الأوبترا أصبح صوتها عالي جداً

[falak]

يا جماعة ،، أنا ملاحظ إن سيارتي ( أوبترا 2009 ) أصبح صوتها عالي جدا بقالها فترة
والحقيقة الحكاية دي مضايقاني جداً
يا ريت لو حد يفيدني أعمل إيه ؟
مع العلم بالعوامل الآتية ،، فربما تكون أحد الأسباب ..
السيارة عاملة 53000 كيلومتر
عملت صيانة الـ 50 عند الكيلو 52 ألف
وغيرت فيها سير الكاتينة وسير المجموعة والبلي بتوعهم
إني مؤخراً غيرت الزيت من موبيل إلى زيت كاسترول
غيرت الكاوتش من حوالي 2000 كيلو
هل أحد هذه العاومل ليه دخل ؟ وهل هي مسألة مؤقتة ؟؟
وإيه العمل ؟

[Ahmed_Ramadan]

ممكن الزيت

[Hosam_Optrawy]

اعتقد برضه الزيت

[falak]

أشكركم على الرد يا جماعة ..
يعني حضراتكوا تنصحوا إني أرجع تاني للموبيل أو شيل ؟؟
..
وهل تغيير السيور والبلي والحاجات دي ،، مايكونش سبب في علو الصوت مؤقتاً لحد ما يليّـنوا ؟؟
أصل فيه ناس قالتلي كده ،، وانا مش داخل دماغي الحوار ده ؟

[Ahmed_Ramadan]

كان فيه كلام هنا فى المنتدى إن كاسترول بيعمل صوت عالى مع بعض العربيات

[mn3em]

إما الزيت او فلتر الهواء عايز يتنضف او يتغير والله أعلم

[abou-yahia]

عاده

ما فعلته من صيانات يؤدي الي تقليل الضجيج الناتج من الموتور وليس العكس

طيب شويه اسئله

معدلات استهلاك البنزين كانت ايه قبل الصيانه وهل تحسنت بعدها ؟

غيرت ايه مع السيور والبلي
فلاتر وبوجيهات امتي

الصوت مصدره الموتور يعني والعربيه واقفه هل صوت العربيه ملحوظ

الصوت اكيد مصدره مش الكاوتش .

عقبال متجاب اكون انا شربت الشاي

[eng.m7md.ali]

ايوة هو الزيت ياباشا
انا كنت حاطت كاسترول ونزلته بعد 4000 كيلو مع اني كنت حاطت كاسترول ايدج
وحطيت مكانه شل هيلكس وفعلا حسيت بتغيير جزري

[mido6666_2010]

على فكرة انا حاطط كاسترول ايدج عندي والعربية ملهاش صوت خالص
ممكن تجرب تحط منظف دورة الوقود بتاع فالفولين هتلاقي العربية اختلفت تمااما

[falak]

يا خبر أبيض
والله أنا آسف يا جماعة على عدم الرد كل الفترة اللي فاتت
بس والله كان عندي ظروف قوي جداً منتعتني من الدخول
آسف مرة أخرى

[falak]

بالنسبة للمشكلة ،، الحقيقة هي زي ما هي
الصوت عالي جداً ، وفيه زي حاجة كده بتنحر في الماتور
وبالنسبة لاستهلاك البنزين ،، زي ما هو ، قبل وبعد الصيانة
الفلاتر والبوجيهات باغيرهم في ميعادهم باستمرار
أما في الصيانة نفسها ،، غيرت الفلاتر بس ،، لكن البوجيهات لسه ميعادهم ماجاش
وبالمناسبة الصوت صادر من (ناحية) تحت سير المجموعة كده تقريباً
مرة أخرى .. من ناحية سير المجموعة وليس من سير المجموعة
ومرة أخرى ،، أنا آسف لعدم الرد ،، وشكرا لحضراتكم جداً

[drmagieed]

عندي إحساس من قرائتي لموضوعات المنتدي إن العربيات بعد ال 30000 كم وعند ال 50000 كم بالذات صوت الموتور بيعلي زي ما يكون في حاجات داخل الموتور خصائصها بتتغير وبتسبب الصوت ده ... مش عارف كلامي صح ولا لاء!!!

[falak]

هو بصراحة من ساعة ما عملت صيانة الـ 50000 وصوت العربية بقى عالي
مش عارف بقى ده عيب السيور مثلا أو البلي
ولا الزيت ؟؟
أنا محتار جدا

[Abo Yasso]

ان شاء الله الزيت
انا لسه حاصل نفس الموضوع ده معايا

[Abo Yasso]

بس قبل ما تنزل الزيت جرب تحط المنظف بتاع البنزين فى كل الاحوال انت مش خسران لو لسه الصوت عالى انت برضوا نظفت دوره البنزين
وده بتحطوا بعد ما تفول وسعره مش غالى فى حدود 30