فوج لايت للافيو

[mohamedaghali]

ممكن لو حد ركب فوج لايت للافيو يقولى منين وبكام وايه نظام التركيب وياريت لو فى صور

[eng_sherif_00]

ممكن تجيبهم من شارع دمشق او التوفيقية او عند حد بتاع كماليات كويس والعر على حسب النوع والخامة يتراوح بين 200 الى 350 ولو تقدر تجيبهم استيراد من الحرفيين يبقى احسن

[shadymohsen]

السلام عليكم ....انا كنت جربت اجيبهم عندي في الافيو هاتشباك وكان سعرهم بره التوكيل للطقم 110 جنيه بالمبه بتاعتهم ....بس لما جيت اركبهم الكهربائي لقي قواعد الفوج مش زي اللي موجوده في الاكصدام وقالي لازم اروح لحد بتاع فيبر يعملي قواعد في الاكصدام يركب عليها الفانوس بالاضافه انك محتاج زرار للكشافات وكتاوت عشان تشغلهم منهم مع اني كنت بفكر اخليهم يشتغلوا علي طول مع نور التابلوة بس قالي الفوانيس ممكن تسيح فقمت واخدهم منه ورايح للراجل اللي اشتريتهم منه ورجعتهم عشان العقد دي كلها

[أشرف العدوي]

في ماركة أسمها dalaa صيني طبعاً بس شكلها نظيف
شوفتها في التوفيقية جملتها 235 و بتتباع برة بحوالي من 275 إلى 305
الطقم بيجي كامل بالضفيرة بالفيش بالكتاوت بالفجاوي الفيبر
و زرار كمان بيركب مكان الطبة المدورة ( زي زرار الأنتظار ) و شكله شيك
انت ممكن تشوف حد و تروح تشتري انت و هو لو عدد 2 هتاخد بسعر الجملة من المحل ده هو في الشارع الرئيسي بتاع التوفيقية في عمارة كدة في الدور التاني بس مش فاكر اسمه ايه بصراحة

[mse920]

أنا مركبهم عندي فى الأفيو
إشتريتهم من محل قطع غيار عادي وبعدين رشتهم لون العربية وركبو عند الكهربائي سهل جدا
بس المشكلة فى تركيب الزرار علشان مكانه رخم جدا فى التابلوه
وهانزل صور قريب ان شاء الله

[mohamedaghali]

شكرا يا رجالة