الحمد لله استلمت الأوبترا قبل ما تغلى

[meerothe1st]

الحمد لله استلمتها وأنا حاسس انشاء الله انها عربية ممتازة
بس فى عندى سؤالين لأصحاب الخبرة فى هذه السيارة:
الأول: الكلكس ممكن أغيره خارج التوكيل ولا لازم فى التوكيل عشان صوته عامل زى الفسبة مش ماشى مع عربية حجمها كبير زى ده
الثانى: العفشة ناشفة جدا هل ممكن انها تنعم شوية ولو لأ هل فى ليها أى حل
بالمناسبة هى أوتوماتيك هل فى أى تحذيرات
وشكرا جزيلا

[YoussefMostafa]

الف الف مبرووووك

وربنا يباركلك فيها

[mina_ramsis]

الف مبروك استنى شويه على العفشة و هيه هتنعم شويه

[wildwest100]

مبروك يا باشا ربنا يديك خيرها ويكفيك شرها

[aif]

الف مبروك يا ميرو يا اوبتراوي
ربنا يعطيك خيرها ويكفيك شرها .......ويباركلك فيها
العفشة ح تنعم مع الاستعمال ..... والكلاكس زي الفزبا فعلا .... بس انا قررت مش ح اغيره ... اتأقلمت عليه

[loai-omar]

الف مبروك يا باشا

ربنا يديك خيرها و يكفيك شرها و المسلمين

بس ماقولتش لونها ايه من جوا و بره؟

و بفوجات ولا لأ كده يعني و عايزين نشوفها في قسم البومات السيارات هنا :)

الف مبروك

[meerothe1st]

شكرا جزيلا ليكم يا جماعة على المشاركات والمباركات الجميلة ده
هى لونها التركواز الغامق ومن جوه رمادى زى كل الأوبترا

[ads]

الف مبروك ياباشا

انا ليا سؤال لحضرتك حساس الاوكسوجين عندى بايظ وعربيتى نوبيرا بس استيراد والحساس عندى بسلكتين وللاسف النوبيرا المصرى بسلكه واحده ففى ناس قالولى الاوبترا الحساس الاوكسوجين بتاعها بسلكتين ويركب عندى فكنت عايز حضرتك تبص على الحساس عندك هوه مكانه باين بمجرد ما تفتح الكابوت هتلاقيه راكب فى الفرن بتاع الشكمان الى قدام مروحة التبريد والراداتير حضرتك هتبص على الحساس هوه عامل زى البوجهات وطالع منه السلكتين او سلكه بفيشه على حسب الى عندك ياريت تقولى وترد عليا علشان لو بتاع الاوبترا بسلكتن اشتريه من الى شغالين فى الشيفورليه وشكراً لحضرتك

[meerothe1st]

أستاذ ads
شكرا لحضرتك
أنا هحاول أبص وشوف بس دى هتكون أول مرة أفتح فيها الكبوت بتعها
مش عارف اذا كنت هأضر أفيد حضرتك ولا لأ
حضرتك بردو ممكن تحط موضوع جديد بالسؤال ده فى قسم الشيفروليه وممكن يفيدوك أكثر
بس أن النهاردة إن شاء الله هشوف لحضرتك وهرد عليك

[ads]

أستاذ ads
شكرا لحضرتك
أنا هحاول أبص وشوف بس دى هتكون أول مرة أفتح فيها الكبوت بتعها
مش عارف اذا كنت هأضر أفيد حضرتك ولا لأ
حضرتك بردو ممكن تحط موضوع جديد بالسؤال ده فى قسم الشيفروليه وممكن يفيدوك أكثر
بس أن النهاردة إن شاء الله هشوف لحضرتك وهرد عليك

انا شاكر لحضرتك واسف ان كنت هتعبك

زى ما قلت لحضرتك هتلاقيه جوه الفرن بتاع الشكمان الى قدام الريداتير او مروحة التبريد وطالع منه سلك بفيشه المطلوب من حضرتك هوه سلك واحد ولا اتنين خارجين من الحساس

[meerothe1st]

أستاذ ads
أنا انبارح شفت الحساس ده ولقيت انه خارج منه سلكين
أرجو انى أكون أفدنك

[ads]

أستاذ ads
أنا انبارح شفت الحساس ده ولقيت انه خارج منه سلكين
أرجو انى أكون أفدنك

جذاكم الله خيراً يا اخى الكريم والمحترم

طبعاً افتنى جداً لان زى ماقلتلك انا مش لاقيه عند بتوع الدايو ان دلوقت عرفت ان عند بتوع الشيفورليه شكراً لتعبك معايا واهتمامك وللمره التانيه مبروك عليك العربيه وعلى فكره العربيه دى من اجمل العربيات الى بشوفها وناس كتير بيشكرو فيها المهم داوم على الصيانات فى موعدها ربنا يباركلك فيها ويكفيك شرها وتشوف منها كل خير ان شاء الله

[meerothe1st]

واياكم يا أخى الكريم
أتمنى لك التوفيق إن شاء الله