيه ماشاء الله مابتقولش لا وراسية لكن التانيه دي 140 كانك ماشي 220 العربيه بتبقي مراجييييح من ورا والناس اللي قاعده ورا بيقوا مرعوبين انا لسه مجربها من يومين بعد ما سمعت اراء الناس فقسم هيونداي الاوبترا ثم الاوبترا[SIZE="3"][FONT="Arial Black"] Mohamed Gamal (محمد جمال)[/FONT][/SIZE]Comment
-
اتوكل علي الله واعمل صلاة الاستخارة
وان شاء الله ربنا هييسرلك الامر
ومعنديش حاجة اقولهالك اكتر من قالو حسام باشاComment
Comment