كلاكس الافيو قطع نفس

[aymaneid]

ياريت ياشباب حد يقولى اشترى ودة الكلاكس منين وسعرها كام.؟
ولو حد عارف اختبر الكلاكس شغال ولا باظ ازاى .... لانوا مرة واحدة وقف وى حاولت فى الكابل بتاعوا والفيشة لكن مافيش فايدة ...... مات وقطع نفس ...... خيبة الله عليه ...

[hamahmy]

بص يا باشا الموضوع سهل و بسيط..... انا حصل معايا الموضوع ده قبل كده و اصلا كلاكس الأفيو غتت و صوته واطى بس اكتشفت انه بيتعمل ليه حاجة اسمها رجلاش و بيرجع صوته اقوى من الاول و مش بيقطع تانى و ده عن طريق فك فردة الكلاكس اللى مكانها مزنوق جدا و رخم و بعد كده فيه مسمار بمفك صليبة تحركه يمين و شمال و طبعا حد جوه بيدوس على الكلاكس لحد ما يعلى اوى و يظبط و دى شغالانة فأنصحك تروح لكهربائى و حايخود منك 10 جنيه بس و انا اول مرة روحت لكهربائى بعد كده بقيت استاذ فيها و كمان ركبت فردة كلاكس معاها تانية بقى الصوت و لا الميكروباص

[احمد عز]

لسه برده بايظ عندى امبارح بس اشتريت غيره بس خلى بالك الكلاكس فرده وحده بدل ما تشترى فردتين

[aymaneid]

فعلا يا جماعة انا رحت شارع دمشق وى حاولت ادور على الكلاكس الاصلى ... لكن للاسف مش لاقيه خالص واشتريت فردتين فرنساوى ب80 جنية وى معاهم relay وبعد ما رحت لكهربائى تبعوااااا ..... طلع قليل الزوق والادب وى مش فاهم اساسا هيعمل ايه؟ ولا عارف يركب .... وى الموضوع ماكانشى عاجبنى خالص ....
وانا مش عارف هما زنقين الكلاكس كدة ليه ؟؟؟ ايه الرخامة دى .... وى اى واحد بروحلوا يحسسنى انوا بيخترع عشان هيصلح الكلاكس .... عشان كدة انا هعمل الموضوع بنفسى وربنا يستر .... ما دام فى ريجلاش وهقدر اظبطوا بنفسى ...

[aymaneid]

اقولكم اخر التطورات .... انا حاولت طبعا ارجلش الكلاكس لكن مافيش فايدة وكشفت على الفيوزات .... وكانت سليمة ... واخر ما ياست رحت لكهربائى سيارات ..... ولقيت للاسف الكلاكس فى الضياع ..... مات

فجبت واحد تانى بودنتين ابو 80 جنية فرنساوى وركبناه تحت الفانوس الشمال ... والحمد لله كان فى فتحة فى الصاج ربطناه فيها بمسمار عشرة .... وطولنا سلك الكلاكس من عند الشبكة لحد تحت الفانوس جوة الاكصدام .... الدنيا تمام ... لكن بصراحة صوت الكلاكس رغم وصوتوا عالى ...... وانا من الاشخاص اللى مش بحد الاصوات العالية زيادة عن اللازم .... دلوقتى انا حاسس انى معايا افيو ميكروباص ...... والحاجة اللى مش فاهمها يعنى ايه كل اللى موجود فى مصر كلاكس نوع واحد وى خلاص وى مافيش اختيارات .... يعنى هو من قلة الاصوات ؟؟؟؟ انا بفكر انى اجيبوا من برة احسن ولو حد عندوا فكرة احسن يقوللى