ممكن تردو عليا لو سمحتو لمبه الزيت بترعش فى السلانسيه

[general_a1]

السلام عليكم جميعا
ممكن حد يساعدنى
انا معايا اوبترا 2006 عامله 112000 اوتوماتيك
من فتره ظهرت لمبه الزيت وبترعش خفيف لمبه العربيه بتمشى على السلانسيه اوى او لما ازودلها تروح وبتنور لما العربيه بتسخن او تكون فى مشوار ساعه مثلا مشى وممكن متنورش
انا عربيتى اوتوماتيك لما بتكون على الان ممكن تنور وممكن متنورش وممكن تنور على ال ال ار او ال بى
يعنى مش ثابته
وديتها للكهربئى لعب فى السلوك وراحت ورجعت تانى
وديتها لميكانيكى عمله لعب فى السلوك بردو واختفت لمده 10 ايام ورجعت تانى
مع العم انى غيرت زيت وفلتر مرتين
انا بحت زيت موبيل 3000
بس تقريبا هى مش مشكله زيت ولا فلتر
وتقريبا مش شمكله طرمبه زيت لان العربيه مظبوطه ومشس بسمع اى صوت غريب فى المكنه
ممكن لو سمحت حد يدلنى اعمل ايه

[elpasha1]

ممكن ساعة زيت

[general_a1]

طيب هى مكانها فين او السلك بتاعها فين عشان احاول اصلحها بدل الميكانيكى ميعملى فلم
واشكرك على ردك السريع

[MMamdouh]

ساعة الزيت مبتتصلحش... دى زى طبة طالع منها terminal بيتوصل فيها سلك... تتغير فى 3 ثوانى الا ربع

لو تغييرها محلش المشكلة ممكن يكون الزيت اللى بتستعملة اخف من اللازم او فقد لزوجتة... او طلمبة الزيت حالتها مش تمام... او سبايك الكرنك فيها خلوص زيادة

خللينا الاول نبداء بالاسهل و الارخص و نغير ساعة الزيت

MMamdouh

[نينو]

ساعة زيت

[general_a1]

متشكر جدا جدا لاهتمامك والرد عليا
انا بستعمل زيت موبيل xhp
ولما حصلت معايا المشكله دى غيرت زيت على طوول وظهرت معايا تانى يوم غيرت زيتت تانى

[MMamdouh]

غير الساعة

MMamdouh

[general_a1]

متشكر جدا بشمهندس ممدوح هغيرها ان شاء الله
محدش يعرف تمنها كام وفيها انواع ولا كلو زى بعديه وبيكون مكانها فين فى المكنه

[MMamdouh]

اعتقد مفيش غير الاصلى و مش هتبقى غالية... 30 جنية مثلا ولا حاجة

هى بتبقى راكبة فى جنب طلمبة الزيت... قريب من حساس الكرنك كدة

MMamdouh

[drmagieed]

ممكن ساعة الزيت بس في واحد زميلي عنده bmw وكان بيحط موبيل 5000 وكانت لمبة الزيت بتنور لما العربية تسخن أو بعد مشوار سخن ... ولما نصحته بموبيل 10000 إختفت المشكلة

[general_a1]

متشكر جدا لردودكم واهتمامكم
انا وديتها الى الميكانيكى قالى ان ساعه الزيت عندك مظبوطه
وقالفى ان طرمبه الزيت هى الى عايزه تتغير عشان ضعيف مش بتقدر تزود الماتور بالزيت لما بيكون الماتور على السلانسيه ودى ممكن تعملك مشكله كبيره لو سبتها لما المكنه تسخن وممكن تجيب معاك وش سلندر لو مشيت عليها فتره طويله وانا قولتو يعنى لو غيرتها خلاص هتتصلح المشكله قالى اه عن تجربه متخفش وهغيرها يوم السبت وهرد عليكو
كمان قالى ان لمبه الزيت بترعش عندك لما العربيه بتسخن قالى ان الى بيسخن طلمبه الزيت مش العربيه ولما بتخن مش بتقدر تزود كل الاماكن فى الماتور بالزيت هو ده السبب ولما بتبرد الطرمبه بتشتغل عادى هو ده سبب المبه
قالى المكنه كمان هتسخن معاك اوى لانها بتشتغل على الحم من غير زيت قالى هتحسها هتلاقى المكنه بتاعتك بتسخن اوى وفعلا ده الى بيحصل معايا
وربنا يستر
المهم هو قالى ان الاصليه بتاعتها من التوكيل ب 380 هجبهالك واركبها
لو حد معاه صوره ليه او اعرف ازاى انها الاصليه يرد عليا

[general_a1]

روحت للميكانيكى عشان اغير الطرمبه قالى سيب العربيه انا هشتغلك فيها من الاول للاخر عشان اعرف السبب
قالى انها ممكن متكنش طرمبه
الاول قالى انا همشى ورا ضقيره السلوكعشان اشوف سلك ساعه الزست قالى انه كان سايح على سلك تانى وغيرو وغير كمان ساعه الزيت
وكشف اعطال كمبيوتر لقاه ان الطرمبه فيها ضعف وغير فيها طبه او قطعه وقالى ان الضعف اخطفى من الشاشه بعديها
وقالى ان بسبب الماس الى كان موجود فى سلك ساه الزيتبوظ حساسا انا بصراحه مش عارف اسمه هو سى ار بى حاجه زى كده قالى انه بتاع ال ار بى وعدد لفات الموتور وغيرو
كمان قالى ان الكرنك عندك باض او حساس الكرنك حاجه زى كده
بس اعزرونى انا مش فاهم اوى ميكانيكا
بس هو قالى انه بيبوظ بسبب ان ساعه الزيت والحساسا ده كان بيرشح منه زيت ووصل لحد الكرنك وبوظه وهو ورالى ان العربيه من تحت غرقانه زيت وانا مكنتش اعرف المهم غيرهم كلهم كمان قالى ان العربيه كانت بتنتش منى على السلانسيه وضعيفه بسبب كده
والحمد لله غيرهم كلهم والعربيه قعدت معاه يوم يجرب فيها
والحمد لله المشكله اختفت
كمان العربيه مبقتش تسجن العربيه كانت بتولع او مشغلها دلوقتى الحراره بتاعتها ظبطت اوى
كمان سحب المكنه با خرافه بعد تركيب الكرنك قالى انه خاص بالموتور وعدد لفات ال ار بى وحاجات كتير جوه المكنه
بس قالى ان المبه نورت معاه مره خطفت ثانيه وراحت على طوول قالى ركبت الكمبيوتر يشوف العطل ده قالى ملقتش حاجه قالى ومظهرتش تانى
فقالى عشان نكمل الشغل غير فلتر ولو قدرت تزود زيت عشان نكمل شغلنا ونعرف ان المشكله اتحلت واختفت قولتو فلتر الزيت هو الى بستعمله كل مره كمان الفلفتر لسه متغر مكملش 2000 كيلو
وقولتو هغيرو
واخدت العربيه فحتها جرى وسلانسيه منورتش معايا خالص الحمد لله
بس وانا بركن العربيه وبعد مركنت خلاص مع ان المبه قبل الصيانه كانت بتكون ثابته وانا بركنها سواء ورا او قدام
بعد مركنت خلاص جبت على ال بى برفه الاازا بتاعى هو كهربا رعشت مره واحده وخلاص
كمان جربتها تانى مجتش
جربتها تالت جت
مش عارف دى ممكن تكون ايه ولا اغير فلتر الاول وزيت وبعد كده احكم
هو قالى غير الى شل سيبك من موبيل
انتو ممكن تكونو شايفين ايه واسف على الاطاله ومعلش انا على قدى او ميكانيكا

[omd]

أستاذى المشكلة خاصه بالضفيره المتصله بساعة الزيت وعلاجها بسيط أطلع على مقار الدقى وهايصلحولك العيب هناك