مشاكل بالجمله فى الاوبترا

[aali1990]

ياجماعه السلا م عليكم اولا ثانيا انا شارى اوبترا 2012 بقالها 6 شهور فيها مشكل من يوم ماجبتها
1:تسريب زيت غطا التاكيهات عند 3000 كيلو تم التربيط اكتر من مره وتغيير الجوان اكتر من مره ونفس المشكله موجوده
2:صوت صفاره مع الفرامل من العجله الاماميه يمين والخلفيه شمال بيكون مزعج جدا وده من نفس يوم الاستلام وكلمتهم فى التوكيل قالولى ده التيل بيطبه يعنى التيل بيطبع 6 شهور و 9000 كيلو ماعلينا
3:صوت خبطه فى فرمل اليد وكأن فى حاجه اتكسرت جواها وده مش علطول وكل اما اروح الصيانه مايحصلش خالص سبحان الله فعلا
4:صوت زنه طالعه من قلب التابلوه والعربيه مبطله وراح اما عملوا ريسيت عن طريق فصل البطاريه
5"حرييييييييقه بنزين
6:عطل فى التكييف عند 2000 كيلو واتصلح
اللى مدايقنى الصفاره وتسريب الزيت مش لاقيين حل فى التوكيل ليهم افيدون افادكم الله دى اول مشاركه ليا وكلى عشم فيكم بجد اروح فين واعمل ايه ولا ابيعها واخلص وتعمل كام
2012 اوتو زرقاء
12000 كيلو

[amr_8800]

ربنا يكون في عون حضرتك
مش متخيل اني ممكن اشتري عربيه زيرو ويطلع فيها كل المشاكل دي
بالنسبه لتسريب الزيت لو غيرت الجوان اكتر من مره زي ما بتقول يمكن تكون المشكله في غطاء التاكيهات نفسو
بالنسبه للتيل الفرامل ده اكيد زي ما بيقول عليه الميكانيكيه (التيل بللط)
لما بتدخل في مياه على الطريق والعربيه ماشيه مشوار والطنبوره سخنه بيحصل كده للتيل ولازم يتغير عشان الطنابير متبظش
والله اعلم

وانتظر الاعضاء شوف هيقولو ايه

[abou-yahia]

ياجماعه السلا م عليكم اولا ثانيا انا شارى اوبترا 2012 بقالها 6 شهور فيها مشكل من يوم ماجبتها
مبروك العربيه

ربنا يرزقك خيرها ويبعد عنك شرها

1:تسريب زيت غطا التاكيهات عند 3000 كيلو تم التربيط اكتر من مره وتغيير الجوان اكتر من مره ونفس المشكله موجوده

المشكله ديه منتشره في عربيات كتير وتقريبا مش بتنتهي هيه بتقل فقط

اذا كان الترشيح ظاهر وبيزيد وبيأثر علي عمل البوجيهات فمتسكتش غير لما يغيرولك الوش بلكامل .

ونصيحه التربيط الزياده هوه اللي بيزود الترشيح .

2:صوت صفاره مع الفرامل من العجله الاماميه يمين والخلفيه شمال بيكون مزعج جدا وده من نفس يوم الاستلام وكلمتهم فى التوكيل قالولى ده التيل بيطبه يعنى التيل بيطبع 6 شهور و 9000 كيلو ماعلينا

ممكن تخليهم يصنفروه وتشوف كده

3:صوت خبطه فى فرمل اليد وكأن فى حاجه اتكسرت جواها وده مش علطول وكل اما اروح الصيانه مايحصلش خالص سبحان الله فعلا

مش علرف

4:صوت زنه طالعه من قلب التابلوه والعربيه مبطله وراح اما عملوا ريسيت عن طريق فصل البطاريه

مش علرف وجديده عليه الموضوع ده

5"حرييييييييقه بنزين

الاول ايه هوه معدل الاستهلاك دلوقتي
احتياطي خليهم ينظفولك البوابه وجرب

6:عطل فى التكييف عند 2000 كيلو واتصلح

كان ايه ؟؟

اللى مدايقنى الصفاره وتسريب الزيت مش لاقيين حل فى التوكيل ليهم افيدون افادكم الله دى اول مشاركه ليا وكلى عشم فيكم بجد اروح فين واعمل ايه ولا ابيعها واخلص وتعمل كام
2012 اوتو زرقاء
12000 كيلو

[dr.hazem]

الزيت ممكن لانهم بيحطو زيت ازيد من المطلوب وهنا لو عملت اللالي هتسرب
تحياتي...

Sent from my LT18i using Forum Runner