بالنسبة للفتيس الاوتوماتيك

[khaloooda]

بالنسبة للفتيس الاوتوماتيك
اللي اعرفه ان استخدام دواسة الفرامل بيكون فقط لتحريك الفتيس من وضع p
الي وضع n
. . . .
اصلي قريب كنت في مركز صيانة بعمل شوية شغل في العربية
المهندس اللي هناك وهو راجل كان شغال في شيفروليه قالي ان الافضل للفتيس استخدام دواسة الفرامل عند التغيير بين اي غيار سواء p او n او r او d او حتي وضع 1 ، 2
باختصار استخدم دواسة الفرامل كانها ديبرياج عربية مانيوال
ادوس عليها بين كل غيار والتاني

يا تري الكلام ده صح ؟؟

[truss]

اه كلام صحيح عشان العربية ما تتحركش منك فجأة و انت بتنقل بين الغيارات, الكلام دة و انت واقف.

لكن لو بتنقل من d الى 3 او 2 او العكس مش لازم تدوس فرامل لأنك وقتها بتبقى ماشى بالعربية.

[khaloooda]

هو يا باشا بيتكلم علي ان ده افضل ميكانيكيا للعربية
مش فكرة ان العربية متتحركش

هو ده اللي بسأل عليه

[HeMa_LanCeR]

وانت واقف يستحسن طبعا
لكن وانت ماشي لأ طبعا
هو نظرياَ افضل للعربية لأنك لو لاحظت العربية لما تغير علي ال d هتحس انها بتنط بسيط
لكن لو دوست فرامل وجبت ال d وجيت تمشي هتلاقي العربية سلسة معاك

[ecybrarian]

المفروض إن عصاية الفتيس الاتوماتيك ماتتحركش من على p او n من غير ماتدوس فرامل..ايه النظام في الاوبترا؟

[HeMa_LanCeR]

المفروض إن عصاية الفتيس الاتوماتيك ماتتحركش من على p او n من غير ماتدوس فرامل..ايه النظام في الاوبترا؟

اولا : واحشني يا دكتور والله
ثانيا : فتيس الأوبترا زجزاج يعني العصاية مش بتمشي قدام و ورا في مجره مستقيمة
لو انت علي ال p وعايز تجيب اي غيار يبقي لازم فرامل
لكن غير كده مش لازم فرامل
ولو انت علي ال n وعايز ال r يبقي لازم تدوس علي العصاية لتحت

[Usama Nagi]

اولا : واحشني يا دكتور والله
ثانيا : فتيس الأوبترا زجزاج يعني العصاية مش بتمشي قدام و ورا في مجره مستقيمة
لو انت علي ال p وعايز تجيب اي غيار يبقي لازم فرامل
لكن غير كده مش لازم فرامل
ولو انت علي ال n وعايز ال r يبقي لازم تدوس علي العصاية لتحت

هو المفروض فيه سوسته بسس انا بنقل عادي من n ل R او D
العربية مش هتنقل من ال p لأي حاجة الا لو كانت دايرة "واصل للفتيس كهربا" و تكون دايس فرامل

اي وضع تاني مش لازم تدوس فرامل

[Usama Nagi]

وانت واقف يستحسن طبعا
لكن وانت ماشي لأ طبعا
هو نظرياَ افضل للعربية لأنك لو لاحظت العربية لما تغير علي ال d هتحس انها بتنط بسيط
لكن لو دوست فرامل وجبت ال d وجيت تمشي هتلاقي العربية سلسة معاك

فعلا دا احسن حاجة انك تنقل بين ال R, N , D و تدوس فرامل ل 3 اسباب:

1- بتخف الحمل من الفيتيس انه ينقل للتروس و يتحرك في نفس الوقت "بتحصل نطة بسيطة" و ده حمل علي الترس مفاجئ

2- لو نقلت غلط يعني جبت R مكان D او العكس تلحق نفسك قبل ما تتهور و تعمل حاجة بالعربية

3- في حالة من D ل R او العكس لازم العربية تكون وقفت قبل ما تمشي عكس الأتجاه فلو نقلت من غير ما تدوس فرامل و تقف ممكن تبوظ التروس

[ecybrarian]

حبيبي يا هيما