الحقونى يارجاله اتصرف ازاى ؟

[weels74]

عربيتى اوبترا سودا , 2011 والبويه لسه زيرو ولاخربوش وبلمعة المصنع طبعا , ركنتها تحت الشغل وواحد حيوان ماعندوش ضمير كان بيرش قواعد تكييف بمسدس دوكو بهدل حوالى 15 عربيه ركانين تحت العمارة , وفعلا نزلت لاقيت فى نقط بيضا فى البويه هى واضحة من قرب , وبصراحة الموضوع معكننى اخر عكننه , مش عارف اعمل ايه فى حل من غير مايأثر على شكل البويه ولا جودتها ولا اعمل ايه .

[abou-yahia]

جزاك الله خير

مش عارف بصراحه محتاجه حد بيفهم

انقل سؤالك لقسم الورشه

ان شاء الله حيفيدك

[kh_elshiemy]

حصلتلي قبل كدة ....هي حلها بسيط ان شاء الله......اشتري من عند اي حد بتاع دوكو علبة كمبوند بحوالي 5 جنية ...هو بيستخدم لتلميع العربية ...هو شكلة زي الكريم خد منةيصباعك وحط علي المكان اللي علية نقط الدهان وجيب قطعة قطن قد كف اليد وابدأبتنظيف الكمبوند من علي الدهان ...ان شاء الله هتلاقي نقط الدهان اختفت والدهان الاصلي للعربية لمع اكتر من الاول

[FERRYTIDE]

قطن مع تنر

حاصلتى قبل كده انا عربيتى لونها فضى لاقيت عليها واحد راشش دوكو لونة بنى شيلتها بقطعة قطن مع تنر واللون الاصلى زى ماهو ما جرلهوش اى حاجة

[legend_mohsen]

بلاش التنر تاني علشان بيأكل الدهان مع الوقت :) الكومبوند أحسن وأسهل

[weels74]

شكرا ياشباب على الاهتمام والرد , ان شاء الله هو الكمبوند واضح انه هو اللى عليه الاتفاق انا كده بدات اهدى انتوا عارفين الغربال الجديد بس تفتكروا دى عين ولا ايه لانى اعرف ان اى حد بيجيب عربيه جديدة لازم يتعلم عليه , ربنا يحفظكم ويحفظنا ويرزقنا البركه من عنده .

[محمد بدر]

بلاش كمبوند ممكن يأثر على الدوكو وخصصوصا الأسود
أفضل شيئ بولش (ميدو) العلبة لونها الآن أزرق وهتتعب شوية لاكن نتيجة ممتازة ان شاء الله والمهم إستخدام قطعة قماش قطن ناعمة جدا أو القطن الطبى العادى

[medododo]

نصيحة
سيبها شوية تاخد العين

[weels74]

نصيحة
سيبها شوية تاخد العين

انا قررت اكون الرأى ده , وخصوصا لما عرفت ان الموضوع له حل ان شاء الله

[drmagieed]

شكرا ياشباب على الاهتمام والرد , ان شاء الله هو الكمبوند واضح انه هو اللى عليه الاتفاق انا كده بدات اهدى انتوا عارفين الغربال الجديد بس تفتكروا دى عين ولا ايه لانى اعرف ان اى حد بيجيب عربيه جديدة لازم يتعلم عليه , ربنا يحفظكم ويحفظنا ويرزقنا البركه من عنده .

والله دي عيون ... وإللي أعرفة إن الكومبوند هو إللي هيشيل الدوكو الغريب وهيطفي اللون شوية بعد كده البوليش هيلمع وهيرجع اللون زي ما كان ... لكن البوليش بس مش هيطلع الدوكو الغريب وهتتلمع العربية وهيفضل الدوكو الغريب عليها زي ما هو ... وأنصحك تررررررررررررررررررررروح لبتتتتتتتتتتتتتتتتتتتتتاع دووووووووووووووووووكوووووووووووووو ما تعملش الحاجات دي بنفسك ... نصيحة.

[mshehata500]

حصلت معايا فى دمياط كنت بشترى عفش اخويا وركنت عربيتى اوبترا اتوماتيك 2011 اسود وهناك بقى كله بيرش دوكوا ولاقيت العربيه كلها نقط ابيض اتصلت بواحد صحبى بتاع دوكوا وتانى يوم رحتله والحل كان تينر زيروا وبعد كدا تم التلميع بالبولج