افيدونى فى لون اوبترا gunsmoke grey !!

[kokobom]

بإذن الله نويت اشترى اوبترا و توكلت على الله و روحت التوكيل و كل حاجه تمام إن شاء الله بس الحيره هنا فى اختيار اللون :( يفاضل ما بين ال Valvet Red & Gunsmoke Grey

و المشكله ان العربيه لسه ماوصلتش المعرض بس لازم اختار لون علشان احجز العربيه ..... هل هنا فيه حد يعرف اى حاجه عن ال Gunsmoke Grey ؟؟؟؟؟ عايز اشوف لونها فى صوره على الطبيعه :) لو حد يقدر يساعدنى بسرعه جزاكم الله كل خير

[graffittiii]

حضرتك أدخل علي اللينك ده

شيڤروليه مصر - أوبترا - الألوان

فـــ أسفل الصفحة :
هتلاقي الــــ gunsmoke grey تاني واحدة من الشمال أضغط عليها هيظهرلك اللون
و الـــ velvet red أول واحدة علي اليمين ...

ومبروك مقدما إن شاء الله ...
.

[kokobom]

حضرتك انا شوفتهم قبل كده :) بس انا عايز صوره لسياره حقيقيه لمعرفه اللون على الطبيعه :) و شكرا على المشاركه و الله يبارك فيك

[Hosam_Optrawy]

ال Grey حلو اوى







مفيش اخبار عن موديلات 2013 ؟ اللى هاتستلمها ان شاء الله 2012 ولا 2013

[kokobom]

موديل 2012 إن شاء الله و دى تقريبا اخر دفعه للأوبترا فى مصر :)

بالنسبه للون الصورتين دول لونين مختلفين :) و هيا لو كانت Grey كنت اخدتها على طول بس المعرض بيقولى انها grey و فيها نسبه move فانا مش عارف ده شكلوا ايه ده :] و خايف احجز اللون ده و بعد كده مايعجبنيش و مش هاينفع ابدلها ساعتها :(

[Hosam_Optrawy]

اختلاف اللون عشان الاضاءه , الاولى فى معرض الاهرام او اوتوماك مش فاكر , والتانيه بالنهار فى الشمس بتعمل صيانه

عموما ربنا يسهل وتشوفها على الطبيعه فى الشارع ولا حاجه قبل ماتستلم :)

[kokobom]

طيب بما انك اوبتراوى :) عايز اعرف هاعمل ايه ف اول 1000 كيلو فى التليين و كده .. عايز اعيش الجو من دلوقتى :) و كلمنى كده عن اقوى مميزات السياره و ايه اخبار الفرامل ؟؟

[Hosam_Optrawy]

طيب بما انك اوبتراوى :) عايز اعرف هاعمل ايه ف اول 1000 كيلو فى التليين و كده .. عايز اعيش الجو من دلوقتى :) و كلمنى كده عن اقوى مميزات السياره و ايه اخبار الفرامل ؟؟

اول الف كيلو ماتقرصش على الموتور يعنى ماتعديش 3 Rpm وماتعملش كيك داون ولو عايز تشغل التكييف عادى وماتدوسش فرامل جامده او مفاجأه وماتمشيش مسافه طويله ثابت على سرعه واحده يعنى غير من سرعتك وطبعا ماتحملش على العربيه فى الاوزان او تقطر حد :)

اول ماتستلم ان شاء الله اظبط ضغط الهوا بتاع الكاوتش لانه بيبقى جاى منفوخ بزياده , اظبطه على 30 ورا وقدام ويستحسن تحط نيتروجين

العربيه معظمها مميزات وسع وثبات وتكييف وعلو عن الارض وتقفيل حلو واسعار قطع غيارها الاصليه رخيصه مقارنة بمعظم العربيات الجديده دلوقتى

الفرامل كويسه بس الخوف من ان الكاوتش اللى بتنزل بيه دلوقتى بقى Made in China فمعرفش ايه نظامه فى التماسك

واى استفسار تانى احنا معاك وتستلم على خير ان شاء الله

[kokobom]

معلش هاتعبك معايا :) ايه حوار الترددات بتاعت الراديو ده ؟؟ و بالنسبه للاوتوماتيك وانا بنقل بين ال r n d p 2 1 بدوس فرامل ولا عادى ولا ايه .. و بالنسبه ل d 2 1 بنقل بينهم امتى و ليه و كده :) و شكرا

[hossam_elwani]

لون حلو مبروك عليك

[Hosam_Optrawy]

معلش هاتعبك معايا :) ايه حوار الترددات بتاعت الراديو ده ؟؟ و بالنسبه للاوتوماتيك وانا بنقل بين ال r n d p 2 1 بدوس فرامل ولا عادى ولا ايه .. و بالنسبه ل d 2 1 بنقل بينهم امتى و ليه و كده :) و شكرا

ترددات الراديو او الكود بتاع الكاسيت هاتحتاجه لو غيرت البطاريه او فصلتها عشان الكاسيت يشتغل تانى غير كدا مش هاتحتاجها فى حاجه انا شخصيا معرفش الكود بتاع الكاسيت بتاعى لحد دلوقتى :)

النقلات 1 و 2 المفروض ماتستعملهمش كتير يعنى لو جبت الفتيس على 1 العربيه هاتفضل ماشيه على النقله الاولانيه لحد ماتجيب الفتيس على 2 عشان ينقل للتانى , وطبعا مش هاينفع تدوس فرامل وانت بتنقل لانك هاتبقى ماشى بالعربيه مش واقف , خليك ماشى على ال d فى كل الاحوال احسن وانت اتحكم فى النقلات بضغطة رجلك على دواسة البنزين

[Usama Nagi]

ترددات الراديو او الكود بتاع الكاسيت هاتحتاجه لو غيرت البطاريه او فصلتها عشان الكاسيت يشتغل تانى غير كدا مش هاتحتاجها فى حاجه انا شخصيا معرفش الكود بتاع الكاسيت بتاعى لحد دلوقتى :)

النقلات 1 و 2 المفروض ماتستعملهمش كتير يعنى لو جبت الفتيس على 1 العربيه هاتفضل ماشيه على النقله الاولانيه لحد ماتجيب الفتيس على 2 عشان ينقل للتانى , وطبعا مش هاينفع تدوس فرامل وانت بتنقل لانك هاتبقى ماشى بالعربيه مش واقف , خليك ماشى على ال d فى كل الاحوال احسن وانت اتحكم فى النقلات بضغطة رجلك على دواسة البنزين

عامه ال 1و 2 و D بتنقل بينهم عادي بدون فرامل و زي ما حسام قال :
1 ده ما بينقلشي غير علي الترس الأولاني
2 ده ما بينقلشي غير علي الترس الأولاني و التاني
D4 بينقل علي ال 4 تروس كلها
زرار الHold بينقل علي الأول و التاني و التالت "كأنك بتحرق علي التالت لغاية ما الRPM بيوصل للأخر"

الأحسن عدم تغيير الغيارات و خلي الفتيس هو اللي يعمل كده و خلي العربية علي D بس احسن
ال1 او 2 ما تستخدمهمش الا لو طالع مطلع رخم او محمل العربية جامد "موصل عربية تانيه"

[kokobom]

شكرا ليكو بجد :) و استحملونى بقى فى اى اسئله تانى :]

[Hosam_Optrawy]

شكرا ليكو بجد :) و استحملونى بقى فى اى اسئله تانى :]

العفو واى استفسارات تانى احنا معاك وتستلم على خير ان شاء الله

[kokobom]

اكتشفت حاجه جديده :) فيه حاجه فوق الفتيس الاوتوماتيك بيتحت فيها المفتاح !!!! ايه دى ؟