يا تري سوء حظ ... ولا حسد

[drmagieed]

أخواني الأعزاء ... بقالي شهر بالظبط ما يعديش يوم إلا والعربية يحصلها حاجة ... العربية أفيو كوري 2007 لو ما حدش خربشها بقلم ولا مسمار يخبطني موتوسيكل لدرجة إن وأنا واقف في يوم الصبح بدري جارتي حكت العربية بمراياتها (فيرنا) حكة جامدة ... روحت لبتاع الدوكو علشان أطلع الحكة (سابت أثر في الصاج والدهان) م وتوسيكل دخل في الباب الخلفي شمال ... رحت بعد الظهر للسمكري والعربية واقفه عندة جه موتوسيكل تاني وخبط الإكصدام الأمامي ... والحمد لله علي كل حال.
واليوم الصبح كنت راكن العربية قدام البيت ومغطيها وقافل المريات (مرايات عادية مش كهربة) ... وروحت أفتح المريا الشمال علشان أروح الشغل لقيتها مكسورة (القاعدة الألومنيوم الداخلية مكسورة) أما الشاسية والمرايا بزجاجها سليمة ... سألت في التوكيل لاقيتها ب 374 جنيه ... وبرة التوكيل (مش أصلي طبعا) لاقيتها ب 110 جنيه ... فما الحل هل يمكن إصلاح الأصلية ولا أشتري التقليد ولا الحل أيه ... بصراحة خايف أجيب الأصلية تتكسر تاني.

[abou-yahia]

اشتري التقليد

وفك منها وحط في الاصليه

واعتبر بقيتها قطع غيار

وشكرا

[drmagieed]

اشتري التقليد

وفك منها وحط في الاصليه

واعتبر بقيتها قطع غيار

وشكرا

وهو ده ممكن إللي لاحظته إن في في قاعدة المراية قطعة ألومنيوم أو معدن دي إتكسرت بس لسف زي ماهي في مكانها وفي كلبس في إللي بيربط وش المرايا الخارجي بالزجاج في باب السيارة مكسور ... فهل ينفع تتصلح ... وشكرا

[Dr_Essam]

انا كمان المراية اتخبطت من كام يوم و لقيت ان القاعدة الالمونيوم اللى جوه اتكسرت و لحمتها عند واحد اسمه عم سيد (الوحيد اللى شغال فى اللحامات دى) فى الكيت كات على الكورنيش جنب بنزينة تعاون صغيرة و اخد 20 جنيه .... لكن المشكلة انى كان لازم اطلعله القاعدة بعيد عن المرايا علشان يعرف يلحمها ... لكن بعد ماخلص و حطتها فى المراية لقيت مشكلة تانية و هى ان ال 3 اسلاك اللى بيتحكموا فى حركة كف المراية كان لازم يبقوا فى المجرى بتاعهم قبل ما يلحم ..!!
رحت لميكانيكى اعرفه ..فك المراية حتة حتة لحد لما وصل لطرف الاسلاك (من ناحية المرايا) و قدر يفكوهم و حطهم فى المجرى بتاعهم و قفل المرايا تانى و ركبهالى ..
طبعا كان فيلم هندى ...لكن الحمد لله ركبت كويس وان كان التحكم من الدراع اللى جوه مش زى الاول لكن بضغطة بسيطة على الكف بقدر اظبطها زى ما انا عايز ...
و الحمد لله على كل شىء

[drmagieed]

شاكر ليك هذه المعلومة وتلك النصيحة الغالية

[drmagieed]

الحمد لله تم إصلاح المرايا عند واحد إسمه محمود في شارع الضرايب بالمنصورة وبقت زي الفل والتحكم فيها زي ماهو لم يتأثر ... ومحمود ده متخصص في إصلاح المرايات بس ... وشكرا لكل من ساهم في هذا الموضوع.