شاشة الكاست معلهاش ولا حرف اوبترا 2008

[frzatsh0011]

المشكلة باختصار ان الكاست شغال عادى بس بختار المحطات بالصدفة الشاشة مطفية ومش شايف عليها اى ارقام على العلم ان كل الانوار تمام

وكمان هتقل عليكما فى رعشة غريبة فى دواسة البنزين على السرعات البطيئة ارجوا الافادة وبراحة محدش يخدنى لو فيها فلوس كتيرة على فكرة العربية اتوماتيك

[abou-yahia]

براحه اهه


بص ياسيدي

الرعشه ديه معناها ان البوابه بتاعت ساعتك عايزه تتنظف ده بلمختصر ومن الاخر
حتسألني اذاي
حقولك برضك

ü البوابات :
نظافه البوابه مهمه جدا لانها بتأثر كتير علي سحب العربيه وايضا معدلات استهلاك البنزين .

طريقه تنظيف البوابه بسيطه جدا
تبطل العربيه وتفك الوصله بين علبه فلتر الهواء والبوابه
بمنديل كلينكس نظيف تنظف ماقبل البوابه وبعدين تحاول تفتح البوابه يدوي وبرضك تنظفها بلمنديل .
تدور العربيه وتكون مجهز منظف الكاربيراتير ABRO وترش جوه البوابه وتحاول تنظف نواتج التنظيف بلمنديل .

بكده انت مش محتاج انك تعمل ايديل ليرن عشان اغلب نواتج التنظيف منزلتش علي الحساس .

نيجي بقه لمشكله الكاسيت

روح لحد وليكن كلاريون وهوه يكشف عليه بس

وشكرا

[drmagieed]

يا باشا كانت عندي المشكلة دي في كاسيت أفيو وروحت لواحد في المنصورة فكه وغير شوية أيسهات ومقاومات ورجعت زي الفل تاني بس خد 100 جنيه

[frzatsh0011]

متشكر جدا على الافادة وان شاء الله لو عندى اى مشكلة هترحها عليكوا عشان لسة شارى العربية مستعملة