تقيمى الشخصى للسياره الأفيو مشوار للساحل

[mohamed1979]

بدايه احب اقول ان السياره كان اول سفر ليا بيها والتقيم ده بسيط و ليس مفصل بدقه لعدم ركوبى السياره بكثره و عدم تجربتها فى اكثر من سفريه

التقيم فى السفر :

1- استهلاك البنزين :
فولت العربيه فى اول طريق مصر اسكندريه و عملت بيها 450 كيلو و مشغل التكيف طول ال 450 كيلو كان الأستهلاك 17.3 كيلو للتر حوال 345 فى الصفيحه مع سرعه 100 الى 120 كيلو فى الساعه.
الأستهلاك الداخلى 210 كيلو مع التكييف و بدون التكييف 225 كيلو فى الصفيحه
عموما انا شايف ان استهلاك السياره فى البنزين كويس جدا مقارنه بجميع مواتير 1500 فى جميع السيارت الموجوده فى مصر .
التكيف فعلا قوى مكنتش بقدر اشغل اكتر من سرعه 3 فى النهار و الجو شديد الحراره و فى الليل مقدرش استحمل التكييف على 1 طبعا انا بشغل التكيف فى الليل علشان رطوبه الجو فى الساحل و الأسكندريه تكييف ممتاز
2- الثبات :-
بعد سرعه 120 كيلو سيئ جدا جدا انا شديت مع كيا ريو وصلت لغايه 160 بس طبعا كنت خايف جدا من السياره لانها غير ثابته بالمره فى الملفات و على فكره انا كان معايا اكسنت 1500 ثبتها احسن من الأفيو
3- الأتساع الداخلى :
كراسى مريحه فى الأمام
صغيره المساحه فى الكنبه الخلفيه
الشنطه كبيره لحد ما
عموما مريحه فى السفر على عكس الأكسنت متعبه جدا فى كراسيها الناشفه

[Islam_galal]

ربنا يباركلك فيها

[tafa17]

تسلم يا باشا علي المعلومة الخاصة بالبنزين هجرب ان شاء الله واشوف وربنا يباركلك فيها ويكفيك شرها ويعطيك خيرها بس بلاش حكاية الشد والجري مع العربيات دي خليك هادي وتقييل وبارد كوول يعني (العقل زينة) وربنا يحفظهالك

[mahmoudhegazy]

لو حد لي تجربة تانية مع الافيو ياريت يقلنا..

[mahmoudhegazy]

و بزات موضوع البنزين علشان ليا واحد صحبي بيشتكي مر الشكوا من بنزين العربية و بقوول بتعمل معاة في التنك كلة مش اكتر من 270 كياو جوة البلد ..

[Nour_Peugeot]

شكرا علي تقييمك يا باشا و انا ركبت العربية بس مسقتش هي بجد حلوه

ربنا يبركلك فيها

[Hosam_Optrawy]

الف شكر على التقييم

[gassermohyaldin]

انا بحس ان الدركسيون بعيد

[solycar]

انا بحس ان الدركسيون بعيد

قدم الكرسى لقدام شوية

[ronil]

اسمحلى اعقب عليك فى شئ واحد

وهو ثبات العربيه العربيه بتبدى تهتز بعد الميه وخمسين كيلو لكن قبل كده هى ماشاء الله كويسه قوى ما تعديش الميه وخمسين وهى تبقى تمام وبالنسبه للبنزين بجد هى اقتصاديه جدا مع انها 1500سى سى انا سافرت بيها كتير قوووووووووووى وبصراحه هى عربيه حمالة اسيه وشكلها شيك قوى وواسعه جدا ومريحه فى قعدتها انا معايا افيو 2006 وماشاء الله ما قالتش يا عين

[gassermohyaldin]

مش حكاية ااقدم الكرسى الافيو دركسيونها عالى وبعيد ولو اربت الكرسى مش هاتكون مستريح فى السواقة

[solycar]

مممممممممممممم


انا كدا فهمتك

بص يا سيدى ................دا شئ ناتج عن التصميم الهيكلى للعربية

كبوت صغير -------------------------->تابلو كبير

المسافة بين العجل و نهاية التابلو (مع ترك مساحة كافية للقدمين )لا تسمح بانخفاض الدريكسيون عن كدة


يعنى هما كانو يقدروا ينزلوه بس كان هيبقى المكان عند رجلك ديق قوى

[gassermohyaldin]

thanx alot for ur informations but is there any way to make it comfurt coz really its hurting my back

[saliga]

طب ممكن اسال ... هل ثبات الافيو 2006 يكون احسن من الموديل الحديث 2009 أرجو الافادة

[gassermohyaldin]

the both r the same i guess