خرطوم التكييف 8 مللى اوبترا سرب الفريون للمرة الثانية!

[houbaz]

يا شباب خرطوم التكييف اللى بيبقى تحت، ناحية المانيفولد (فرن الشكمان) سرب الفريون الصيف اللى فات، غيرته بخرطوم كورى من عند محمد سعيد (ورشة تكييف فى المعادى) ب 180 جنيه. الصيف ده برضه الخرطوم باظ وسرب الفريون بس مش كله، رحت لمحمد سعيد تانى قالى الخرطوم قلتله ايه حكايته قال هو بيبوظ عشان قريب من الفرن و السخونة بتأثر عليه وملوش حل.. مرضتش اغيره قبل ما اسأل على حل عندكم؟ مش معقوله كل صيف هغير خرطوم ب 180 و اشحن ب120، تكييف العربية دى زهقنى عشان بيبوظ كتير بس لما يتظبط بيبقى تلاجة...

فى حد حصل معاه العيب ده؟ ولا عشان عربيتى موديل يعتبر قديم (2006)؟

[hossam_elwani]

غيره تانى ولف عليه صوف حرارى عازل من بتاع تلاجات واربطه بكلابسات ربط من الى بربع جنيه وخلصت على كده ولا اى حراره حتأثر فيه ........ تحياتى

[samoreception]

لو بيوبظ من السخونة حاول تعمله عزل حرارى عند اى حد بتاع تكيف يكون عنده ضمير وربنا يعوض عليك

[subzero_freez]

اسال على الخرطوم فى التوكيل نفسه و ريح دماغك

[abou-yahia]

دور عليه استيراد في صقر قريش المعادي

حتلاقي هناك واحد اسمه تامر مشهور اوي في الكوري

وشكرا

[houbaz]

طيب الاستيراد ده هيعيش ولا برضه فتره و هيسرب؟ ما هو الاصلى بتاع العربية سرب.. ولو جبته اعزله او اعمله اى معالجة ولا اركبه زى ما هو؟