مشكلة في الدريكسيون

[drmagieed]

إخواني الأعزاء في المنتدي:
بقي لي كام يوم العربية مع أي طوبة صغيرة تحت العجل أو حته مش عدلة في الطريق أحس إن العجل بيتحرك مرة شمال مرة يمين سنة وبيأخذ معاه الدريكسيون ... يعني لو إيدي مش علي الدريكسيون كويس بأحس إنه بيأخذ إيدي معاه شمال أو يمين ... ظبط ضغط الكاوتش ومافيش فايدة ... علي فكرة الموضوع ده كان عندي قبل ما أغير جوز المساعدين الأماميين من شهرين وإختفت ... ما تحرمونيش من مساعدتكم وردودكم!!!

[drmagieed]

هو أنا يا جماعة بجيب أسئلة من بره المقرر ... ده يمكن رابع موضوع وما فيش ردود!!!

[zezozezozezo]

غالبا ممكن يكون جلب بارات الدركسيون عندك بوشت لان كان الموضوع دة عندى بس ملوش علاقة بالمساعدين وروحت لعفشجى وحطهم على جهاز وضغط الجلب بتاعت البارات وبقيت مية مية وطبعا غيرت كمان جلب المقصات بس المشكلة ممكن تكون من دة او من دة

[medo500]

معلش علي التأخير ياباشا بس لما غيرت المساعدين ليه ماكشفتش علي العفشة كان المفترض وقتها تغير جلب المقصات لو فيها بوش وتشيك علي البارات

[drmagieed]

معلش علي التأخير ياباشا بس لما غيرت المساعدين ليه ماكشفتش علي العفشة كان المفترض وقتها تغير جلب المقصات لو فيها بوش وتشيك علي البارات

هي جلب المقصات كانت سليمة بس بصراحة ما شيكتش علي بارات الدريكسيون.... أنا شاكر ليكم وده المنتظر منكم دائما

[medo500]

هي جلب المقصات كانت سليمة بس بصراحة ما شيكتش علي بارات الدريكسيون.... أنا شاكر ليكم وده المنتظر منكم دائما

ياباشا لا شكر علي واجب احنا كلنا هنا اخوات وكلنا بنستفيد من تجارب بعض
ربنا يوفقك ان شاء الله وتعرف العيب فين وربنا يستر علينا جميعاً

[drmagieed]

إللي حصل إني روحت للعفشجي وجرب العربية وقالي بارات الدريكسيون أنا بصيت عليهم وان باركب المساعدين ومافيش فيهم مشاكل ... بعد كدة الموضوع إتطور وبقيت اسمع صوت تخبيط تحت رجلي والدريكسيون ساعات بيزيق بس ديبيحصل كل فترة ولما العربية تسخن ... روحت للعفشجي قال لي هنغير جلب المقصات الأمامية الكبيرة والصغيرة والبيض الأمامي ...فهل ده فعلا له علاقة بالموضوع ده وإللي حصل ده تطور للحكايةمن الأول؟؟؟

[هيثم الدسوقى]

ما تخليه يشوفلك الاسكاترة بتاعة الدريكسيون ممكن تكون بوشت

[drmagieed]

ما تخليه يشوفلك الاسكاترة بتاعة الدريكسيون ممكن تكون بوشت

ودي لو مبوشة ينفع تتصلح ولا تتغير!!! وتكلفة شراء واحدة تانية كام؟؟؟ معلهش أعزعجتك بكترة أسئلتي!!!

[drmagieed]

أنا تقريبا غيرت العفشة من قدام :
1- طقم بارات دريكسيون
2- طقم تيش دريكسيون
3- طقم بيض مقص
4- جلبتين المقص الكبار
5- جلبتين المقص الصغيرين
6- كاوتش الميزان
9- كاوتشة ركبت بين المساعد والسوستة
بس تخيلوا كنت جايب جوز مساعدين كوري Oto-kor من شهرين ما عملوش 3000 كم كشفت عليهم لقيتهم مندعين زيت!!! خلوا بالكم ما حدش يجيب النوع ده.
بس الحمد لله حسيت بفرق كبير في العفشة مستني الأمور تتحسن لما أغير المساعدين بغيرهم... شكرا ليكم جميعا!!!

[abou-yahia]

أنا تقريبا غيرت العفشة من قدام :
1- طقم بارات دريكسيون
2- طقم تيش دريكسيون
3- طقم بيض مقص
4- جلبتين المقص الكبار
5- جلبتين المقص الصغيرين
6- كاوتش الميزان
9- كاوتشة ركبت بين المساعد والسوستة
بس تخيلوا كنت جايب جوز مساعدين كوري Oto-kor من شهرين ما عملوش 3000 كم كشفت عليهم لقيتهم مندعين زيت!!! خلوا بالكم ما حدش يجيب النوع ده.
بس الحمد لله حسيت بفرق كبير في العفشة مستني الأمور تتحسن لما أغير المساعدين بغيرهم... شكرا ليكم جميعا!!!

مبروك

اصبر علي المساعدين لغايه ما يجيبوا اخرهم

انت ملقتش المونرو ولا kyb صح ذي ما انا فاكر

خلاص خليك في الاصلي

[drmagieed]

مبروك

اصبر علي المساعدين لغايه ما يجيبوا اخرهم

انت ملقتش المونرو ولا kyb صح ذي ما انا فاكر

خلاص خليك في الاصلي

الله يبارك فيك ... سألت في لهيطة قالوا إن في شحنة جاية قدامها 2-3 أسابيع فيها مونرو قدام للأفيو ... فكدة كدة أنا هستني زي ما قلت لحد ما يجيبوا أخرهم ... وشكرا ليك جدا!!!

[medo500]

أنا تقريبا غيرت العفشة من قدام :
1- طقم بارات دريكسيون
2- طقم تيش دريكسيون
3- طقم بيض مقص
4- جلبتين المقص الكبار
5- جلبتين المقص الصغيرين
6- كاوتش الميزان
9- كاوتشة ركبت بين المساعد والسوستة
بس تخيلوا كنت جايب جوز مساعدين كوري oto-kor من شهرين ما عملوش 3000 كم كشفت عليهم لقيتهم مندعين زيت!!! خلوا بالكم ما حدش يجيب النوع ده.
بس الحمد لله حسيت بفرق كبير في العفشة مستني الأمور تتحسن لما أغير المساعدين بغيرهم... شكرا ليكم جميعا!!!

كام ياباشا كانت التكلفة وجبتهم من فين ؟

[drmagieed]

1- طقم بارات دريكسيون ctr كوري = الواحدة ب 65 جنية
2- طقم تيش دريكسيون ctr كوري= الواحدة ب 75 جنية
3- طقم بيض مقص ctr كوري= الواحدة ب 55 جنية
4- جلبتين المقص الكبار = 70 جنية الواحدة جي إم أصلي (الجلبة حتة واحدة مش حتتين زي القديمة)
5- جلبتين المقص الصغيرين = 30 جنية الواحدة من منصور
6- كاوتش الميزان = 25 جنية الواحدة جي إم أصلي
9- كاوتشة ركبت بين المساعد والسوستة = 25 جنية الواحدة (جابهم العفشجي من محل جنبه وهي مش موجودة في الأصل).
الحاجات دي جبتهم من محل إسمة الخضري في المنصورة
وماركة ctr كوري هي نفس الماركة إللي بيجيبها التوكي بدليل الحاجات البايظة إللي حلتها من العربية نفس الماركة.

[medo500]

1- طقم بارات دريكسيون ctr كوري = الواحدة ب 65 جنية
2- طقم تيش دريكسيون ctr كوري= الواحدة ب 75 جنية
3- طقم بيض مقص ctr كوري= الواحدة ب 55 جنية
4- جلبتين المقص الكبار = 70 جنية الواحدة جي إم أصلي (الجلبة حتة واحدة مش حتتين زي القديمة)
5- جلبتين المقص الصغيرين = 30 جنية الواحدة من منصور
6- كاوتش الميزان = 25 جنية الواحدة جي إم أصلي
9- كاوتشة ركبت بين المساعد والسوستة = 25 جنية الواحدة (جابهم العفشجي من محل جنبه وهي مش موجودة في الأصل).
الحاجات دي جبتهم من محل إسمة الخضري في المنصورة
وماركة ctr كوري هي نفس الماركة إللي بيجيبها التوكي بدليل الحاجات البايظة إللي حلتها من العربية نفس الماركة.

الف شكر ياباشا ربنا يستر عليك وعلينا جميعاً