يبقى لوجان او مستعمل-كسر زيرو وده اختياراته كتير (كورولا-النترا-صني-الخ)
X
-
يا راجل ده شكلها هوة إللي فيهاالمشاركة الأصلية كتبت بواسطة startrace مشاهدة المشاركةبلاش افيو شكلها قدم شوية و سعرها عالى عليها و كمان اختبار التصادم بتاعها رايح فى داهية
لو تقدر تزود الفلوس شوية يبقى الصنى احسن بكتييييييييير[COLOR="Blue"]اللهم إحفظ مصر آمنه مطمئنه سخاء رخاء وسائر بلاد المسلمين ... اللهم امين[/COLOR]
Comment
-
بص ياباشا انا معايا افيو اوتوماتيك هقلك على كل حاجه بالتفصيل :
المميزات :
1- عربيه صيانتها مش مكلفه
2- استهلاكها للبنزين كويس جدا لانها 1500 مش 1600
3- تكييفها معقول
4- نقلات الفتيس بتعيتها سلسله مفيهاش اى نتشه الحمد لله لحد دلوقتى
5- موضوع ال ار بى ام محصلش معايا الحمد لله
6- عاليه عن الأرض وديه حاجه مهمه اوى عشان المطبات الى فى مصر الحبيبه
العيوب :
1- بعد ال 7500 كيلو فقط تم تغيير تيل فرامل وطنابير على الضمان لان الدركسيون كان بيرعش مع الفرامل .
2- الفرامل بتاعتها ضعيفه مش عارف من الكاوتش ولا من ايه بس ضعيفه
3- ثباتها بعد 120 فى الضياع
4- تكييفها معقول مش قوى الفيرنا واى عربيه ركبتها تكييفها احسا منها الصراحه مش عارف ده عندى بس ولا عند الكل .
5- العربيه بتزييق تزييق السنين ولاما لافيت التوكيلات كلها طلعه الكتبه هيه اللى بتزيق وقولى عيب صناعه روح لسروجى يظبطها او فرع الهرم اانا الصراحه كبرت دماغى ومرحتش فى حته وتعايشت مع الاصوات ديه .
6- العربيه مفيهاش مفتاح بريموت رغم انها كامله وب 88000 الف جنيه حاجه تفقع يعنى .
7- الصاج بتاعها انا شايقه خفيف جدا واحد وانا راكن كده سند على الرفرف خلاها دخل فى حته وطلع فى حته وخلى الباب يفتح وهو مش مرتاح بيحك سنه فى الرفرف .
8- العربيه مش ناعمه عايز اقلك الفيرنا والدايو انعم منها بمراحل .
9- العربيه سحبها معقول لكن لو مركب 4 ومشغل التكييف بطه بلدى جدا جدا .
كفايه عليك كده بقى :)))
لو عايز نصيحه لوجه الله
لو عايز عربيه اوتوماتيك وزيها كده يبقى هات اللوجان الاوتوماتيك وارخص منها كمان شويه عيبها قطع غيارها وانت أسأل حد معاه لوجان
لو هتزود سنه شويه فى الفلوس وتجيب صنى اوتوماتيك الجديده ديه يبقى اشطا جدا جدا
لو مش عايز صنى وهتزود سنه كمان هات هيونداى اكسنت ار بى
ديه الاختيارت اللى قدامك
انا لو مكانك بقى هجيب اللوجان لسبب واحد بس مهم جدا فى مصر انها عاليه زى الافيو فمش كل شويه افضل اطبب على المطب عشان ميحكس فيه
وربنا معاك ياباشا[CENTER]Eng : Hesham Ahmed[/CENTER]
Comment
-
كلام موزووون جداالمشاركة الأصلية كتبت بواسطة heshhesh مشاهدة المشاركةبص ياباشا انا معايا افيو اوتوماتيك هقلك على كل حاجه بالتفصيل :
المميزات :
1- عربيه صيانتها مش مكلفه
2- استهلاكها للبنزين كويس جدا لانها 1500 مش 1600
3- تكييفها معقول
4- نقلات الفتيس بتعيتها سلسله مفيهاش اى نتشه الحمد لله لحد دلوقتى
5- موضوع ال ار بى ام محصلش معايا الحمد لله
6- عاليه عن الأرض وديه حاجه مهمه اوى عشان المطبات الى فى مصر الحبيبه
العيوب :
1- بعد ال 7500 كيلو فقط تم تغيير تيل فرامل وطنابير على الضمان لان الدركسيون كان بيرعش مع الفرامل .
2- الفرامل بتاعتها ضعيفه مش عارف من الكاوتش ولا من ايه بس ضعيفه
3- ثباتها بعد 120 فى الضياع
4- تكييفها معقول مش قوى الفيرنا واى عربيه ركبتها تكييفها احسا منها الصراحه مش عارف ده عندى بس ولا عند الكل .
5- العربيه بتزييق تزييق السنين ولاما لافيت التوكيلات كلها طلعه الكتبه هيه اللى بتزيق وقولى عيب صناعه روح لسروجى يظبطها او فرع الهرم اانا الصراحه كبرت دماغى ومرحتش فى حته وتعايشت مع الاصوات ديه .
6- العربيه مفيهاش مفتاح بريموت رغم انها كامله وب 88000 الف جنيه حاجه تفقع يعنى .
7- الصاج بتاعها انا شايقه خفيف جدا واحد وانا راكن كده سند على الرفرف خلاها دخل فى حته وطلع فى حته وخلى الباب يفتح وهو مش مرتاح بيحك سنه فى الرفرف .
8- العربيه مش ناعمه عايز اقلك الفيرنا والدايو انعم منها بمراحل .
9- العربيه سحبها معقول لكن لو مركب 4 ومشغل التكييف بطه بلدى جدا جدا .
كفايه عليك كده بقى :)))
لو عايز نصيحه لوجه الله
لو عايز عربيه اوتوماتيك وزيها كده يبقى هات اللوجان الاوتوماتيك وارخص منها كمان شويه عيبها قطع غيارها وانت أسأل حد معاه لوجان
لو هتزود سنه شويه فى الفلوس وتجيب صنى اوتوماتيك الجديده ديه يبقى اشطا جدا جدا
لو مش عايز صنى وهتزود سنه كمان هات هيونداى اكسنت ار بى
ديه الاختيارت اللى قدامك
انا لو مكانك بقى هجيب اللوجان لسبب واحد بس مهم جدا فى مصر انها عاليه زى الافيو فمش كل شويه افضل اطبب على المطب عشان ميحكس فيه
وربنا معاك ياباشاواخرتها ايه معاكي يا بلد!!!!!!!!!
Comment
-
شكرا على الكلام الجامدالمشاركة الأصلية كتبت بواسطة walidzakzok مشاهدة المشاركةكلام موزووون جدا
Comment
-
انا ولدتى معاها افيو 2009 وعملا بيها 27000 كم
هو التكييف بتعها تعبان مله, وفيه فعلا اصوات تزييق عند المطبات , السمعات بتعتها تعبانه يعنى لو عليت الصوت شويه ويكون فيه البييت عالى السماعه بتطلع اصوات غريبه زى متكون بتزمر وفعلا موضوع حكة الباب فى الرفرف بردوا موجوده ومش عارف سببها ايه
هى فعلا بنزينها مش كتير, انا حاسس ان ثابتها حلو بس لو معاك عدد فى العربيه, وسعها معقول, مسع الشنطه بتعتها يعنى مقبول, بحس ان استجابها حلوا يمكن علشان مانيوال
يعنى بالنسبه لسعرها مقبوله شويه بس لو عندك امكانيه انك تجيب الصنى الجديده يبقى كده انت عملت الصح
وربنا يوفقك ومتنساش الاستخاره
Comment
-
بس ياباشا انا انصحك لا تجيبها لسبب انا شايفة من وجهة نظري انه اخر انتاج ليها هو 2012 ولن ينزل ليها اي موديلات بعد ذلك بمعنى انه انتاجها وقف واللي نزل مكانها هو السونيك وكنت متوقع انه ال سونيك تكون بحاجة وتمانين الف او حاجة وتسعين ولكن سعرها ب 117000 ودي غالية اوي فانا انصحك تزود شوية تجيب accent RB او نيسان صني 2013 ودولت ب 96000 وربنا يوفقك
Comment
-
انا معايا افيو 2007 خد نصيحة مني
اوعااااااااااااااااااااااااااااااااااااااااااااااا تشتري افيو
طول ما هي سليمة هتكون مرتاح
ومع اول مشكلة هتكره عيشتك وتكره العربيات وتتمني تشوف منصور علشان تضربه بالجزمة القديمة
ديه نصيحة مجرب وراكب انواع عربيات كتييييير من 20 سنة اسوأ عربية ركبتها واشتريتها كانت الافيو ومحدش يقولي العربية نفسها وحشة اللي معايا علشان انا بتكلم عن قطع الغيار والصيانة والتوكيل والمتانة اللي هي صفر والخامات بتاعتها اللي لو قلنا انها من بير السلم نبقي ظلمنا بير السلم
Comment
-
طب والنبي لو تعرف تبعلي عربيتي هدعيلك باقي عمري وهطلع حاجة لله كمان من فلوسها للغلابة والمساكينالمشاركة الأصلية كتبت بواسطة m_marwan مشاهدة المشاركةحتندم أوى لو جبت المخروبه دى :i_angr1[1]:
أنا أشتريتها زبرو وبعتها بعد 7 شهور عشان ال rpm والسحب الضايع مع التكييف !!!
حسبي الله ونعم الوكيل في منصور شيفرولية
Comment

![I Angr1[1]](https://www.nilemotors.net/Nile/core/images/smilies/I_angr1[1].gif)
Comment