تقييمى للاوبترا بعد استلامى بشهر ..و بعد الرينو

[hanyathlon]

الحمد للة بعد ما ستلمت الاوبترا .... و قبليها كان معايا رينو كليو 2003
و الرينو كانت سيارة اكتر من ممتازة ..من ناحية الثبات و راحة الموتور و العفشة ...
تقييمى للاوبترا بعد الرينو وبعد استخدامى بشهر ..

اولا : السيارة مريجة جدا من ناحية الجلوس و السواقة .. و سرعة استجابها ممتازة فى السرعات ... سرعة الفتيس على الاول ضعيفة نسبيا
اليسارة ممكن تكون غير مريحة على فواصل كوبرى 6 اكتوبر لما توكن سايق على سرعة 100 او 110 و خصوصوا و انت راجع على كوبرى متجة الى مدينة نصر
السيارة فى استنتاجى مريحة جدا و مغرية للجرى على الطرق الممهدة انما على الطرق المكسرة بتكون مش مريحة لانها ناشفة من العفشة .. بش النشوفية دى بديدك احساس بالقوة . متفهمش ازاى

ثانيا: حاجة غيظانى اوى ان ما فيش زرار للسنتر لوك مع زراير القزاز .. بطر اعمل ايدية عشان ارفع السقاطة

ثالثا: ما فيش لمبة فى الطابلو للنور الواطى .. فى لمبة بس للنور العالى .

رابعا: العزل ممتاز مقارنة بالرينو ف الاوبترا افضل بكثير من الكليو فى العزل عن الاصوات و الهواء الخارجى .
خامسا: العربية تقيلة فى التحكم وسهلة فى المناورة

سادسا: الثبات حلو لغايت 160 ... بتكون مرتاح لغايت 150 بعد كدة خد بالك و ركز شوية

سابعا: التشطيب ممتاز يعنى 80% و دى تعتبر حلوة بالنسبة للعربية فى السعر دة


فى حاجة بس مضيقانى شوية ان لما اجى اشغل التكييف و الف الطارة بحث بصوت بيعلى مع لف الدريكسيون و الصوت دة بيكون جاى من قدام من عند الموتور ...

هبقى اققلهم فى التوكيل عند صيانة ال 5000 ....

او ممكن اكون موسوس

[eng_mkhalaf]

تقييم ممتاز - مشكور

[osman hisham]

ألف مبروك وربنا يبارك لك فيها
العربيه فعلا جيده بس لازم تحافظ على مواعيد الصيانه بتعتها و متسيبش حاجه ملاحظها أو أى عيب يظهر لازم تقولهم عليه.
وفى رأى مركز الهرم أحسن مركز صيانه فى مصر ناس محترمه جدا و فاهمين العربيه و ما بيتأخروش عن تغيير أى حاجه تكون فى الضمان
هشام عثمان

[iBiZa]

اليسارة ممكن تكون غير مريحة على فواصل كوبرى 6 اكتوبر لما توكن سايق على سرعة 100 او 110 و خصوصوا و انت راجع على كوبرى متجة الى مدينة نصر
السيارة فى استنتاجى مريحة جدا و مغرية للجرى على الطرق الممهدة انما على الطرق المكسرة بتكون مش مريحة لانها ناشفة من العفشة .. بش النشوفية دى بديدك احساس بالقوة . متفهمش ازاى

هو الحتة دية مش مريحة لعربيات كتير اوى و المشكلة طبعا مش فى العربيات. العفشة بتبقى ناشفة علاشان تديك ثبات فى الملفات و السفر. و بعدين ما ينفعش تقارن الفرنساوى بأى حد تانى فى العفشة لانهم احسن ناس بتعمل عفشة و انا قابلت المشكلة دية لما غيرت من بيجو الى VW بس هاتتعود عليها.

ثالثا: ما فيش لمبة فى الطابلو للنور الواطى .. فى لمبة بس للنور العالى .

دية بردة مش هتلاقيها غير فى الفرنساوى بس.

فى حاجة بس مضيقانى شوية ان لما اجى اشغل التكييف و الف الطارة بحث بصوت بيعلى مع لف الدريكسيون و الصوت دة بيكون جاى من قدام من عند الموتور ...

دة صوت طرمبة الباور و دة علاشان الكمبريسور و طرمبة الباور محملين على الماتور. ممكن يكون زيت الباور ناقص حاجة بسيطة و ممكن هيا كدة, أسال حد تانى معاة و فيدنا.

[hanyathlon]

شكرا اوى على ردودكم .. بس ممكن تكون ترمبة الباور بايظة .

[iBiZa]

شوف حد معاة Optra و اعرف منة, لو معندوش الصوت دة, يبقى عليك و على التوكيل ماهو انت لسة فى الضمان.

[Hosam_Optrawy]

الف شكر على التقييم