إعـــــــلان

Collapse

.

,
See more
See less

تجربتى مع أوبترا وتقرير مفصل بعد 7 سنوات استخدام

Collapse
X
 
  • Filter
  • الوقت
  • Show
Clear All
new posts

  • تجربتى مع أوبترا وتقرير مفصل بعد 7 سنوات استخدام

    تجربتى مع شيفروليه أوبترا وتقرير مفصل بعد 7 سنوات استخدام

    شيفروليه أوبترا 2006
    موتور 1600 سى سى ..107 حصان
    مانيوال ..أسود اللون
    اول فئة
    95 ألف كيلو

    ...
    التقرير ده بعمله فى المنتدي هنا عشان انا استفدت كتير جدا من مواضيع كتير وحبيت انى أفيد بردو زي ما استفدت..
    وبكل أمانة هتكلم عن مميزات وعيوب العربية بعد 7 سنوات استخدام تقريبا...


    أولا : موتور العريبة
    1600 :سى سى 107 حصان ..عزم دوران 150
    الموتور الصراحة عزمه قوى جدا ..فمثلا لما تشغل التكييف مفيش فرق تقريبا فى السحب او تفل الموتور ..ممكن تقول ان قوته بتقل بنسبة 10- 15 % وهى نسبة لا تذكر .. ومع 5 أشخاص فى العربية وانت مشغل التكيف كمان وفى المطالع..موتور جبار ماشاء الله ..نسبىة التقل فى الموتور بتبقى بسيطة جدا..انا شايفه من المواتير ال 1600 ذاات العزم القوي.
    نيجى بقى للتسارع : موتور 107 حصان ..كمانيوال ..العربية سريعة ..بس مش جدا..بس نعتبرها ضمن العربيات السريعة ..يعنى لما بشد مع عربيات زى اللانسر بس تكون اوتوماتيك ..بفضل سايقها لبعد ال 120 ...بس مع المانيوال مجربتش ..
    وعن أقصى سرعة جبتها بيها..ماشاء الله العربية تسارعها بعد ال 140 كمان ماشى بسرعة مناسبة..حتى انى وصلت ل 200 كم فى الساعة وأنا مشغل التكييف ومركب 4 فى العربية ولا الهوا :) بس صوت الموتور بيعلى شوية بعد ال 160 ةالاربى ام على 200 كان قبل ال6 بشوية ..يعنى الموتور لسا ممكن يجيب ...ف رأييى موتور محترم.

    ثانيا : االثبات:
    أولا مع السرعة فى خط مستقيم :العربية من العربيات اللى بحس انها تقيلة بجد على الأرض.. وده راجع لوزنها التقيل .. يعنى مفيش حاجة اسمها مطبات هوا..حتى جربت اللانسر البومه على نفس الطرق الاوترا مفيش اهتزاز خالص واحسن من اللانسر البومه فى مطبات الهوا... راسية جدا ولا اكن فى حاجة فى الارض بجد....
    ثانيا : فى الملفات الصراحة العربية مش حلوة أوى فى الملفات ..تحس العربية بتميل سنة كده بتخوف مش زى الالمانى كده...بس اللانسر البومه احلى منها فى الملفات الصراحة .. بس فى الغرز كويس مش بتحس انها بتحدف... هى مشكلتها فى الملفات على سرعة ..أقل مثلا من اللانسر البومه... ف رأيي العربية كويسة للناس اللى بتحب تجري على الطرق المفتوحة بس زى الدايرى وكده..مش للناس اللى بتحب الغرز واللعب بالعربية .

    ثالثا :الفرامل :
    فرامل العربية ..زى فرامل أى عربية كوري مفهاش ايه بى اس ... الفرامل بحسها ضعيفة شوية على العربية .. فلازم تخلى بالك من الكوتش دايما حالته تبقى كويسة ..لانك لما بتكبس فرامل جامد العربية بتتزحلق علطول .. مش زى عربيات تانية حتى مفهاش ايه بى اس .. الفرامل فى راييى جيدة ولاكنها ليست بالقوية..ومشكلتها فى الزحلقة على التراب والمية .. فى راييى لازم ينزل فيها اى بي اس..

    رابعا : التقفيل الداخلى والخامات :
    الاوبترا عربية با لحجم والقوة والسمعة وبالسعر ده . انا شايف انها من أفضل السيارات فى سعرها فى الخامات والتقفيل ..
    الكراسى متنجة قماش مخملى رصاصى كويس ..
    التابلوه .. مش جلد كده بس بلاستيك خامته كويسة تقيلة كده عكس الهيونداى (بيطيل) ومقاوم جيد للشمس حتى مع سوء الاستخدام
    اعتبر التابلوه حيد بالنسية لسيارة بالسعر ده وبالمقارنه مع بقية السيارات...
    اما الابواب تقفيلها رائع لسيارة بالسعر ده ...
    البات بلاستيك وربعه الفوقانى ( الحتى اللى بتسند عليها نحت الازاز) جلد كويس بيستحمل ..والمقبض حواليه قماش مخملى بيدى شياكه لفرش الباب .. الباب كويس فعلا وتقيل .مش زى بقية العربيات كلها بلاستيك ف بلاستيك
    عيوب التقفيل الداخلى فى ضعف المسند اللى فى النص( .المكسو بالجلد يضا) انه مع التحميل ان زرار الفتح بيتكسر ..والعلبة بتفضل مفتوحة علطول ..وكمان السماعات لو بتعليها كتير بتبوظ بعد 4 سنين كمتوسط ...
    بس غير كده العربية بالسعر ده تقفيلها اكثر من رائع ..وتقدر تشوف تقفيل اللى ف تمنها ( بلاستيك ف بلاستيك )

    خامسا :االصالون والشنطة من حيث الحجم
    طبعا الاوبترا من اهم مميزاتها حجم الصالون الكبيير المريح جداااا بجد عن تجربه..وتفضل انك تعد فى الكنبة ورا أريح ما تعد جنب السواق .. ده طبعا لن مهما اللى قدام يريح الكرسى اللى ورا بيفضل مكان كبير لرجليه ..وكمان ان ظهر الكنبة مريح لورا..فبتعد مرتاح جداااا .. ومان للراكب الامامى المسافة بين الكرسى والباب كبيرة بتديك احساس بالاتساع وكمان بينك وبين كرسى السائق .
    أما الشنطة ..واسعة جدا تقريبا 460 لتير...هتريحك تماما.
    سادسا العزل :
    عزل الصالون عن الأصوات الخارجية : متوسط اقل من اللانسر البومه..وأقل بكثير من التويتا موديل 2007
    اما عزل عن الموتور بردو متوسط بتسمع صوت الموتور زى اللانسر البومه تقريبا.
    وكذلك العزل عن صوت الكاوتشات متوسط وسعات بحس انه اقل من المتوسط بسبب انواع الكاوتشات السيئة ووقلة جودة الاسفلت وخشونته...بس لو الطريق ناعم مابتسمعش حاجة..

    سابعا : العفشة :
    العفشة جيدة جدا ..والعربية عاليه عن الارض . ومش بتحك خالص فى المطبات ..خالص :) ..ممكن تحك لو 3 قاعدين ورا أو فى حاجات تقيلة فى الشنطة .. ومش بتوطى على الأرض أوى لو مليانة ...بتبقى متوسطة
    اما النعومة فى المطبات والنقر..جيدة ومتماسكة..مش بترزع كده حتي بعد 90 ألف كيلو...
    بس ده لو انت بتحافظ عليها....بس لو كحرتها....هتكحرتك :)
    العربية أعتماديتها كويسة جدا لو بتعاملها كوبس..بس لو قليت ادبك عليها:) هتقل ادبها عليك :)

    ثامنا : التكيــيف :
    التكيف حلو بس مش قوى زى اليابانى ... المروحة قوية جدا ..بس لازم تحافظ على تنظيف الفتلر الهوا فى بداية كل صيف ..
    انا حصلى مشكلة ان التكييف بيفصل بعد ساعة ونص شعل..بيهدى الهوا كده والتبريد بيقل ..عرفت ان سينسور التكيف باظ ...بس بيتغير ب 300 جنيه بس فى التوكيل مش مشكلة :) ....رأيى عن التكيف انه متوسط

    تاسعا : الصاج وقوة الهيكل :
    صاج العربية متوسط ...مش عاجبنى ..لانه خفيف فى بعض اجزاءه
    الكابوت والسقف والشنطة ..صاج خفيف لو خبط بكوعك مثلا جامد على الكابوت او الشنطة: هتعلم نقرة خفيفة كده بتبان فى اللمعان
    اما الأبواب والاكصدامات قوية جدا..وجربتها فى كزا خبطة ..... الرفرفين الخلفيين ..اقويا وناشفين ..اللى ادام خفاف شوية
    أما الشاسية فبحس انه قوى لان العربي تقيلة جدا .

    عاشرا : الاعتمادية :
    العربية قطع غيارها متوفرة جداااااااااااااا ومنتشرة فى كل حتة بنص تمن التوكيل ...حتى التوكيل بيفهم وبيحل اى مشكلة ..وقطع الغيار متوفره بيه بردو...وسعر اعادة البيع للعربية جيد جدا عشان عليها طلب ..
    العربية كقوة تحمل ..هتسمتر معاك كتير بدون اى مشاكل اعتقد 10 سنين بدون اى مشاكل طول ما بتعمل صيانة وبتغير سيور صح ..( وبتعاملها كويس ) بس لو بهدلتها ....هتبهدلك .!!!!
    .
    أما:الشكل : دي مسألة زوق بس انا شايفها رياضية اسرية :)


    واخيرا : رأيي عن العربية : العربية دى لقطة عربية ب 90 الف 1600 سى سى بالحجم ده وبالقوة والاعتمادية دى وقطع غيار رخيصة وسوق ممتاز لها :) انها صفقة رابحة :)
    .........

    اتمنى تكونو استفدتو .واى حد عنده سؤال يسأل ..ماعدا سعر قطع الغيار لانها مش معايا وبتتغير باستمرار بس عموما رخيصة ومتوفرة... شكرا ليكم أعضاء المنتدي العظيم

    وكلام فى سرك :)


    انا ناوى اشتري نيسان تيدا هاتش باك ان شاء الله :) لو حد مجبربها يقولى خبرته بردو ...وشكرا :) :) :)




    أحمد المغربى .
    Last edited by ma8rabye; 24-12-2012, 08:03 PM. سبب آخر: شيفروليه أوبترا .. بعد 7 سنوات استخدام...جميع المميزات والعيوب

  • #2
    ربنا يباركلك فيها يا باشا
    تقيم جميل
    والتيدا ممتازة فراي الا الثبات بعد 140
    والله اعلم ..

    Comment


    • #3
      تقرير ممتاز جداً

      ربنا يباركلك فيها
      eng f3lix سابقا

      Comment


      • #4
        ربنا يباركلك فيها ومشكور على التقييم
        [aldl]http://s17.postimg.org/ygne2hebj/F2000045710.jpg[/aldl]

        Comment


        • #5
          شكرا عالافادة ..
          [COLOR=black]Y2Y1500 سابقا[/COLOR]

          Comment


          • #6
            والله تقرير جيد جدا

            وعشام يبقى ممتاز يا ريت بعض الصور
            Ahmed_Lada سابقا

            Comment


            • #7
              تقرير جميل واحييك عليه وفعلا المسند عتدنا مكسور والكلام اللي حضرتك ذكرته صح
              احب بس اضيف ان الاوبترا الاوتو استهلاكها للبنزين يعتبر عالي في فئتها
              والعربية تبهرك فعلا بويعها الداخلي العجيب وسهولة صيانتها والصنايعيه بيشتغلو فيها بنفس لانها واسعه وسهله...
              تحياتي

              Sent from my SE Arc S using Forum Runner
              don't judge a car unless you have driven it

              hm414 سابقا

              Comment


              • #8
                مجهود مشكور
                [OVERLINE]اذا لم تحارب من اجل شي اردته فلا تبكي علي شي قد خسرته[/OVERLINE]

                Comment


                • #9
                  تقرير ممتع بس ممكن تقولنا ايه الحجات اللى غيرتها طوال الفترة دى؟؟؟ و تيل الفرامل بتغيره على كام و ثمنه كام؟؟
                  [frame="2 80"]
                  :welcome1:
                  [/frame]

                  Comment


                  • #10
                    المشاركة الأصلية كتبت بواسطة s o p h o s مشاهدة المشاركة
                    ربنا يباركلك فيها يا باشا
                    تقيم جميل
                    والتيدا ممتازة فراي الا الثبات بعد 140
                    والله اعلم ..

                    متشكر جدا جدا على زوقك :)
                    وهى بقى بعد 130 بتبقى خفيفة ( بتتنطط ) يعنى ؟؟ ولا مش ثابتة فى الملفات
                    ؟

                    Comment


                    • #11
                      اولا : بحب أشكر كل من قري الموضوع ..وشكرا جدا على التشجييع :)






                      المشاركة الأصلية كتبت بواسطة devil_storm مشاهدة المشاركة
                      تقرير ممتع بس ممكن تقولنا ايه الحجات اللى غيرتها طوال الفترة دى؟؟؟ و تيل الفرامل بتغيره على كام و ثمنه كام؟؟
                      انا مغيرتش فيها كتير
                      ..كل اللى غيرته فى العرببية من ساعة ماجت ( بعيدا طبعا عن الصيانة الطبيعة ) زى التيل والفلاتر والسيور وكده...
                      الحاجات اللى باظت يعنى ..
                      الميا نقصت فترة كده فسخنت العربية ..ف الاربة الميا اتخرمت..غيؤتها من التوكيل ب 90 جنبيه... والبلاستيكة اللى جنب غطا الرادياتير لنفس السبب بردو اتشرخت وغيرتها برة التوكيل ب 130 جنبية
                      وفى عيب كان فى اوبترا 2006 فقططط ...ان كوع الميا كان بلاستيك ..والتوكيل قالى لازم تغيره قبل ما يبوظ ..بكوع المونيوم برددو ب 90 جنبيه
                      بس ده تقريبا الحاجات اللى باظت فى العربية من 7 سنين والحمد لله :)
                      وفى سينسور التكييف. باظ ..ان التكييبف بقى بيفصل بعد شعل ساعة ونص ...وعشان تشغله لازم تقفل التكيف دقيقة وتشغلع تانى
                      ..وده زعلنى من التكييف ..وفى التوكيل قالولى بيتغير ب 300 جنيه
                      عربية ممتازة ..ومش هتزعل على قرش دفعته فيهعا

                      ..اما التيل الأصلى بتاع العربية غيرته تقريبا على 20 الف .. وكان ب 200 جنيه .ومش فاكر تركيبه بكام .. بس مع حسن الاستعمال ممكن يعدى ال 20 الف
                      ...وبره التوكيل اغلى واحد ب75 جنيه كوري وبيعد اكتر من 10 الاف بكتير.. :) بس الأصلى احسن عشان بيحافظ على الطنابير طبعا

                      Comment


                      • #12
                        بسم الله ما شاء الله ...ربنا يباركلك فيها....تقرير ممتاز و موضوعى تسلم ايدك

                        Comment


                        • #13
                          تسلم ايديك

                          ربنا يباركلك في عربيتك

                          تقييم موضوعي وصادق وواقعي ومقارن وفعلي ووووووووووووووووووو

                          فينك من زمان يا راجل
                          [SIGPIC][/SIGPIC]

                          afrtow سابقاً
                          [FONT="Courier New"][SIZE="4"][COLOR="DarkSlateBlue"][B]
                          [gdwl] الإمام الشافعي
                          إني رأيت وقوف الماء يفسده * * * إن ساح طاب وإن لم يجرِ لم يطبِ
                          والأُسد لولا فراق الأرض ما افترست * * *والسهم لولا فراق القوس لم يصبِ
                          والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

                          Comment


                          • #14
                            طيب ليه مااشتريتش اوبترا تاني ؟؟؟؟؟؟ وبعدين النيسان تيدا قطع غيارها غاليه جدا ووحشه في اعادة البيع مره اخري
                            اللهم لك الحمد كما ينبغي لجلال وجهك وعظيم سلطانك

                            Comment


                            • #15
                              المشاركة الأصلية كتبت بواسطة moaaz مشاهدة المشاركة
                              بسم الله ما شاء الله ...ربنا يباركلك فيها....تقرير ممتاز و موضوعى تسلم ايدك
                              متشكر جدا..بجد على التشجيع :) حمستونى وان شاء الله هنزل صور كمان :)

                              Comment

                              Working...
                              X