التوكيل بهدلنى !!

[MeDoxp]

معايا اوبترا 2007 .. كانت واخدة مطب حلو فى القنطرة نحية المقص اليمين .. المهم وديتها عند الميكانيكى بتاعى عدلها بس مسخنش عليها و مشيت من عنده و العربية زى الفل مش سامع اى صوت طقطقة .. و بعدها بشهر رجع الصوت تانى !! فرحت للتوكيل و رفعناها بص على القنطرة ( معجبهوش شكلها d: ) قالى دى عايزة تغيير قنطرة و المقصات يعنى مربع الشاسيه اللى ادام كله !! مع ان المقصات سليمة !! و الكلام ده هيدخل فى شيكات .. :d ..

فمش عارف اعمل ايه ؟؟ هل فعلا صوت الطقطقة ده سببه القنطرة و الميكانيكى مظبطهاش مع انى بثق فيه جدا و فعلا كده محتاجة تغيير قنطرة او ممكن اروح اعدلها تانى عند حد غيره ؟؟
ولا ممكن يكون الصوت جى من حتة تانية ؟؟

علما بان الصوت بسمعه مع اول دوسة بنزين على الاولانى ..

يا ريت تساعدونى يا جماعة عشان انا مش عايز اعوك فالعربية ؟؟!!

[HeMa_LanCeR]

طيب ماتروح لعفشجي احسن :)

[MeDoxp]

يعنى حضرتك شايف ان العفشجى هوه اللى هيقول تتعدل او تتغير ؟؟؟

[elpasha1]

عفشجى واطلع منه على بتاع زوايا يكون عنده زرجينة
وان شاء الله تتظبط

[hafeztamer]

اوعى توكيل حرامى علشان يطلعك من الضمان

[abou-yahia]

العفشجي اللي حيجبلك من الاخر

واعتقد الموضوع مش حيخرج عن بارات دركسيون خارجيه

اعتقد هيه اللي ممكن تعملك الصوت ده

[tarekiooo]

انا شايف ان التوكيل احسن شىء وبتاخد القطع التى تم استبداها منهم

[hafeztamer]

انا شايف ان التوكيل احسن شىء وبتاخد القطع التى تم استبداها منهم

التوكيل سىء اى عوجة بسيطة فى المفص او القنطرة يقول تغير الكل عارف تغير قنطىرة شغلانة ولحام

[MeDoxp]

يااااااا جماعة ننسى موضوع القنطرة اليمين ده .. انا شكلى كنت سامع غلط .. أنا نمت جمب العربية اسبوع و لاقيت الصوت جى من عند الشمال تحت رجلى كده و ده لانه زاد شوية عن الاول فعرفت احدد مكانه .. الصوت عبارة عن طقطقة ( حاجة بتتمزق ) لما بطلع براحة اوى على الاولانى و لما بدوس فرامل براحة و انا بهدى بالعربية

رحت امبارح عند عفشجى و ربطلى البطاحات و المقصات و قالى العفشة تمام و كان لسه الصوت موجود و اخر مذهأ قالى الصوت جى من الصاج مع ان العربية مش مخبوطة ... انا حاسس انه هرب من المشكلة .... ولا
ممكن يكون كلامه صح ؟؟؟؟؟؟؟؟؟؟؟؟؟؟؟؟؟

غير كده لما جيت اركن كنت بسمع الطقطقة دى عالية .. فياريت حد يقولى ده كوبلن شمال ولا دى عفشة بس عايزة حد فاهم و لا ايه ده اصلا ؟؟

[abou-yahia]

غير المساعد

[MeDoxp]

بس لو هوه مساعد .. يعمل الصوت ده ؟؟
هوه الصوت زى مقولت لحضرتك صوت حاجة بتتمزززق
فى ناس قالولى البلى بتاع العجلة الشمال فارط ؟ ؟؟ ؟

[abou-yahia]

بص

انت بتقول صوت خبط

ذي كده تاك تاك تاك

صح

المساعد الاغلب غاز

عشان كده العفشجي شكله مش شاطر عشان يعرف انه بايظ

لانهم بيعتبروا ان علامه بوظانه انه يضرب زيت

رااي روحله وخليه يحله ويجربه بره

وان شاء الله يطلع هوه

بس ساعتها انصحك تغير الجوز

واتمني اكون ساعتك

[Habd]

مش عايز ازود حيرتك بس ممكن تتأكد ان الصوت مش من الفتيس لأن صوت حاجة بتتمزق ممكن يكون منها وشوف اذا الصوت بيروح لما تدوس دبرياج و لا لا

[hpxp]

التوكيل لبسني قبل كده تلبيسه محترمه بعد صيانه ال60 الف خرجت من التوكيل الساعه 3.30 بليل 12.30 والدي بيكلمي وبيقولي ياحمد الدركسيون تقيل والعداد كله منور زي ماتكون العربيه مطفيه عقبال مارحتله لقيت السير مقطوع