شيفروليه كروز

[Eldaw]

السلام عليكم جميعا
انا ناوي اجيب عربية مستعملة بس تكون اوتوماتيك ومحتار بين النترا 2009 او كروز 2009
يا ريت اللي جربوهم واصحاب الخبرة يدلوني ايه العربية الاحسن فيهم

[abou-yahia]

عايز اقولك الكروز

بس لازم انت اللي تطلع بلقرار

دور واقراء في المواضيع المثبته عن الكروز

واسأل حد من ملاكها

واستخير ربنا وتوكل عليه وان شاء الله ربنا يوفقك

[devil_storm]

كروز طبعا افضل من النترا ٢٠٠٩ و تحس كده انها عربيه برستيج!! الكروز تقارنها بالنترا الجديده مش القديمة!!!

[Hooba17]

انا جربت الاتنين
وكان معايا الانترا قبل كدة وسيراتو بعدها وحالياً الكروز
الكروز فخامة من جوا جامدة جدا وبرستيج فعلا وشكل جامد وعفشة محترمة
بردو دور كويس واسأل وجرب الاتنين لأن في النهاية إنت اللي هتركب

[moaaz]

انا هتكلم عن الكروز ...اولا العيوب ... ( فقر فى كماليات الامان فى الفئة العادية ) ...(ضعف السحب و خصوصا من الثبات ..من الحركة معقول ) ....دى العيوب من وجهه نظرى و تجربتى ...المميزات ( فخامة داخلية ...شكل حلو ..ثباااات و دى اهم ميزة فيها ....تقفيل و خامات جيدة ..فرامل قوية ) ....من وجهة نظرى تتفوق عن الالنترا فى الفخامة الداخلية و الثباااااات و الفتيس ال 6 سرعات ......و الالنترا تتفوق عليا فى السحب بفرق ملحوظ ...ربنا يوفقك للاصلح

[dr_darsh]

انا ركبت الانترا 2009 gls auto وركبت الانترا 2011 مانيول وركبت الكروز 2010 LT اوتوماتيك
زى ما الاعضاء قالوا الكروز تتفوق فى الثبات بشكل كبير وارتفاعها عن الأرض والفخامه الداخليه وجوده خامتها و الالنترا تتفوق فى السحب والنعومه واستهلاك البنزين وان كان الفرق مش كبير قوى
الشكل الخارجى دى مسأله اذواق .... قطع الغيار للأسف الكروز قطع غيارها الأصليه غاليه جدا اكتر فى بعض الأحيان عن الأوكتافيا ... وثانيا من وجهه نظرى ان العربيه معقدة بعض الشئ يعنى عليك وعلى التوكيل فى الكبيرة والصغيره............. وبالنسبه لاعاده البيع اعتقد الالنترا احسن من الكروز فى البيع والشراء

[Eldaw]

الف شكر لكل الاعضاء اللي افادتني برايها..
بس فيه ناس اكتير قالتلي ان اللانسر احسن من الاتنين..
بصو يا جماعة..انا من الاخر بدور علي عربية اوتوماتيك في حدود 95.000 وتكون كسر زيرو يعني 2009 او 2010
واللي لاقيته قريب من السعر ده(سيراتو-كروز-النترا-لانسر) يا ريت تقولولي احسن عربية ايه
ولو فيه عربية تاني في نفس السعر وتكون كويسة
وشاكر لكل الردود

[moaaz]

لو انا مكان حضرتك ..ترتيب السيارات بالنسبالى
سيراتو-كروز-لانسر-النترا ..دور فى السيراتو الاول لانها عربية جديدة و من جوة فخمة بردوا و سحبها جمييل و سوقها ماشى ...ربنا يوفقك

[dr_darsh]

انا اعتقد فى حدود السعر اللى مع حضرتك الأنسب هيبقى سيراتو لسبب انها سهل انك تلاقى واحده ماشيه قليل وبحاله نضيفه وفئه عاليه بالسعر ده وهتكون كمالياتها أعلى من الكروز واللانسر والهيونداى وعلى فكره السيراتو عربيه كويسه ( مع زوج اختى) بس اللى انا خدتها عليها الباور بتعها مش سلس زى الكروز والهيونداى حاسس اانه تقيل والعربيه واقفه .... وفى اقاويل بتقول انها خفيفه شويه بصرااحه انا مش جربتها على السرعات العاليه بس اخويا معاه هيونداى ألانترا s16 ( افانتى ) وخد السيراتو فى سفر طويل بيقوللى مش حاسس بفرق بينها وبين الإلنترا وزوج اختى ببيجيب بيها 170-180 كم بيقوللى معقوله جدا ... وبالنسبه لكمالياتها ما شاء الله حدث ولا حرج وممكن بالسعر ده تجيب واحده هاى لاين .....
بالنسبه للانسر ... عربيه لاجدال عليها .. هى كانت معايا من 2006 لحد 2011 ماشاء الله مافيش ولا مشكله .. الحمد لله ... بس كنت محافظ عليها بجنون لدرجه ان مراتى كانت بتغير منها وعلى طول كانت صيانتها فى الرواس وانا بعتها وهى ماشيه 113 الف كم بس بجد كانت بحاله جيده جدا ... بس عيب العربيه دى من وجهة نظرى انها فقيره عربيه بتكنولوجيا 2003 والحاجه التانيه ثباتها ماكنش مرضى ليها على السرعات العاليه فوق ال 150 كم/س .... لو مش هيفرق معاك الحاجتين دول توكل على الله هى عربيه معمره وشكلها معقول جدا واقتصاديه فى التكاليف وقطع غيارها بقت زى ال 128 زمان
وانا لو مكانك هأبعد عن الكروز لأن السعر ده هيجيب غالبا واحده كلاسيك نضيفه وبصراحه انا حاسس انها هتبقى فقيره فى مواصفاتها او واحده هاى لاين بس ماشيه كتييير ويبقى مش ليها لازمه لأن العربيه لو مش بحاله ممتازه يبقى قلتها احسن ....

[moaaz]

انا اعتقد فى حدود السعر اللى مع حضرتك الأنسب هيبقى سيراتو لسبب انها سهل انك تلاقى واحده ماشيه قليل وبحاله نضيفه وفئه عاليه بالسعر ده وهتكون كمالياتها أعلى من الكروز واللانسر والهيونداى وعلى فكره السيراتو عربيه كويسه ( مع زوج اختى) بس اللى انا خدتها عليها الباور بتعها مش سلس زى الكروز والهيونداى حاسس اانه تقيل والعربيه واقفه .... وفى اقاويل بتقول انها خفيفه شويه بصرااحه انا مش جربتها على السرعات العاليه بس اخويا معاه هيونداى ألانترا s16 ( افانتى ) وخد السيراتو فى سفر طويل بيقوللى مش حاسس بفرق بينها وبين الإلنترا وزوج اختى ببيجيب بيها 170-180 كم بيقوللى معقوله جدا ... وبالنسبه لكمالياتها ما شاء الله حدث ولا حرج وممكن بالسعر ده تجيب واحده هاى لاين .....
بالنسبه للانسر ... عربيه لاجدال عليها .. هى كانت معايا من 2006 لحد 2011 ماشاء الله مافيش ولا مشكله .. الحمد لله ... بس كنت محافظ عليها بجنون لدرجه ان مراتى كانت بتغير منها وعلى طول كانت صيانتها فى الرواس وانا بعتها وهى ماشيه 113 الف كم بس بجد كانت بحاله جيده جدا ... بس عيب العربيه دى من وجهة نظرى انها فقيره عربيه بتكنولوجيا 2003 والحاجه التانيه ثباتها ماكنش مرضى ليها على السرعات العاليه فوق ال 150 كم/س .... لو مش هيفرق معاك الحاجتين دول توكل على الله هى عربيه معمره وشكلها معقول جدا واقتصاديه فى التكاليف وقطع غيارها بقت زى ال 128 زمان
وانا لو مكانك هأبعد عن الكروز لأن السعر ده هيجيب غالبا واحده كلاسيك نضيفه وبصراحه انا حاسس انها هتبقى فقيره فى مواصفاتها او واحده هاى لاين بس ماشيه كتييير ويبقى مش ليها لازمه لأن العربيه لو مش بحاله ممتازه يبقى قلتها احسن ....

اتتفق مع رايك تماما ...الكروز تتجاب هاى لابن ..لانها حلوة فعلا بس الامااان قلييل جدا فى الفئات العادية زى اللى معايا كدا ..فا شوف السيراتو بالسعر دا ممكن تجيب الفئة اللى قبل ال sx ماشية قليل و موديل عالى ربنا يوفقك

[dr_darsh]

اتتفق مع رايك تماما ...الكروز تتجاب هاى لابن ..لانها حلوة فعلا بس الامااان قلييل جدا فى الفئات العادية زى اللى معايا كدا ..فا شوف السيراتو بالسعر دا ممكن تجيب الفئة اللى قبل ال sx ماشية قليل و موديل عالى ربنا يوفقك

تماااااااااااااااااااااام ده اللى انا اقصده بالضبط
تسلم ايدك

[Eldaw]

الف شكر لكل من افادني برايه
انا رسيت علي لانسر سوبر اكشن ان شاءالله