مساعدة عاجلة لاخوكم الفياتاوى :)

[Medo.Malek]

السلام عليكم
لا اراكم الله مكروها
يا جماعة عندنا عربية كروز 2010 اوتو العربية امبارح الفتيس باظ و كلمنا التوكيل و شرحنالهم المشكلة قالولنا ان الفتيس كله لازم يتغير ب 50 الف !
روحنا نلف على ورش و عفشجية كله بيقول مشكلة فتيس من غير ما يبص حتى على العربية و كله عايز يفك الفتيس و يغيره و الارقام اللى سمعناها كانت من 9 ل 12 الف فتيس استيراد غير المصنعية و ارحم واحد فيهم قال هايغير عمود ادارة ب 5000 تقريبا !!
دلوقتى العربية مكملتش سنتين و الصيانات اتعملت فى مواعدها فى التوكيل
و مفيش ولا صيانة اتغير فيها زيت فتيس رغم انه المفروض بيتغير فى صيانة ال 60 الف و عندنا فواتير الصيانات اللى تثبت ان الزيت ما اتغيرش
المشكلة دلوقتى ان الفتيس باظ و العربية ماشية 80 الف تقريبا
و العربية ضمانها لحد 60 الف فقط ! و التوكيل رافض يغير الفتيس تبع الضمان و بيقول اخرنا نساهم معاكم بجزء من المبلغ !
اللى طالبه منكم تقولولى اتصرف ازاى دلوقتى و جزاكم الله خيرا

[HeMa_LanCeR]

اعمل شكوة في حماية المستهلك

[Ahmed_Ezz]

روح فرع الهرم و شوف اللى حيتم و لو جت على انهم يساهمو بجزء ده كويس لان الفتيس له اسباب كتير انه يبوظ و ان شاء الله خير .

[hmada9009_99]

السلام عليكم
لا اراكم الله مكروها
يا جماعة عندنا عربية كروز 2010 اوتو العربية امبارح الفتيس باظ و كلمنا التوكيل و شرحنالهم المشكلة قالولنا ان الفتيس كله لازم يتغير ب 50 الف !
روحنا نلف على ورش و عفشجية كله بيقول مشكلة فتيس من غير ما يبص حتى على العربية و كله عايز يفك الفتيس و يغيره و الارقام اللى سمعناها كانت من 9 ل 12 الف فتيس استيراد غير المصنعية و ارحم واحد فيهم قال هايغير عمود ادارة ب 5000 تقريبا !!
دلوقتى العربية مكملتش سنتين و الصيانات اتعملت فى مواعدها فى التوكيل
و مفيش ولا صيانة اتغير فيها زيت فتيس رغم انه المفروض بيتغير فى صيانة ال 60 الف و عندنا فواتير الصيانات اللى تثبت ان الزيت ما اتغيرش
المشكلة دلوقتى ان الفتيس باظ و العربية ماشية 80 الف تقريبا
و العربية ضمانها لحد 60 الف فقط ! و التوكيل رافض يغير الفتيس تبع الضمان و بيقول اخرنا نساهم معاكم بجزء من المبلغ !
اللى طالبه منكم تقولولى اتصرف ازاى دلوقتى و جزاكم الله خيرا

رأيي اخف الأضرار انك توافق على مساهمه منهم وامرك لله بس غريبه ان فتيس كروز يبوظ بالسرعه ديه وياترى ايه الأعراض بتاعت الفتيس اما حسيت ققصد ياعني فجأه باظ ولا كان فيه في الأول مقدمات او علامات ظهرت قبل مايبوظ

[Medo.Malek]

اعمل شكوة في حماية المستهلك

هو احنا فعلا فكرنا فى الموضوع ده
لكن مش عارفين نص الشكوى يبقى اية و اصلا التوكيل رسميا معليهوش حاجة لان هو محدد ضمان و الضمان خلص !
فا مش عارفين نتعامل ازاى مع حماية المستهلك !

[Medo.Malek]

روح فرع الهرم و شوف اللى حيتم و لو جت على انهم يساهمو بجزء ده كويس لان الفتيس له اسباب كتير انه يبوظ و ان شاء الله خير .

اشكرك لاهتمامك
همم .. هما لو هايشاركوا بجزء حضرتك تفتكر هايشاركو بكام مثلا ؟!
5 الاف ؟ 10 ؟ 50 % حتى ؟ الرقم لسه كبير برضة ولا اية ؟!

[Medo.Malek]

رأيي اخف الأضرار انك توافق على مساهمه منهم وامرك لله بس غريبه ان فتيس كروز يبوظ بالسرعه ديه وياترى ايه الأعراض بتاعت الفتيس اما حسيت ققصد ياعني فجأه باظ ولا كان فيه في الأول مقدمات او علامات ظهرت قبل مايبوظ

و الله حكاية المساهمة منهم دى فى الاساس مش مضمونة اصلا هما بيقولوا هانشوف اذا كان ينفع المصنع يساهم بجزء !!! و هانرد عليكم
الاعراض كانت نتشه تعتبر غير محسوسة فى بعض الغيارات و متقطعة على فترات و فى اخر ايام الفتيس الله يرحمه كان بيفوت نقلات و ساعات يجى على n و انت ماشى لواحده و العربية تترج و تبرجل جامد مع المرشدير و لمبة الشيك منورة و السحب بيضعف
ده اللى انا فاكره

[abou-yahia]

بص حضرتك

لازم تتحرك في كذا بديل

تعمل شكوي في حمايه المستهلك

وتبعت شكوي لشيفورليه برا

وتتفاوض معاهم يعني تعرف ارقام فعليه مش كلام عايم

وتدور في الاستيراد علي احسن بديل

يعني هل ممن تقلبها مانيول

وهل ممكن تركبلها فتيس الاوبترا وتغير كنترول الفتيس معاه بأعتبار انهم نفس الموتور

جمع لنفسك معلومات عشان تعرف تختار

[Hosam_Optrawy]

طيب هما قالوا سبب العطل ايه

عدم تغيير الزيت ولا عيب صناعه ولا سوء استخدام ولا ايه بالظبط ؟

انا رأيى زى الشباب قدم شكوى وماتسكتش وشوف هاتوصل معاهم لإيه

[CryptonX]

انا شايف انك تشوف رقم خدمة عملاء GM دولي او تبعلتهم E-mail وتأكد على ان الزيت متغيرش في الصيانات و كل الصيانات معمولة في تواريخها.

يمكن GM تتدخل ... في اخ معانا هنا بس كان الموضوع ابسط في عربية ميجان و حاجة باظت بعد الضمان ماخلص و بعت شكوى لرينو فرنسا و عملوا هاله على حساب التوكيل في مصر.

[Formulator]

وهل ممكن تركبلها فتيس الاوبترا وتغير كنترول الفتيس معاه بأعتبار انهم نفس الموتور
جمع لنفسك معلومات عشان تعرف تختار

للأسف لأ :(
الفتيس بتاعه 6-سرعات Aisin-Warner TF80-SC (دا كود الشركة المصنعة/مورد الفتيس)
وجوا GM الكود AF40/6

@ Medo.Malek
شوف ياميدو
انت تدور على فتيس إستيراد.. الفتيس ده بيركب فـ كذا عربية من ماركات مختلفة:
- أقرب حاجة ليك ولشيفروليه: فتيس الأوبل-الأسترا الجديد!! (وطبعا الدايوو Lacetti).
وبردو بيركب على:
- البيجو 508 الجديدة وهتلاقى حاجات مازدا وفورد (عربيات mpv معتقدش موجودة فـ مصر)؟!!
بس خد بالك من حاجة
لازم الكنترول بتاع الفتيس كمان؛ حتى لو أوبل-فوكسهول أو لاسيتى..
عشان فيه فرق فـ المواتير: الهورسباور -الكروز 107 ودول كلهم 115؟؟!!!

بالتوفيق ان-شاء الله

[mhmdalsaadany]

معلش يا باشا سؤال مهم حضرتك بتقول عملت كل الصيانات في التوكيل طيب ازاي في صيانه ال60000كم مغيرتش زيت الفيتيس لو الافتوره بتاعت صيانه ال60000كم معاك ومفيهاش تغير زيت فتيس تعمل شكوى بيها طبعا لان دا تقصير خطير منهم المهم ان دي اخر صيانه في الضمان لازم يكون اللى قبل كدا معمول كله وكختوم عشان محدش يتهرب منك وشكرا

[Medo.Malek]

بص حضرتك

لازم تتحرك في كذا بديل

تعمل شكوي في حمايه المستهلك

وتبعت شكوي لشيفورليه برا

وتتفاوض معاهم يعني تعرف ارقام فعليه مش كلام عايم

وتدور في الاستيراد علي احسن بديل

يعني هل ممن تقلبها مانيول

وهل ممكن تركبلها فتيس الاوبترا وتغير كنترول الفتيس معاه بأعتبار انهم نفس الموتور

جمع لنفسك معلومات عشان تعرف تختار

شكرا لردك يا استاذ ابو يحيى
موضوع الشكوى للشركة برا ده مكانش على بالى فعلا
لو الموضوع اتطور هابعتها ان شاء الله

[Medo.Malek]

طيب هما قالوا سبب العطل ايه

عدم تغيير الزيت ولا عيب صناعه ولا سوء استخدام ولا ايه بالظبط ؟

انا رأيى زى الشباب قدم شكوى وماتسكتش وشوف هاتوصل معاهم لإيه

العربية مركونة فى التوكيل فى اسكندرية و هما بعتوا يشوفوا رأى (المصنع او الشركة برة مش عارف ) الاول
قبل ما يعملوا اى حاجة فى العربية
و هما كل اللى قالوه ان العربية هاتحتاج فتيس جديد !

[Medo.Malek]

انا شايف انك تشوف رقم خدمة عملاء gm دولي او تبعلتهم e-mail وتأكد على ان الزيت متغيرش في الصيانات و كل الصيانات معمولة في تواريخها.

يمكن gm تتدخل ... في اخ معانا هنا بس كان الموضوع ابسط في عربية ميجان و حاجة باظت بعد الضمان ماخلص و بعت شكوى لرينو فرنسا و عملوا هاله على حساب التوكيل في مصر.

ان شاء الله هاتكون دى الخطوة اللى جاية لو معرفتش احل الموضوع مع التوكيل
شكرا لردك يا استاذى