تسريب زيت على موتور الافيو !!

[Dr_Essam]

السلام عليكم و رحمة الله و بركاته
النهاردة لاحظت وجود وجود زيت على الموتور ...!!!!
ده سببه ايه ؟؟؟؟
الضمان لسه فيه 3 شهور .. فهل اروح التوكيل ؟؟؟

[drmagieed]

مافيش صورة يا دكتور .... الأول شيك علي مقاس الزيت وإتأكد إنه راكب ي مكانه كويس الأول... تاني حاجة ممكن الفلتر يكون جلده نشف وعلشان كدة بيسرب زيت ... الصورة هتوضح مكان تسريب الزيت هل من الموبينة ولا من غطاء التاكيهات ولا الفلتر ولا .............. ياريت صورة من فضلك يا دكتور

[MohammedAladel]

طيب يا جماعة غطاء التاكيهات دا بيبقى فى وش الموتور من فوق ؟؟؟

أصل فيه غطاء عندى مدور بلاستيك أو جلد كدا فوق على وش الموتور وفيه برضه من على الجنب ومتهيقلى التسريب منهم

[Dr_Essam]

مافيش صورة يا دكتور .... الأول شيك علي مقاس الزيت وإتأكد إنه راكب ي مكانه كويس الأول... تاني حاجة ممكن الفلتر يكون جلده نشف وعلشان كدة بيسرب زيت ... الصورة هتوضح مكان تسريب الزيت هل من الموبينة ولا من غطاء التاكيهات ولا الفلتر ولا .............. ياريت صورة من فضلك يا دكتور

مقاس الزيت كويس و راكب فى مكانه .... فلتر الزيت مغيره الصيانة اللى فاتت ...هو التسريب من عند الموتور من فوق على اليمين .. على العموم هاصوره ان شاء الله و هابقى ارفع الصور و احتمال اروح التوكيل بكره لانى قلقان بصراحة و شكرا على ردك يا باشا

[Dr_Essam]

صور

انا مافضتش اروح التوكيل النهاردة لكنى رفعت الصور ... يا ريت تقولولى رايكم

[drmagieed]

ده أور-ينج الموبينة وبيتغير بدون مشاكل وأنا غيرته في التوكيل السنة إللي فاتت ... سعر الأورينج (عبارة عن جوان زي الأستيك كدة) 3 جنية والمصنعية 50 جنية في التوكيل ... أما برة فإنت عارف طبعا المصنعية هتقل ... وطالما إنت لسه في الضمان روح غيروه وهما بيحطوا جملكة أو سيلكون حراري علشان يثبت الأو-ررينج كويس ... وبالتوفيق إن شاء الله

[Dr_Essam]

ده أور-ينج الموبينة وبيتغير بدون مشاكل وأنا غيرته في التوكيل السنة إللي فاتت ... سعر الأورينج (عبارة عن جوان زي الأستيك كدة) 3 جنية والمصنعية 50 جنية في التوكيل ... أما برة فإنت عارف طبعا المصنعية هتقل ... وطالما إنت لسه في الضمان روح غيروه وهما بيحطوا جملكة أو سيلكون حراري علشان يثبت الأو-ررينج كويس ... وبالتوفيق إن شاء الله

شكرا يا باشا على ردك ... و الحمد لله انها حاجة بسيطة ... هابقى اروح التوكيل و اعملها ان شاء الله

[zezozezozezo]

بيفك الموبينة وبيغير اولسية الموبينة دة بخمسة جنية جديد وبيحط سليكون حرارى وبيقفل واهم حاجة بقى مدورش العربية علطول استنى شوية كتير علشان السليكون يكون نشف ومش هتلاقى تسريب تانى خالص

[Dr_Essam]

بيفك الموبينة وبيغير اولسية الموبينة دة بخمسة جنية جديد وبيحط سليكون حرارى وبيقفل واهم حاجة بقى مدورش العربية علطول استنى شوية كتير علشان السليكون يكون نشف ومش هتلاقى تسريب تانى خالص

متشكر يا باشا على ردك و اهتمامك ..

[drmagieed]

شكرا يا باشا على ردك ... و الحمد لله انها حاجة بسيطة ... هابقى اروح التوكيل و اعملها ان شاء الله

تحت أمرك

[zezozezozezo]

متشكر يا باشا على ردك و اهتمامك ..

تحت امرك احنا اخوات

[mmgwaly]

شكرا

شاكر جدا ليكو نفس المشكله عندى