فتيس الكروز اتغير

[madinabaza]

عندي واحد صاحبي معاه كروز 2010 والعربيه ماشيه 100000 دلوقتي بس فتيس العربيه باظ وهي في 80000ك المهم راح غبور وغيروله الفتيس من عندهم ببلاش لانها في الضمان لسه و لان سعرة طبعا خيالي سمعت انه ب 40000ج

المهم السؤال هنا الفتيس ازاي يبوظ والعربيه بقالها سنتين بس هل دا معناه ان الفتيس الاوتو بتاع الاكروز اي كلام زي النوبيرا ولا ايه؟؟؟؟؟؟

[2CODE]

غيروه في غبور وهو كروز ؟ هو مش المفروض يروح عند منصور ولا ازاي دي :s

[Ahmed_Adham]

غيروه في غبور وهو كروز ؟ هو مش المفروض يروح عند منصور ولا ازاي دي :s

في الغالب يقصد يقول منصور. ماهم الاتنين بينتهو ب "ور" في الاخر.

بالنسبه للفتيس. ممكن تكون حاله خاصه مش عيب عام.

[abou-yahia]

اكيد حاله خاصه

فتيس الاوبترا والكروز مفيش منهم مشاكل خالص

وكلها اشاعات لمحاوله الصاق مشاكل النوبيرا بيهم بغباوه

عشان اصلا الاوبترا وبعديها الكروز ملهمش دعوه بلنوبيرا خالص

[madinabaza]

غيروه في غبور وهو كروز ؟ هو مش المفروض يروح عند منصور ولا ازاي دي :s

اسف قصدي منصور

[madinabaza]

ايوة يعني ايه الاسباب الي ممكن تخلي فتيس عربيه جديده يبوظ؟

[Hosam_Optrawy]

فتيس الكروز هو فتيس الاوبل الاسترا الجديده يعنى مفيش عليه كلام

الفتيس ممكن يكون مابيتعملوش صيانه متغيرلوش زيت او بيستخدم غلط

لو مش سوء استخدام يبقى قضاء وقدر عيب صناعه وارد تحصل فى حالات فرديه

[madinabaza]

طيب الحمد لله لاني كنت هزعل لو ده عيب في الكروز لان هيا عربيه مفهاش غلطه اصلا

[madinabaza]

فتيس الكروز هو فتيس الاوبل الاسترا الجديده يعنى مفيش عليه كلام

الفتيس ممكن يكون مابيتعملوش صيانه متغيرلوش زيت او بيستخدم غلط

لو مش سوء استخدام يبقى قضاء وقدر عيب صناعه وارد تحصل فى حالات فرديه

لو سمحت يا استاذ حسام با ان حضرتك اوتراوي وخبير عوز اعرف لو معايا 60000 ممكن الاقي اوبترا اوتو؟؟

[Hosam_Optrawy]

لو سمحت يا استاذ حسام با ان حضرتك اوتراوي وخبير عوز اعرف لو معايا 60000 ممكن الاقي اوبترا اوتو؟؟

ممكن بس هاتبقى 2005 او 2006 بالكتير

حاول تزود شويه عشان تجيب حاله كويسه

[drmagieed]

ايوة يعني ايه الاسباب الي ممكن تخلي فتيس عربيه جديده يبوظ؟

عاملة 100000 كم وجديدة إزاي هي العبرة بالموديل ولا بالكليومتر المقطوع إللي بيعكس الإستهلاك دي عربية مشيت تقريبا 93 كم في اليوم يعني إستهلاك طحن

[drmagieed]

طيب الحمد لله لاني كنت هزعل لو ده عيب في الكروز لان هيا عربيه مفهاش غلطه اصلا

أسف ما فيش عربية ما فيهاش ولا غلطة !!!!! كل عربية وليها غلطة

[Medo.Malek]

اكيد حاله خاصه

فتيس الاوبترا والكروز مفيش منهم مشاكل خالص

وكلها اشاعات لمحاوله الصاق مشاكل النوبيرا بيهم بغباوه

عشان اصلا الاوبترا وبعديها الكروز ملهمش دعوه بلنوبيرا خالص

معذرة يافندم كلام حضرتك عن الكروز جانبه الصواب قليلا !
عربية اخويا كروز اوتو 2010 برضة جابت فتيس النهاردة و هيا ماشية 80 الف كم ! صيانات فى التوكيل و فى مواعيدها !
و انا داخل مخصوص ادور فى مواضيع الكروز و لقيت الموضوع ده !
الفتيس فى التوكيل ب 47 الف خاز.... فى جتتهم !
و برة التوكيل ناس قالتلى هايعمل من 9 ل 12 الف و ممكن اكتر !!

سؤالى لصاحب الموضوع و يا ريت ترد عليا ضرورى بسرعة
ازاى التوكيل غير الفتيس كله فى الضمان و العربية ماشية 80000 كم و اصلا منصور منزل العربية عليها ضمان 60 الف كم او 3 سنوات ايهما اقرب !!
ارجو من حضرتك التوضيح سريعا للاهمية و جزاك الله خيرا و مبروك الفتيس الجديد