حاجه غريبه فى الرداتير بتاع الاوبترا

[general_a1]

قبل المشكله دى الرداتير كان سربنتيه الزين بتاع تبريد زيت الفتيس مخرومه ودخلت ميه على زيت الفتيس ولحمتها انا عربيتى اوبترا اوتوماتيك 2006 من بعدها القلى نقط ميه تحت العربيه من ناحيه الكوعه الى من تحت الرداتير الى على اليمين ومش على طوول بتنزل يعنى لو مشوار جامد الاقى شويه ميه تحتها ومره شوفتها وهى بتنزل لقيتها ميه بارده جدا مش ساخنه
مع العلم ان المروحه شغاله كويس ومفيش اى مشكله بس انا لازم كل اسبوع اللاقى العربيه ناقصه نص لتر ميه تقريبا
ممكن تكون مشكله ايه

[HeMa_LanCeR]

وديها لواحد كويس يبصلك عليها
اوعي تستهتر بالموضوع ده

[akmm]

متابع ...............

[dr.hazem]

ممكن يكون افيز مرخي او خرطوم مخروم ومتتهاونش بالموضوع لانه حاليا بسيط ان شاء الله...


تحياتي

[general_a1]

وديتها لواحد بص على الوصلات قالى مفهاش حاجه ومش عليها ميه
قالى فك الرداتير كله عند ميكانيكى وهاتو اشوفهولك ومرديش يفكهولى وانا سبته وهروح لواحد تانى

[HeMa_LanCeR]

الرداتير فية مياه اية؟

[general_a1]

ميه عاديه
من الحنفيه

[HeMa_LanCeR]

طيب حط مياه خضرا
علشان دي مكان التسريب بتعمل لون احمر
هتعرف ساعتها تميز العيب منين

[محمود نجيب]

متابع

[weka_sa]

ممكن يكون من التكيف لو انت بتشغله على طول

[نينو]

بس انا هقولك حل المشكلة دي ايه لانها كانت عندي بالضبط في الاوبترا وكنت هجنن والله صرفت 300 جنيه و في الاخر روحت لواحد ميبنش عليه انو فاهم في الريداتير بس هو بتاع ريداتير يعني و قولت اجرب الراجل فك الوش اللي راكب في كالون الكبوت من فوق و جاب بيبة 8 ربط القفزان و قالي ياباشا انسا المياه دي تاني وخد مني 10 جنيه و الله كنت دايخ لدرجة اني كنت هغير الريداتير غيرت كل حاجة تتخيليها ليها علاقة بالمياة و كانت اخر حاجة الريداتير وهي باردة مفيش نقظة مياه واول ممشي يشوية واسيبها تبرد تغرق الدنيا انت روح لبتاع الريداتير وقولو غيرلي القفزان بتاعة الكوعة و انسي الحكاية دي

[general_a1]

انا اصلا السربنتيه بتاعه التكييف مش موجوده اتخرمت وشلتها وهركب غيرها