العربيه بتتشلفط

[midohector]

السلام عليكم
يا جماعة عربيتي الاوبترا هتبقي شبه التاكسي من اللي بيحصل فيها
بتتخدش من كل حته و مش انا السبب
مره الاقي حد في الجراج عامل فيها كده و مرخ واحد بعجلة وقع عليها حك البوهية
و مره سايس الجراج حكها ف عربيه تانيه قدامي
الفكرة اني عايز اظبطها و ارجعها بنت ناس و مش عايز ارشها طبعا
فلو كان فيه علاج للخدوش دي كلها يا ريت حد يساعدني و لو مطلوب صور قولولي و انا اجيبهالكو
مع الشكر

[MohammedAladel]

عندى نفس المشكلة :) جبت القلم السحرى دا ولكنه معجبنيش بصراحة ممكن أقول إنه جيد فى الخدوش البسيطة وغير العميقة إنما الخدوش العميقة مش بيملاها ولكنه بيديها لون العربية ولكن التراب بيملاها تانى ويبان إنه خدش لكن أرحم من منظر الفيلر اللى تحت البوية ياريت لو حد عارف حل يقول خصوصا إن الرفرف اليمين عندى محكوك حكة حلوة

[ahmedkhairy]

ربنا معاك

[drmagieed]

متابع ومتضامن

[midohector]

جميل بس لسه محدش اداني رد برضه العربيه مضيقاني جدا عموما انا هبعت الصور بتاعة العربيه

[abou-yahia]

بص في مراكز كتير شغاله في الموضوع ده

ذي مثلا مركز اوتو سبا وده ليه عرض مع المنتدي

بيعمل ازاله للخدوش

لاكن لازم يعاين العربيه الصور مش بتوضح حجم الشغل اللي فيها

من تعامل سابق مع المركز السابق ذكره

هما ناس محترمه جدا جدا جدا

وعندهم ضمير واسعارهم نسبيا معقوله

انصحك تعملهم زياره

وشكرا