مشكلة تكيف الافيوا

[shady_elkady]

التكيف عندى لو شغلتة مدة طويلة مرة وحدة الهواء الى خارج من الفتحات بيقل جدا و بحس ان صوت المروحة مكتومة حاسس ان فى حاجة سدة الهواء و لو طفيت المروحة و شغلتها تانى يرجع كويس حد عنوا حل للمشكلة دة ولا يمكن الثرمومثتات هوا الى بيقلل كمية الهواء حسب درجة البرودة

[samehafez]

تكييف الهواء بتاع الافيو مفيهوش ثرموستات .....يعني انت مبتظبطشي درجة الحرارة علي درجة معينة و هو بيشتغل و بيفصل عليها ....
احجز ميعاد في الصيانة و قبل ما تروح تكون مشغل التكييف فترة طويلة عشان يشوفوا المشكلة بعنيهم ....و ربنا يعينك

[mohamed1979]

اعتقد ممكن تكون المشكله فى فلتر التكييف انا فكيت الفلتر ونظفته كويس اوى التكييف اتحسن بنسبه كبيره قبل تنظيف الفلتر

[Ramy_Tantawi]

الحقيقه مش عارف الحل بيكون ازاي للمشكله دي لكن انصح حضرتك بزيارة التوكيل وهم هايعملوها على طول ان شاء الله ده عيب دارج وبيحصل كتير وتفسيره كالآتي :-

اذا كان العرض زي ما انا فهمت ان الهوا بيقل جداً وبتحس حضرتك ان التكيف بيكون مكتوم بعد فتره طويله من تشغيله ده بيكون سببه تكون تلج على السربنتينه المداخليه الموجوده في كابينه العربيه من الداخل او ما يسمى ايضاً بالكويل الداخلي للمكيف التلج ده بيتكون لما الكمبريسور بيفضل فتره طويله شغال من غير ما يفصل ومجرد ما التلج ده بيتكون على السربنتينه الداخليه الطبيعي ان الهوا هايقل طبعاً ويتكتم ....ده بس تفسير بسيط للي بيحصل وبيكون نتيجه ليه ان الهوا يقل ويتكتم.

على فكره ممكن يكون الموضوع ده حاجه عرضيه ولا تستدعي زيارة التوكيل اذا لم تتكرر اوقات بيكون فيه غلط وبتختفي عموماً العلاج الفوري ليها اول ما يحصل كده مش شرط حضرتك تطفي المكيف كله ممكن بس تقفل ال Ac لمده دقيقه واحده بس وشغله تاني هتلاقي الموضوع طبيعي جداً ان شاء الله ...لو اتكرر الموضوع ده يبقى زيارة التوكيل افضل الحلول .

[BLACKVERNA]

اعتقد انك لازم تروح التوكيل فى اقرب وقت

و ان شاء الله تطلع حاجه بسيطة

[shady_elkady]

الحقيقه مش عارف الحل بيكون ازاي للمشكله دي لكن انصح حضرتك بزيارة التوكيل وهم هايعملوها على طول ان شاء الله ده عيب دارج وبيحصل كتير وتفسيره كالآتي :-

اذا كان العرض زي ما انا فهمت ان الهوا بيقل جداً وبتحس حضرتك ان التكيف بيكون مكتوم بعد فتره طويله من تشغيله ده بيكون سببه تكون تلج على السربنتينه المداخليه الموجوده في كابينه العربيه من الداخل او ما يسمى ايضاً بالكويل الداخلي للمكيف التلج ده بيتكون لما الكمبريسور بيفضل فتره طويله شغال من غير ما يفصل ومجرد ما التلج ده بيتكون على السربنتينه الداخليه الطبيعي ان الهوا هايقل طبعاً ويتكتم ....ده بس تفسير بسيط للي بيحصل وبيكون نتيجه ليه ان الهوا يقل ويتكتم.

على فكره ممكن يكون الموضوع ده حاجه عرضيه ولا تستدعي زيارة التوكيل اذا لم تتكرر اوقات بيكون فيه غلط وبتختفي عموماً العلاج الفوري ليها اول ما يحصل كده مش شرط حضرتك تطفي المكيف كله ممكن بس تقفل ال Ac لمده دقيقه واحده بس وشغله تاني هتلاقي الموضوع طبيعي جداً ان شاء الله ...لو اتكرر الموضوع ده يبقى زيارة التوكيل افضل الحلول .

كلام حضرتك مضبوظ 1000% هوا دة الى بيحصل لكن انا سوالى دلوقتى المفروض الكباس بيفصل كل اد اة و هل فعلا مافيش ثرموستات و ازاى اعرف ان الكباس فصل

[shady_elkady]

تكييف الهواء بتاع الافيو مفيهوش ثرموستات .....يعني انت مبتظبطشي درجة الحرارة علي درجة معينة و هو بيشتغل و بيفصل عليها ....
احجز ميعاد في الصيانة و قبل ما تروح تكون مشغل التكييف فترة طويلة عشان يشوفوا المشكلة بعنيهم ....و ربنا يعينك

مفهوش ثرموستات يعنى الكباس مبيفصلش خالص انا سالت واحد بتاع تكيف قلى المشكلةعندك ان ثرموستات مبيخليش الكباس يفصل علشان كدا بيحصل تكوين تلج على الكويل و ثرموستات راكب فى الكويل و سعرة 110

[shady_elkady]

محدش رد عليا

[modey_911]

يا باشا الحل الاكيد إن شاء الله زي ما انا عملت فكيت الفلتر ونضفتة وكانت النتيجية تمام هوا المشكلة عندك بس في نضافة الفلتر إن شاء الله جرب تنضفة وقلنا اية الكلام

مع تحياتي
Aveo 911