طقطقه فى العربيه بعد الفرامل على السرعات الهاديه

[general_a1]

عندى اوبترا 2006
العربيه انا وديتها لاكتر من واحد بيقولى العفشه عندى كويسه بس مكشفش عليها من تحت
عندى مشكله ان العربيه كل فتره او بعد ضغط الفرامل وانا ماشى على سرعه هاديه اوى بيكون فى خبطه جامده من تحت العربيه من ورا
ولما بكون ماشى بسرعه مش بسمعها خالص
ممكن تكون ايه
كمان بعد مركن بالعربيه بسمع صوت تقطقه فى العجل الى من ورا
بيكون تدريجى من سريع الى بطى بعد كده اسمع الطقه الجامده
احيانا الطقه دى بتخلى الانزار يضر
ممكن تكون ايه

[abou-yahia]

لا بد من الكشف الكامل

يعني مينفعش عفشجي يكشف علي العفشه من غير ما يرفع العربيه

عشان الاحتمالات كتير

وشكرا

[ahmedaglan]

ممكن يكون في حاجة مش متربطة كويس بس متقلقش ان شاء الله خير
بس عليك وعلي التوكيل
وانصحك تروح فرع التجمع وهتلاقي فنى هناك اسمة مصطفي وخلية يكشفلك عليها كويس وان شاء الله تبقي حاجة بسيطة
وربنا يسترها عليك ومعاك ومعانا

[HeMa_LanCeR]

طيب ممكن حضرتك تهوي غطا تنك البنزين شوية وتقولي ايه الأخبار :)

[foxawy]

بص الحوار ده حصل معايا لمده شهر اتجنينت بصراحه من النادر ان حد يعرف بص يا معلم ده بيحصل معاك اما العربيه تمشى مشوار وعلى السرعات القليله اقل من 40 المشكله كلها من المسمار بتاع الكليبر بتاع الفرامل الطويل اللى حضرتك بتشحمه المسمار زى متقول كده خس شويه عشان كده بيلوق وبيخبط فى الحديد بتاع الفرامل نفسه تحله ازى بائه تجيب واحد جديد او لو مكسل تدور عليه او مش لقيه تلف على المسمار كله بال العزل الابيض اللى عند السبكين اللى هو بدل الشاش يعنى من الاخر زى التخشينه وتلف المسمار من اوله لاخره بس متلفش كتير عشان المسمار يعرف يدخل ومتختش شحم كتير عليه عشان ميزحلقش التخشينه واعمله فى المسمارين وانشا الله مش هتلقى صوت وتكرر العمليه ده كل اما يتفك تعملها من جديد مستنى ردك بالتوفيق

[general_a1]

متشكر جدا جدا على ردودكم وانشاء الله هعمل الى حضراتكو بتقولو وهرد عليك
واشكركم للمره التانيه

[hafeztamer]

عملت ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[omd]

بخصوص عيب الطقطقه فى الأوبترا ده بيكون صادر عن خزان الكنستر الموجود بالسياره من الخلف أسفل فردة الشاسيه يمين وممكن يعمل الصوت ده سواء كانت السياره واقفه أو متحركه وممكن بعد أطفاء الموتور ووظيفة الكانستر ده هى تخزين بخار البنزين الموجود أعلى سطح البنزين الموجود داخل التانك وضخه عند حاجة الموتور له لأنه يعطى كفاءة أشعال عاليه وذلك مثلا مع بداية الدواره والمحرك بارد أو عند التسارع أو الكبس المفاجىء لأخذ قوة دفع عاليه واذا كان صوته مزعج لك يمكن الغائه أو تغييره