فين السونيك

[drmagieed]

العربية تحفة وأنا شوفتها مرة واحدة في المنصورة لكن الكل هنا في المنتدي توقع فشلها بسبب السعر غير المنافس مع عربيات في فئة أعلي منها

[mmtronic]

اعتقد ان فى القريب العاجل حيتعمل عليها تخفيض كبير عشان تبيع فى السوق حتى ولو عرض مؤقت زى الكروز ... بس لو وصلت لــ 105 مثلا هل تستحق سعرها

يا باشا حتدفع 105000 فى بجامة فاضية

دا حتى الزجاج مانيوال

كنت قريت تعليق من الأستاذ اشرف العدوى عجبنى قوى

"منصور بيحلق للعربية قرعا قبل ما ينزلها السوق "

[alaa_tawfik]

العربية دى فعلا غاليه عالفاضى و موتورها موتور نوبيرا و اوبترا بشوية تعديلات فهل يعقل انها تكون بالسعر ده على ايه يعنى ده الواحد يجيب سيراتو احسن واكبر واوسع وشياكه سونيك دى حوار فاكس وتنفع للستات اللى بتشترى العربيات بالشكل وليس المضمون

[drmagieed]

مين قال الزجاج مانوال ... الأربعه زجاج كهربا ... والعربية دي وخلوا بالكم النسخة الأولي ... لكن في النسخ الجاية هتبقي حكاية ... السعر + السمعة إللي خدتها الأفيو ... والناس بتقول دي تحديث للأفيو ... دي أسباب عدم إنتشارها ... بس إستنوا عليها شوية وشوفوا

[Hosam_Optrawy]

العربية دى فعلا غاليه عالفاضى و موتورها موتور نوبيرا و اوبترا بشوية تعديلات فهل يعقل انها تكون بالسعر ده على ايه يعنى ده الواحد يجيب سيراتو احسن واكبر واوسع وشياكه سونيك دى حوار فاكس وتنفع للستات اللى بتشترى العربيات بالشكل وليس المضمون

لا لا لأ

واضح ان حضرتك ماقرتش عنها كويس , نوبيرا ايه واوبترا

السونيك موتورها Ecotec نفس موتور الاوبل استرا من 2010 ل 2013 , فتيس اوتوماتيك 6 سرعات من GM-Opel زى الاسترا برضه والكروز بس موديل مختلف , مبنية على شاسيه الكورسا المطور GM Gamma II SubCompact Platform

فان كان على المضمون اللى حضرتك جبت سيرته , فهى مضمونها GM و Opel صناعة كوريه , مش شكل وخلاص

[moaaz]

صدقني لايمكن اركب عربية من غير abs و ebd انا نفسي تجرب واكيد معظمنا جرب يركب عربية مفيهاش abs و ebd ويمشي على سرعة عالية وتعالا فرمل فرامل شديدة شوف ايه اللي هيحصل

وتعالا جرب نفس الشئ على عربية فيها abs و ebd وشوف جوده الفرمل وخصوصاً في المنعطفات لان الـebd وظيفته الاساسية وانت بتنعطف بالعربية في شارع اخر دي وظيفته بيقسم الفرامل على الاربع عجلات

فعلشان كده هتحس بفرق جامد جداً فحرام انك تشتري عربية 2012 زيرو من غير انظمة فرامل متقدمة

ده رأيي الشخصي المتواضع

مش كل الناس عندها نفس التفكير مع انه الصح ....بس مثلا واحد صديق جاب ريو اللى قبل الهاى لاين مفهاش غير واحد ايرباج ...طبعا طبعا طبعا ..لو السونيك فيها اى بى اس لا تقااااااارن ابدا مع الريو ....