استفسار .....متى يتم تغير زيت الفتيس؟

[sameh75]

السادة الاعضاء الكرام

ارجو من سيادتكم الافادة عن متى يتم تغير زيت الفتيس علما بان السيارة افيو مانيوال مو 2008 عاملة 47200 كم و لم بتم تزويدة او تغيرة من قبل و ما هو الفرق الذى سيحدث للسيارة بعد التغير .....هل الفرق فى سحب السيارة لانة مبقاش اد كدة....وشكرا لكم

[drmagieed]

متابع

[abou-yahia]

فيه قولين في موضوع تغيير زيت الفتيس المانيول

الاولاني بيقول انه مش بيتغير ده بيتزود كل فتره طويله

التاني برضك بيقول ان التغيير بيكون لما بيكون فيه عضه بين الغيارات فقط وده اللي انا ميال ليه

بلنسبه للسحب اعتقد انك تكشف الاول علي حاله الاسطوانه عشان حالتها بتفرق جدا في السحب بتاع العربيه

وشكرا

[Ahmed_selmy]

على حد علمى
زى ما قال استاذ ابويحيى ان الزيت بتاع المانيوال بيزيد بس مابيتغايرش وان لو فيه مشكله فى الفتيس او الاسطوانه بيكون فى عضه او رايش فى الزيت
للسحب حضرتك ممكن تشوف البوجيهات ممكن تكون عايزه تتغير
والله اعلم

[_hema]

السادة الاعضاء الكرام

ارجو من سيادتكم الافادة عن متى يتم تغير زيت الفتيس علما بان السيارة افيو مانيوال مو 2008 عاملة 47200 كم و لم بتم تزويدة او تغيرة من قبل و ما هو الفرق الذى سيحدث للسيارة بعد التغير .....هل الفرق فى سحب السيارة لانة مبقاش اد كدة....وشكرا لكم

العربيات الحديثه

توكيلاتها عامله جداول للصيانه وتغيير الزيوت
فمن الافضل مراجعه التوكيل فى هذا الشأن

كنا زمان مبنهتمش بتغيير زيت الفتيس الا فى حاله واحده بس الا وهى عندما يتم فك الفتيس وبالتى يتم تنزيل الزيت وهنا اجبار لابد من تغييره
غير كدا كنا بنزود زيت الفتيس حال الكشف عليه عندما يكون ناقصا وغالبا زيت الفتيس لاينقص الا اذا كان هناك تسريب

لك كل تحيه ود واحترام

[ahmedaglan]

انا اعرف انو بيتغير كل 30000 للاوتو وكل 55000 للمانيوال
وكان فية تقرير هنا لحسام باشا منسق القسم عن تغيرو لزيت الفتيس