لماذا الاوبترا

[DEDOPETER]

مجرد سؤال لماذا الاوبترا ؟
ما الذى يغرينى لدفع مبلغ يقارب المائه الف فى سياره لاتتمتع باى مميزات موجوده فى اغلب السيارت بنفس الفئه السعريه واحيانا اقل قمثلا لا يوجد بها اى انواع الامان من فرامل اه بى اس او وسادئد هوائيه او خلافه لايوجد اى ترفيه من نظام صوتى او كمبيوتر رحلات او مفتاح ذكى او جنوط او فتحه سقف او تحكم من عجله القياده ........الخ او اى حاجه على عكس سيارات بنفس السعر ويوجد بها اغلب ماسبق ذكره واكثر كالكيا الريو واللوجان الارخص منها بكثير طبعا ؟ على سبيل المثال
سؤالى لطلب معرفه مميزات السياره التى قد تكون خفيه لا اعرفها . فهى حتى الان لاتفرق عن الفيرنا كثير

[yaserbasha2000]

الحجم اكبر من العربيات دي كمان ملهاش عيب او مشكله منتشره زي عربيات تانيه يعني مخدتش سمعه مش كويسه


و في الاول و الاخر لولا اختلاف الاذواق لبارت السلع

[smsmsmsm1983]

الاوبترا سيارة ثابتة عالية عن المطبات بدرجة كافية واسعة (صالون و شنطة) موتور عنيف لا تشعر بحمولة السيارة

[mido]

ولا تتعب نفسك اشترى العربيات التانيه :) مع انى معرفش اى عربية اقل من 100 الف جنيه فيها الاوبشنز اللى انت كاتبها الا احتمال الصينى

[shaddadfalcon1]

زي بالظبط ليه الناس بتشتري الفيرنا واللانوس مع ان مفيش اي وسائل راحه ولا امان ولا اي حاجه في اي حاجه
بس لمجرد انهم منتشرين ومفيهمش مشاكل والصنايعيه بيفهمو فيهم لانهم تكنوليوجيا قديمه وبيتباعو بسهوله وقعط غيار رخيصه

[DEDOPETER]

بالنسبه للاستاذ صاحب راى "متتعبش نفسك واشترى عربيه تانيه " خلاص اى حد يعرض مثلا مشكله لعربيته عالموقع ميتعبش نفسه ويتعبنا ويروح بيها التوكيل
حضرتك الموقع معمول لتبادل الاراء والخبرات والتجارب .
ثانيا واضح ان حضرتك اصلا مقرتش المكتوب كويس لانى كاتب سيارتان "على سبيل المثال لا الحصر" بنفس السعر ويمكن ارخص بيهم هذه الاوبشنز .
تحياتى

[temo85]

دى نفس الحيرة اللى وقعت فيها عند الاختيار ما بين الصنى و الاوبترا و السيراتو و السيراتو كسبت .... و الفكرة فعلا ان لولا اختلاف الاذواق لبارت السلع

[shaddadfalcon1]

في مصر احنا بنشوف ايه اكتر عربيات ماشيه في الشارع ونجيب زيها وخلاص او نجيب العربيات اللي شكلها حلو واللي الصنايعيه بيقولو عليها انها كويسه من وجهة نظرهم
مش بنبص لوسائل الأمان والراحه والقيمه في مقابل السعر

[hpxp]

اولا عربيه حماله اسيه بمعنب كلمه حماله اسيه
عاليه عن المطبات
ثابته جدا اثبت من الكورولا وللانسر
وماتور جبار جرب بس كده اكبس كيك داون هتلاقي نفسك في الكرسي الي ورا
____________________
فيها كمبيوتر رحلات تريبa و B
لكن عيوبها :-
فرامل كويسه بس علي التراب اشوف وشك بخير
عفشتها نشفه شويه
وحل الاتنين دول كاوتش محترم
تحس انها غالبانه من جوة يعني نور العدادت اخضر*احمر علي عكس لكورولا (الله يرحمها) ازرق*ابيض*برتقالي
وعلي فكرة كل المواصفات الي حضرتك كتهبها دي موجوده بس في الدايو لاستي منها او الخليجي
____________________________
هي عربيه عائليه ومريحه وثابته
وقطع غيارها متوفرة ورخيصه وفي نفس الوقت معمرة يعني علي سبيا المثال التيل معايا بيقعد من 12الي15 الف
حماله اسيه:-
احنا ياباشا عندنا صيدليتين المشكله ان التانيه في بلد ارياف فمعظم الشركات مش بترضي تودي طلبات هناك عايز اقولك الشنطه بتبقي متروسه علي اخرها والكراسي الي ورا كمان وتجري ولا يهما غي المطبات الي انا باخدها علي 120 بس المساعدين ابتدت تقل باصلها انا عامل عليهم بالصورة الي بقولك عليها 81 الف
استهلكها بقي متوسط 160 كيلو في الصفيحه بس مش عارف بقاله اسبوع مش مظبوط ارشخ علشان الزيت عايز يتغير او انا رجلي حاميه شويه علي البنزين
في رائ وانا كان معيا كورولا فترة 2006 الي 2008 ولانسر سوبر اكشن من 2008-2009 والاوبترا من 2009 الي الان
الثبات اوبترا -لانسر-كورولا
الفخامه كورولا لانسر اوبترا
التسارع اوبترا لانسر وبعديها البطه الكورولا
الاعتماديه انا برشح الكورولا والاوبترا في نفس المرتبه واللانسر لاء لموقف معين
الفرامل كورولا لانسر اوبترا
الباور بقي بتاع الاوبترا كده خفيف وجميل اوي
بتاع الكورولا برضه حلو بس مش فاكرة اوي لانها بعد اما اتسرقت سوقت عربيه عمي اللانسر سنه
بتاع اللانسر بتاع الاوبترا اخف منه بس بتاع الانسر كده محسسك ان العربيه ماسكه نفسها
النوعمه الكورولا اللانسر الاوبترا
العفشه بص اناعمه اوي كانت الكورولا
المتوشطه اللانسر
النشفه الاوبترا بس ده مقابل ثبات محترم اوي اوي
التوكيل
الكورولا كان توكيل محترم جداااااااا وكانو هيغيروا كاسيت العربيه قبل كده علي حسابهم لمجرد ان فيه فيوز باظ في الكاسيت بس علشان كانت خليجي فمنفعش
اللانسر مرحهوش لانها كانت عربيه عمي + انها قعدت سنه بالظبط
الاوبترا كان في نظري محترم وهبقي اجبلك الموضيه بتاعت التوكيل بكرة
شوف حضرتك بتحب ايه في دول كلهم لان مفيش عربيه هتوفر للك كل ده شوف المناسب لاحتيجاتك وقرر

[mido]

يا ريت حضرتك تقولي العربيتين اللي انت كاتبهم تمنهم كام و ايه الاوبشنز اللي فيهم علي الاقل اللوجان
تاني حاجة الاتنين اصغر من الاوبترا
تالت حاجة طريقة حضرتك في طرح السؤال بتقول ان حضرتك مش فارق معاك الاوبترا اصلا

[ME5EMR]

اولا عربيه حماله اسيه بمعنب كلمه حماله اسيه
عاليه عن المطبات
ثابته جدا اثبت من الكورولا وللانسر
وماتور جبار جرب بس كده اكبس كيك داون هتلاقي نفسك في الكرسي الي ورا
____________________
فيها كمبيوتر رحلات تريبa و B
لكن عيوبها :-
فرامل كويسه بس علي التراب اشوف وشك بخير
عفشتها نشفه شويه
وحل الاتنين دول كاوتش محترم
تحس انها غالبانه من جوة يعني نور العدادت اخضر*احمر علي عكس لكورولا (الله يرحمها) ازرق*ابيض*برتقالي
وعلي فكرة كل المواصفات الي حضرتك كتهبها دي موجوده بس في الدايو لاستي منها او الخليجي
____________________________
هي عربيه عائليه ومريحه وثابته
وقطع غيارها متوفرة ورخيصه وفي نفس الوقت معمرة يعني علي سبيا المثال التيل معايا بيقعد من 12الي15 الف
حماله اسيه:-
احنا ياباشا عندنا صيدليتين المشكله ان التانيه في بلد ارياف فمعظم الشركات مش بترضي تودي طلبات هناك عايز اقولك الشنطه بتبقي متروسه علي اخرها والكراسي الي ورا كمان وتجري ولا يهما غي المطبات الي انا باخدها علي 120 بس المساعدين ابتدت تقل باصلها انا عامل عليهم بالصورة الي بقولك عليها 81 الف
استهلكها بقي متوسط 160 كيلو في الصفيحه بس مش عارف بقاله اسبوع مش مظبوط ارشخ علشان الزيت عايز يتغير او انا رجلي حاميه شويه علي البنزين
في رائ وانا كان معيا كورولا فترة 2006 الي 2008 ولانسر سوبر اكشن من 2008-2009 والاوبترا من 2009 الي الان
الثبات اوبترا -لانسر-كورولا
الفخامه كورولا لانسر اوبترا
التسارع اوبترا لانسر وبعديها البطه الكورولا
الاعتماديه انا برشح الكورولا والاوبترا في نفس المرتبه واللانسر لاء لموقف معين
الفرامل كورولا لانسر اوبترا
الباور بقي بتاع الاوبترا كده خفيف وجميل اوي
بتاع الكورولا برضه حلو بس مش فاكرة اوي لانها بعد اما اتسرقت سوقت عربيه عمي اللانسر سنه
بتاع اللانسر بتاع الاوبترا اخف منه بس بتاع الانسر كده محسسك ان العربيه ماسكه نفسها
النوعمه الكورولا اللانسر الاوبترا
العفشه بص اناعمه اوي كانت الكورولا
المتوشطه اللانسر
النشفه الاوبترا بس ده مقابل ثبات محترم اوي اوي
التوكيل
الكورولا كان توكيل محترم جداااااااا وكانو هيغيروا كاسيت العربيه قبل كده علي حسابهم لمجرد ان فيه فيوز باظ في الكاسيت بس علشان كانت خليجي فمنفعش
اللانسر مرحهوش لانها كانت عربيه عمي + انها قعدت سنه بالظبط
الاوبترا كان في نظري محترم وهبقي اجبلك الموضيه بتاعت التوكيل بكرة
شوف حضرتك بتحب ايه في دول كلهم لان مفيش عربيه هتوفر للك كل ده شوف المناسب لاحتيجاتك وقرر

انت جبت الخلاصه

[Usama Nagi]

مجرد سؤال لماذا الاوبترا ؟
ما الذى يغرينى لدفع مبلغ يقارب المائه الف فى سياره لاتتمتع باى مميزات موجوده فى اغلب السيارت بنفس الفئه السعريه واحيانا اقل قمثلا لا يوجد بها اى انواع الامان من فرامل اه بى اس او وسادئد هوائيه او خلافه لايوجد اى ترفيه من نظام صوتى او كمبيوتر رحلات او مفتاح ذكى او جنوط او فتحه سقف او تحكم من عجله القياده ........الخ او اى حاجه على عكس سيارات بنفس السعر ويوجد بها اغلب ماسبق ذكره واكثر كالكيا الريو واللوجان الارخص منها بكثير طبعا ؟ على سبيل المثال
سؤالى لطلب معرفه مميزات السياره التى قد تكون خفيه لا اعرفها . فهى حتى الان لاتفرق عن الفيرنا كثير

لو حضرتك بتقارن اوبترا اوتوماتيك ب 102 الف ب فيرنا اوتوماتيك ب حاجة و تمانين الف
اقولك انت غلطان لأن دي فئة و دي فئة و الأوبترا اوسع بكتير من الفيرنا
و اتمني ان تكون المقارنه موضوعية

الأوبترا تتقارن بنسيان صني - كيا سيراتو -هيونداي الانترا القديمة و الجديدة - لانسر شارك و البومه و شوف اسعارهم و شوف سعر الأوبترا

و في الأخر انت لو شايف ان الأوبترا زي الفيرنا يبقي وفر فلوسك و اشتري الفيرنا
لو حد مش محتاج وسع الأوبترا و حجمها الكبير بيقي يبص في اوتوماتيك صغير زي فيرنا - لوجان - شيفروليه افيو
او اكسنت rb او ريو في رينج ال 100 الف فيما فوق

[medo500]

ياباشا هي اللوجان ايه الاوبشنز الي فيها من الي حضرتك كاتبه انا ركبت اللوجان بصراحة ماشوفتش فيها اي ابوشنز زياده عن تكييف وزجاج كهرباء لو فيها اكتر من كده ياريت تعرفنا

[DEDOPETER]

اتفضل اللوجان

1600 سى سى المواصفات
المواصفات 1.6 a/t سعة المحرك (سي سي) 1600 ناقل الحركة اتوماتيك عدد النقلات 4 النمط سيدان عدد السليندرات 4 عدد الصبابات 16 حقن الوقود إلكتروني يوجد العزم الأقصى ( نيوتن.متر/لفة.دقيقة) 148/3750 قوة المحرك (حصان/لفة.دقيقة) 110 نوع الجر امامي عدد المقاعد 5 عدد الأبواب 4 متوسط استهلاك الوقود (لتر/100كم) 7.9 سعة خزان الوقود (لتر) 50 وسائد هوائية للسائق يوجد وسائد هوائية للراكب الامامى لايوجد كراسي كهربائية لايوجد نظام فرامل abs لايوجد توزيع اليكتروني للفرامل ebd لايوجد برنامج التوازن الإلكتروني esp لايوجد نظام تنبية ضد السرقة لايوجد نظام إيموبليزر ضد السرقة يوجد جنوط رياضية لايوجد مقاس الجنط 15 فوانيس ضباب امامية يوجد فوانيس ضباب خلفية يوجد مساحات خلفية لايوجد مرايات جانبية كهربائية يوجد طي المرايات الجانبية كهربائيا لايوجد إشارات بالمرايات الجانبية لايوجد إضاءة المصابيح زنون لايوجد مساحات للمصابيح الأمامية لايوجد مصابيح أمامية حساسة للإضائة لايوجد تحكم بالمصابيح الأمامية يوجد إضاءة المصابيح الأمامية led لايوجد إضاءة المصابيح الخلفية led لايوجد سبويلر خلفي لايوجد النظام الذكى لركن السيارة لايوجد النظام الصوتي يوجد مشغل اقراص مدمجة cd/cd مدخل aux لايوجد مدخل usb لايوجد بلوتوث لايوجد مساند رأس أمامية يوجد مساند رأس خلفية يوجد زجاج كهرباء أمامي يوجد زجاج كهرباء خلفي يوجد تحكم عن بعد في غلق وفتح الأبواب يوجد التحكم في ارتفاع كرسي السائق يوجد فرش جلد لايوجد المفتاح الذكي لايوجد فتحة سقف لا يوجد فتحة سقف كهربائية لايوجد كاميرا خلفية لايوجد كمبيوتر رحلات يوجد نوع عجلة القيادة هيدروليكي عجلة قيادة يمكن التحكم بها يوجد تحكم في نظام الصوت من عجلة القيادة يوجد مثبت سرعة لايوجد عجلة القيادة من الجلد لايوجد ناقل الحركة من الجلد لايوجد أماكن تخزين بالأبواب الأمامية يوجد أماكن تخزين بالأبواب الخلفية لايوجد إمكانية طى ظهر مقاعد الخلفية لايوجد ولاعة سجائر يوجد طفاية سجائر متحركة يوجد قفل مركزي للأبواب يوجد صوت تنبيهي فى حالة عدم غلق السيارة يوجد حامل أكواب أمامي يوجد حامل أكواب خلفي يوجد مسند يد أمامي لايوجد مسند يد أمامي مكيف لايوجد مسند يد خلفي لا يوجد غطاء للشنطة الخلفية يوجد درج تخزين أمامي بالاضائة مخرج كهرباء لايوجد مخرج كهرباء بالشنطة الخلفية لايوجد مساحات زجاج خلفية لايوجد مساحات زجاج أمامية حساسة للأمطار لايوجد نور بالشنطة الخلفية يوجد كشافات امامية حساسة للإضاءة لايوجد حزام أمان خلفي يوجد

[تامر.محمد]

باختصار
سهولة صيانة + قطع غيار رخيصة و منتشرة + اعادة بيع + انتشار + شوية اعتمادية + اتساع داخلي

و ده اللي مخليها سوقها عالي لأن الحاجات دي هي المطلوبة من اكبر عدد من الناس عندنا

ممكن نقول انها عربية مش وحشة في اي حاجة لكنها برده مش متفوقة على اقرانها بصورة تخليها متفردة

هي مش احسن عربية في فئتها , لكن ما تقدرش تقول انها سيئة